الحسن الميرغني : الاتحادي سيحكم السودان في 2020م

وأبدى الميرغني تمسكه بالوصف الذي أطلقه على معارضيه داخل الحزب عندما أسماهم ب«الدواعش»

ياشيخ الفته هل تقصد ب دواعش بمعني “”المزيد من النار “” حسب تعريف الكلمه من القاموس العبري أم تقصد داحس وغبراء حسب المعاجم العربيه ومن مشتقاتها دعشق ….ودعشب؟؟؟؟؟
إن حزبه قادر على العودة لحكم السودان منفرداً في العام 2020، حيث ينتظر إقامة انتخابات عامة في ذلك الوقت،

سمح وكرازي يمشي وين؟؟؟؟ كدا راجع الامريكان وإفادتنا ٢٠١٦حتي ٢٠٢٠ دا حيكون فترة حكم الكرزاي بعد ذلك حزب الفته؟؟؟؟؟؟

إختشوا بس .

لا طعم لكم ولا رائحة لا بتشبهوا السودانيين

غريبة ما حضرنا القرعة و 2020 تاريخ تمام تقع مع دبى اكسبو و بعد سنتين نمشى المونديال قطر 2022 و تكون التذاكر و الاقامة على حساب الحسن …. و الاكتشاف المدهش انو السيد الحسن قاصد حل مشاكل السودان فى 1810 يوم و ليس 181 يوم و اذا قسمت ال1810 يوم على 365 حتلقاها عملت 4.96 سنة يعنى فعلا حتصادف 2020 عشة ما قالت ليكم الزول دا واصل..دا شيخ فتة انتو قايلينو شيخ شيكسى..

إن حزبه قادر على العودة لحكم السودان منفرداً
**********************************************

وما ظل فى الخم غير ممعوط الذنب

أيها الأملس الجاهل اول حاجة البس ليك جلابية سودانية و ما تشكر لينا الراكوبة فى الخريف . حزب ليس لديه مكتب سياسى ولا امين عام ولم يعقد مؤتمر منذ فجر الاستقلال ورئيسه محتال درجة اولى يورث ابناءه وينزوى بعيدا بحجة المرض حوفا من المواجهة بابتاع الفتة البادة. وعاوز يحكم السودان فى
وماذا عن المائة وثمانين يوم التى حددتها لحل مشاكل السودان يارخمة _ جاتكم نيلة ياعملاء صلاح سالم الخديوى صلاح سالم

دي زي تنبؤات ١٨١ يوم ؟

مالك غيرت رايك قبلا قلت انك قادر علي حلحلة مشاكل السودان خلال 181 واليوم توكد بأن الحزب قادر علي حكم السودان في 2020 لكن دعوني اتسال يأتو تيار من التيارات التي امتلأت بها الساحه خاصة وانك آخر التيارات وبقول هذا اشاره الي ضياع الوقت والمال بما يسمي الحوار الوطني والتسليم ببقاء المؤتمر الوطني بسدة الحكم الي ان تأتي انت في العام 2020 لتسقطه من خلال الانتخابات والله انا خاتمي حتي النخاع واتحادي أيضا لكنها كلمة اقولها لو تم انعقاد المؤتمر العام للحزب كثيرون لن ياتو مع اكيد احترامي لك ولكن الحزب افزر العديد من الكوادر التي تنتظر لحظة المؤتمر ولا اذكي أحدا ولكن السيد إبراهيم الناطق الرسمي في تقديري هو رجل المرحله لأنه ذو فكر ثاقب بمحافظته علي القيادات التاريخيه لأن هولاء بهم ستعود للحزب سيرته الاولي فالاتحادي حزب عريق لاياكل بقايا موائد الآخرين ولكن مائدته تسع الجميع

ياود ودالميرغنى لو قدر انكم حكمتم السودان فى ظل الظروف الحاليه فعلى السودان

السلام واعتقد جازما ان لا يكون هنالك سودان اصلا وابشرك بان منى اركو مناوى

لايقبل حتى بمصاهرتك ؟؟؟؟؟؟؟ اما اخونا عبد الواحد ابشرك بان يكون له من

الجوارى وملكة اليمين ما يعجز منهن فمرحبا

تزوجوا من فاتنات الجمال وأكلوا من لذيذ الطعام واركبوا الفارهات لكن أبعدوا من السودان لان المترفين أمثالك يصلون إلى السلطة بثرائهم ويسوسون القوانين للحفاظ على

أموالهم وشهواتهم ونعيمهم، وبذلك لا يقبلون أي صوت من أي كان يدعو إلى الإصلاح

والتجديد، ويهمشون عقولهم ويتحاكمون إلى هواهم لكن لن نترك لكم وطنا يضيع انت والعصابة التى اتت بك

يا مولانا
ليها الف حلال في 2020م
لكن نحن في ال 181 يوم الموعوده ..انت عارف باقي منها كم ؟
ما زلنا في انتظار المعجزه والحكمه التى ستحول حال السودان من حال الى حال هذا لايماننا العميق بانك رجل يصنع التاريخ وكلما مر يوم فاننا نتوق اكثر لليوم الذي بعده حتى يخرج السودان من الظلمات الى النور
مدد يامولانا مدد

ياراجل كدي اول شيء شوف لينا ال180 يوم عملتو فيه شنو عشان نصدقك هذه المرة غايتو الي تحكم السودان في شبيه كوكب الارض الجديد وفي عام 20200 وليس عشرون القريب دا بس ماوريتنة الشيوعي بحكم سنت كم ??..!

انتو الجلاليب البلبسوها دى جايبنها من وين . أمكن من صدقات امير جدة

يا أخوي الحسن أبو طاقيه أولا إتفككوا من نبات الحسكنيت (الكيزان) الذي علق بكم وعدها يحلها ألف حلال كان عاوزين حكومه منفرده كان معارضه كان مشاركه .وبعدين معاك كم المتبقي من (180) يوم لحل مشاكل السودان التي وعتنا بها ..زيدها شويه خليها (180) شهر وأديها شويه .. شويه ..شويه وأوصلها ل(180) سنه . قال 180 يوم علي الطراق (على وزن الطلاق) كان بقيت بدريه الترزيه طاقيه زي طاقتك اللابسها دي ما تقدر تخيطها في 180 يوم.هوي يا وليد أرعى بقيدك .

«الدواعش»، وتابع قائلاً «بل هناك خوارج»، اللتاخة شنو؟ دا حالتو القاري في امريكا
عمرك ما تتعلم سياسة. حتى سياسة الحزب المتوارثة ما كدا – يا ولد احترم كبيرك

يا اخوانا الولد دا الشديدة دي بلفها بي كرتين ؟

نظرية الاحالة الي المجهول صنعة ابوك من جدودك
خلاص قلت الناس نست ال 181 يوم القلت تحل
فيها مشاكل السودان قمت مديتها ل 2020 انشاء
لغاية الوقت داك ن ف اخ النار ما يفضل فيكم في
السودان.

تشومها قدحه..يا سفيه يا فسد يا نرجسي با خاين يا كلب..الله يخسف بيكم الارض وامثالكم الكيزان..قبح الله وجوهكم ياسفله..يا وسخين يا معفنين..حطم الله طئراتكم..احرق الله بيوتكم..امرضكم الله بامراض لا شفاء لها..

كيف؟ فى حاله واحده بس تحمروا فى السودانيين لمن اقعوا كلهم وتستلموا السلطه وبعد ده ما حاتخافظوا عليها

لمن تشوف حلمة أذنك

ان كان راجنكم يا ناس الاحزاب التراب فى خشمنا جربناكم جبتوا لينا البلاوى ومنذ الاستقلال وانتم تنهشون فى لحم الشعب السودانى ووعود براقة تظهرون ايام الانتخابات وتختفون بمجرد نتائج الانتخابات هكذا وان كان حزبكم فى مناى عن الدور الذى لعبهما حزبا الامة وحزب الترابى فى الاتيان بالعسكر ولكن ايضا على مستوى مصلحة ومنفعة السودان لم نرى لكم بصمة سواء بصمة ارتفاع صوتكم بوحدة وادى النيل مما حدا بتوفيق عكاشة بان ينكر بان هنالك شيىء اسمه السودان وقد سبقه اخر فيما سبق بان حدود مصر حتى عطبرة فكان رحيما بنا نوعا ما والاراف منه اسامة الباز الساسى المنحك الذى صرج بان حدود مصر حتى كريمة ووب على الحلفاويين والمحس والدناقلة والشايقية صار مصيرهم كمصير النوبة فى مصر اى نوبة اسوان السودانية العريقة اى كل حزب جلب لنا مصييبة من مصائبها التى اقعست سوداننا الحبيب ربنا يحلنا منكم يا رب ويظهر ماهتير السودان انظر يا سيدى حال ماليزيا التى اخذا استقلالها بعدنا بسنة وكيف كان حالها فى ذاك الوقت مقارنة بالسودان ولكن بافعالكم وتناطحكم على بعضكم البعض ومكايدكم التى كنتم تكيدونها ضد بعضكم البعض والميادين فى لياليكم السياسية تشهد من الكلمات التى كانت تحط من قدرنا بالتحريض وما الى ذلك كما ذكر الاخ نحن فى انتظار ان تحل مشاكل السودان فى ال 181 يوم وعندما تبقى للموعد والوعد ايام قليلات ظهرت بهذه الفرية وانكم ستحكمون السودان عام 2020 اقول لك كذب المنجمون ولو صدقوا الحكم من عند الله وهو القائل تؤتى الملك لمن تشاء وتنزع الملك ممن تشاء … ونحن نتول لو كنت اعلم الغيب لاستكثرت من الخير وما مسنى السوء … علم الغيب كله عند الله يا السيد اعتقد جازفا بان ال 181 يوم قد انتهى وقضى نحبه لذا جئتنا لتبشرنا بالحكم ماذا ستقول تلك التى تقبع فى سلم على وعالى فى مجلسنا الوطنى وقد بشرتنا بان الحل فى يد سيدها هل من قول اخر يا هذه بعد ان فشل سيدكى واتى بمنظومة ومنغومة اخرى احترموا عقولنا فقد هرمنا من اكاذيبكم والله المستعان على ما تصصفون

You mean that ElGashir will rule the Sudan for the next 5 years? You announced before only 181 days and everything will change!? Have you changed your mind or something!? This is a disaster from ElGashir to the Mirgani family! The Sudan will lose for ever if this happens.

يعني لما تكبروا شوية ويموت البشير؟