أخبار السودان

السودان متحدياً أمريكا: تايوان جزء لا يتجزأ من التراب الصيني

صورة محررو الراكوبة 2 محررو الراكوبة 23 أغسطس، 2022
17
وزير الخارجية المكلف علي الصادق

أكد وزير الخارجية المكلف علي الصادق اليوم ، تأييد السودان مبدأ الصين الواحدة بإعتبار تايوان جزء لا يتجزأ من التراب الصيني، كما يؤيد جهود جمهورية الصين الشعبية في الدفاع عن سيادتها ووحدة أراضيها.

وقال الوزير في تصريح صحفي إن السودان يحتفظ منذ إنشاء التمثيل الدبلوماسي مع جمهورية الصين الشعبية، بعلاقات تعاون سياسي واقتصادي ودبلوماسي متميزة مع بكين، ويتبادل البلدان المنافع والمصالح المشتركة، كما يتبادلان الدعم والمساندة في المحافل الإقليمية والدولية..

صورة محررو الراكوبة 2 محررو الراكوبة 23 أغسطس، 2022
17
صورة محررو الراكوبة 2

محررو الراكوبة 2

‫17 تعليقات

  1. بعوضة تطن وتنونى فى افريقيا …
    عن تايوان؟؟؟؟
    يا كرور الكيزان موقف الادراة الامريكية -رغم شالقة بعض النواب – الرسمى فى الموضوع وعبر مختلف الادارات بين بين … دبلوماسية الغموض الخلاق !!

  2. هل استشرت الشعب السوداني قبل اصدار تصريحك هذا يا اهبل… ؟؟؟ من الذي اختارك لهذاالمنصب ومن الذي خولك يا ابا الدواعش؟؟؟!!

  3. وحلايب أليست جزءا من التراب السودانى
    خلوا كلامكم يكون قدر فعلكم

  4. الجديد شنو وخلونا من اسطوانة تحدى امريكا….هى امريكا اصلا غير معترفة ب تايوان كدولة مستقلة…13 دويلة كاريبية فقط تعترف ب تايوان كدولة من ضمنهم دويلة عدد سكانها 11 الف شخص.

  6. سجمنا الكلام دا غلط روق المنقة شوية كدي قول تايون جزء من الصين ولم يتم الانفصال لسع او نحن مع الصين وتايون في مايختاروا او اذا اختارت تانون تتبع الصين خلاص واذا قرروا الانفصال بعدين نشوف وهسع عليكم الله لسع ماخلصنا من حرب روسيا واوكرنيا امريكا تفتح لينا حرب الصين وتايون واحتمال هم متفقين وقاعدين كويس ليه امريكا بتحرض تايون علي الحرب واذا تايون ذكية سوف تطرد امريكا وتقول ليها نحن مع الصين وننتهي و احتمال دا ورقة ضغط للصين عشان تقيف ضد روسيا اوتكون امريكا حست انها ضعيفة قالت تعمل الحرب وقالت اوقع الصين وافرض عليها الحصار عشان اقتصادها ينزل وربنا يشغل امريكا في نفسها

    1. اول مره يا ست العرقي اقصد ست الشاي يا كوز يا مطبل تقول انه الحكومة عملت شي غلط. ههههههههه. هي الحكومة عملت شنو صاح.

  7. هسه الامريكان لو رجعوكم لقوائمهم السوداء الجرسة بتحصل, لا صين لا روس بنفعوكم.

  8. ود المنسى تحذر امريكا للمرة الاخيرة
    مالك ومال امك شكلك قبضت كم دولار من الصين

  9. منو فوضكم يا زباله تتكلم باسم الشعب السوداني.
    كدي شوف مشكله حلايب وشلاتين وابو رماد محتله ٣٠ سنه يوم واحد في راحل فيكم كان عسكري او حاج نور مشي زياره ساي او قال محتله.
    كيزان أحفاد حاج نور الله لا جاب باقيكم

  11. تصريج أشتر سيء التوقيت ومن أنت بل من اى بلد تتكلم تطير تايوان ويطير ابو فورموزا يا وزير السجم السودان كلو فى كف عفريت ليه الإستعجال دا ككلو ولا دى شلاقة الكيزان يا ناطق رسمى سابق؟؟؟؟؟؟ ليه الإستعجال فى تحدى أمريكا .. الصين وامريكا لن تتم المواجهة بينهما لكن الأمريكان لن ينسوا هذا الموقف للسودان ووالئى سيدفع الثمن لا محالة وأنت سيد العارفين المغفلين

    1. اصلا الحاجه دي حتى امريكا عارفاها وامريكا لاتعترف بتايوان دولة مستقلة.
      لكن انتو ش
      الشلاقه ليكم شنو

  12. روقوا المنطقة شوية ياشباب.. انتو ناسين الجماعة ديل عملوا تتطبيع مع إسرائيل عشان خاطر أمريكا يعني شنو لو ادوها قرصه صغيره.

  13. حتى امريكا لا تعترف بدولة تايوان وليس لديها علاقات دبلوماسية معها ولا تعترف الا بالصين الواحدة ولكن لا نريد ان نقحم بلدنا في قضايا قد تضر بمصالحنا مع ان امريكا لن تاخذ موقف ضدنا طالما اننا لم نخالف رايها ولكن امريكا تريد ان تتشفى في الصين بسبب مواقفها المؤيدة لروسيا في الحرب الاوكرانية وعدم تعاونها في قضية فرض حصار على روسيا لذا زارت رئيسة مجلس النواب تايوان كنوع من الغزل مع الصين وتريد ان تلفت انتباهها الى انها قادرة على شيء يمكن ان يعكر صفو الصين

  14. يا اخي خليكم في مشاكلكم الداخلية.. شغل الكبار ده ما تتدخلوا فيهو وتجيبوا للسودان الهواء.. الكيزان ديل غير البحيت ما عندهم شئ وكل تصريح يضر السودان يعرفوا مكانه.. خلوا تصريحاتكم ضمن تصريحات الاتحاد الافريقي او جامعة الدول العربية.. ما تدخلوا بين البصلة وقشرتها.
    تفتشوا في المشاكل براكم وبعدين تحصل الجرسة

جميع الحقوق محفوظة، لصحيفة الراكوبة© 2025 .. تعبر المقالات المنشورة عن رأي أصحابها، ولا تمثل بالضرورة وجهة نظر إدارة الراكوبة
زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..