كمال افروا يتحسر على انسلاخه من الاسلاميين وضياع منصب والي الخرطوم
حاورته : رابعة أبوحنة
هو والي الرياضة بامدرمان بلا منازع ولكن كمال افرو يعتقد ايضا انه جدير بان يكون واليا للخرطوم وشفيعه في ذلك بانه ( ود الخرطوم ) ولكن ما حرمه من هذا المنصب بحسب ما ذكر هو انسلاخه عن تنظيم الاخوان المسلمين الذي كان ينتمي اليه في صباه الباكر
في البداية من انت
كمال الدين محمد سعيد الشهير بكمال أفرو متزوج عدة زيجات لدي كمية كبيرة من البنات والاولاد ولا افكر في الزواج مرة أخرى لعدم وجود ما يشجع على ذلك وكنت من اشهر رجال الاعمال ولي مطاعم وكافتريات وأنا اول من ادخلت تسريحة الافرو الى السودان وذلك باحضار مصممين من اثيوبيا وايطاليا وهذه التسريحة كانت سبب في جلدي بعد ان جاءت قوانيين سبتمبر وتم إغلاق جميع محلاتي وبعدها هربت الى اثيوبيا وكانت لدي بعثة الى جامعة يوغسلافيا وانا في طريقي ليوغسلافيا اول محطة كانت الرياض وفي هذه الاثناء حدثت ثورة (دبشك) وهي التي ادت الى تأجيل سفري وحالت دون ودخولي يوغسلافيا وظللت بالسعودية 5 سنوات وجمعت خلالها مالا كثيرا جدا جدا جدا جدا جدا قالها هكذا 5 مرات
ماذا يضحكك ؟
ليس هنالك مايضحك
ماذا يبكيك ؟
كل ما يبكي الاخرين
ماذا يطربك ؟
أي اغنية تطربني وتدغدغ عواطفي
فنان تستمع اليه باستمرار ؟
احب الفنانين الشباب ان ضد الهجوم عليهم واعتبر الهجوم عليهم حصد وغرض
ماذا تقرا الآن ؟
مابقرأ الا الجرائد اليومية مجبر عليها
من تشجع في كرة القدم ؟
اللعبة الجميلة بطبيعتي هلالابي واكره العنصرية والتعصب والرياضة يجب ان تكون حب وسلام
انجاز حققته ؟
صنعت شخصية اجتماعية لها وزنها في المجتمع السوداني
مما تخاف ؟
الموت والفلس والشنة والظلام والفقر
الصفة التي تحبها في الرجل ؟
ان يكون له شخصيته الاعتبارية التي يفرض بها وضعه
والمراة ؟
المرأة الحنينة
ماهي عثرات عمرك؟
كل ماهو مكروه ومفروض يكون عثرة في حياتي
شئ ندمت عليه ؟
ندمت لتركي لتنظيم الاخوان المسلمين وذلك لانني منذ ( ولادتي ) انتمي اليهم لكنني تركتهم وقلت هؤلاء لا يمكن ان يحكموا السودان لانو (روحم طويلة وبيصبروا كتير ) لكن قراءاتي لم تكن صحيحة ولولا قراري هذا لكنت الآن واليا للخرطوم لاني ود الخرطوم
هل سعيت للنجومية ؟
ماعندي مؤهلات دي رجرجة داخلية والطيب صالح لو ما مشى لندن ما كان نجح والدليل على ذلك نايل غني بالانجليزي ليقنع العالم وليس باللهجة السودانية
بماذا تحلم الآن ؟
اجاب بابتسامة عالية وهو أنا قاعد انوم عشان احلم والناس كلها بقت تنوم نص ساعة والبحلم دا مرتاح
ما لايعرفه الناس عن كمال افرو ؟
انا شخصية معروفة ومكشوفة واحمد الله على ذلك
طيب تعال إتبرك بضريح سيدك الميرغني أحسن ليك
طالما ندمان على إنسلاخك من تنظيم الإخوان الشياطين معناها لسه الروح الشيطانية الشريرة معشعشه فيك بعدين إنت نكرة لا معروف ولا حاجه أنا zozo دا معروف أكتر منك أقل شئ الكتير من أسرة الراكوبة و قرائها بعرفونى و لله الحمد عمرى ما كنت كوز لا بسرق لا باكل حق الناس ولا بسترزق من ال night spots بعدين قروش كتيرة جداً جداً جداً جداً جداً دى عملتها فى السعودية كيف ؟
كنت بتشتغل فى الهناى وللا شنو ؟
الناس في ايه وافرو في ايه
قمة في الاسفاف
دة كمان غير السكسكة ماعندو حاجة
ب
حوار ليس له معنى وهذا الشخص يجب ان يهذب شعره اولا لان منظره كريه وعلى الشخص ان يكون مهندم ومهذب فى كل شئ خاصة ملبسه وشكله الخارجى حتى لايؤذى الاخرين بمنظره الكريه المقذذ.
والله جميل يحب الجمال .
مازال الباب مفتوح للانضمام للاسلاميين، بس إنت ابتكر “تسريحة الافرو” للدقون.
وكلو ضحك علي الدقون يا كمال أفرو … أيها الكهل المتصابي.
راجل سفيه وبتاع فارغات ساااى بلا افرو بلا اسيوى معاك قال تنظيم الأخوان المسلمين
يا اخوانا كمال افرو ده نموذج للسبهللية والاسفاف رجاء لا تحسبوه على امدرمان ؟؟ امدرمان عريقة وناسها اصيليين ومؤدبين فى كلامهم ولبسهم … ده شيخ متصابى لا يحترم سنه ولا يحترم المدينة الفاضلة التى انجبته .
كمان على العليهو قال نادم على تركه لتنظيم الاخوان المسلمين ،،
ارجوا ان لا تؤاخذونا بما فعل السفهاء منا
حرامى كبير افرو
الزول دا اصلا ما بهضمو..ياخى احترم نفسك زول عجوز كدا وراسك منكوش داير تقنعنا انك شاب
الراجل دا عبيط مش كدا؟ بس ان شاء الله يكون عارف انو هو عبيط واهبل.
كرهتى فى الدنيا الراجل المتصابى ده ، قال بكره الشنة هو اشنه منك فى ، جنك رقيص ذى
الحناكيش كدة ، انت قايل نفسك وسيم يامعفن اى حفلة جاى تخفف فى دمك ، والغايظنى اكثر على قاقرين مناسب العبيط ده والله ما تستاهل يادكتور .