رئيس قطاع الإقتصاد بحزب البشير يدعو لإنفاذ برنامج الإصلاح الاقتصادى
الخرطوم ( سونا ) – دعا الدكتور أحمد مجذوب رئيس القطاع الإقتصادى بالمؤتمر الوطنى لإنفاذ برنامج الإصلاح الاقتصادي رغم ماينجم عنه من تبعات وتكاليف ، وأضاف ” انه لا مخرج للإقتصاد الوطنى من هذه المرحلة الحرجة غير إكمال عملية الاصلاح “.
وعبر سيادته لدى مخاطبته الجلسة الختامية للملتقى الرابع لأمناء الزراع والرعاة بالولايات والمجلس الإستشاري للامانة مساء امس بدار الشرطة ببرى عن ثقته فى توفر الارادة القوية للقيادة لإنفاذ برنامج الإصلاح الشامل ، موضحاً أن النهضة الإقتصادية وعملية التغيير والإصلاح الشامل سيقودها الزراع والرعاة باعتبارهم غالبية اهل السودان وركيزة الاقتصاد الوطني .
وأشار سيادته لإستمرار القطاع الاقتصادي بالحزب فى عقد ملتقياته مشيرا الى التحضيرات الجارية لانعقاد ملتقى المشروعات الاقتصادية المجتمعية .
منصبك و دورك وكلامك و اجتماعك و وعوودك
“برنامج الإصلاح الاقتصادي”
“برنامج الإصلاح الشامل”
“إستمرار القطاع الاقتصادي بالحزب فى عقد ملتقياته”
“التحضيرات الجارية لانعقاد ملتقى المشروعات الاقتصادية المجتمعية”
يا إخوانا في زول فاهم حاجة من الألغاز والفوازير دي؟؟
الإصلاح دا مش جيتو في 1989 عشانه – وهو لسه ما حصل؟؟
وعاملين ليهو برضو برنامج؟؟
وقطاع الإقتصاد في الحزب دا بلتقي بي منو؟؟
والمشروعات الإقتصادية المجتمعية – للحزب ولا للبلد – إذا كان للبلد وإنتو الإستوليتو على البلد والوظائف والكراسي والمكاتب وكل يوم بتتلاقوا – محتاجين لسة لملتقى؟؟
الاولوية يا دكتور لتامين النظام والصرف على القوات النظامية حتى يدخل كل السودانيين فى بيت الطاعة الانقاذى او الكيزانى اما الشعب يعيش او يموت ما مهم وناس السلطة ما عندهم مشكلة فى اى حاجة فى المعيشة او الفلوس عملة وطنية او صعبة والداير ينفصل يتفصل والقعاد فى السلطة اهم من السودان وشعبه حتى لو صار السودان مثلث حمدى!!!!!!!!!!!!!
بعد 25 سنة اصلاح اقتصادى ؟؟؟
طيب كنتوا قاعدين تسووا شنو طيلة هذه المدة؟؟؟
بتدخلوا الشعب السودانى فى اسلام حسن البنا وسيد قطب ولا كيف؟؟؟؟
25 سنة والدول تطورت وانتو لى هسع قاعدين تشحدوا فى قطر وغيرها وتغازلوا ايران والسودان به من الامكانيات ما به بشرية و زراعية وحيوانية ومائية وبترولية ومعدنية الخ الخ الخ؟؟؟
طبعا شماعة المؤامرة جاهزة مع انه اسرائيل والغرب ما دايرين ليهم مؤامرة لانكم مغفلين نافعين تمزقوا البلد وتخربوها نيابة عنهم بعمالة او بغباء شديد!!!!