(بقت على الرقيص)..؟!!
بالمنطق
* معروفة- وسخيفة- نكتة الرجل الذي (ضبط!!) زوجتهفي وضع فاضح، ثم صاح قائلاً: (والله اما باقي ليكِ إلا تشربي السيجائر)..
* وتذكرناها النكتة هذه حين سمعنا حديث وزير السياحة عن (المحرمات السياحية!!)..
* فقد قال محمد عبد الكريم الهد- هدانا الله وإياه- إن الدولة (لن تستقبل سياح الخمرة والمراقص!!)..
* وهذا كلام جميل والله من الدولة على لسان وزير السياحة ولكن دعونا (نلكَّنها شوية) ولما تهدأ بعد نشوة الطرب (الراقصة!!) في قلب الهد جراء حديثه هذا..
* فوزيرها للسياحة أرد- (يعني)- أن يُذكِّر (الناسين) من الناس بأن الدولة توجهاتها (رسالية!!)..
* وبما أنها كذلك؛فممنوع منعاً باتاً ممارسة (الكلام الفارغ!!) من تلقاء الأجانب في أرض بلادنا (الطاهرة)..
* (طيب) يا سعادة الوزير الهد- هدانا الله وإياكم- ماذا تُسمِّي ما (ضُبط) ذاك داخل محل مخصص لـ(المساج!!) في قلب عاصمة دولة (التأصيل!!) قبل أيام؟!
* ثم- و«المصيبة وين؟!»- أن (أبطاله) سودانيون من بني جلدتنا وليسوا أجانباً أتوا بغرض (السياحة)؟!
* وليست المشكلة في اجتراع سودانيين السيئات- بالطبع- وإنما في (القوانين!!) التي بموجبها فتح المحل هذا أبوابه (على عينك يا تأصيل!!)..
* ومن قبل كتبنا عن حادثة مشابهة تحت عنوان (مساج وتدليك؟ الآن فهمتكم!!)..
* ثم- وبالمناسبة- هنالك (خلوة!!) مارس شيخها (مساجاً شيطانياً) مع يافعة قبل نحو اسبوعين..
* شيخ يدرس القرآن يا شيخ الهد- هدانا الله وإياكم- وليس سائحاً أجنبياً (بتاع خمرة ورقيص!!)..
* والأمثلة من الشاكلة هذه ينوء بحمل محاضرها الشرطيون أولو القوة..
* فإن حاججتنا- يا الهد- بأن الخطيئة موجودة في كل مكان وزمان حاججناك بالإحتكام إلى محاضر الشرطة هذه في كل مكان وزمان (سودانيين!!)..
* فلن تجد- (بالغلط)- محضر (اسبوع واحد!!) يحوي من البلاوي ما يهون إزاءه (رقيص السياح وسكرهم!!)..
* فالمحاضر هذه تخلو من إشارة إلى (عدد «3») حالات إغتصاب لقُصِّر- أو رُضَّع- في اسبوع واحد من أقصى السودان إلى أدناه..
* وتخلو من إشارة إلى (عدد «1») حالة ضبط لـ(كبير!!) وبمعيته (4)- «حتة واحدة»- أو (2) أو (1) من الغانيات..
* وتخلو من إشارة إلى (عدد «2») حالة زواج (مثلي!!) لشواذ (يتحَّنون) و (يتكبرتون) و (يتدخَّنون)..
* فبذمتك يا الهد إذاً- هدانا الله وإياكم- أيهما أشد (عيباً!!) أمام أعين مشروع (التأصيل!!)..
* أن يرقص (عابرون!!) ويسكروا ويعربدوا ثم يمضوا في حال سبيلهم بعد ترك (دولاراتهم) وراءهم؟..
* أم أن تشهد بلادنا (المساخر) هذه كلها من (مقيمين!!) بما لم يحدث في تاريخها من قبل؟!..
* ولا نعني بحديثنا هذا يا الهد- هدانا الله وإياكم- أننا نشجع (رقص!!) السياح في بلادنا ولكنا نخشى شيئاً واحداً..
* نخشى أن يبلغ بنا (هوان التعايش مع الحال المائل!!) حداً نقول معه يوماً مثل الذي قال زوج المرأة (المضبوطة) تلك..
* نقول: (والله يا بلادنا ما فاضل ليك إلا تشربي السجائر)!!!!!!!
آخر لحظة
[email][email protected][/email]
من بره هلا هلا و من جوة يعلم الله ..
حلوة.. بالجد ما قردت أكتب غير الكلمة دي
قيل لاحد بان مراته شوهدت مع الكهربائي فلان فرد عليهم قائلا بان فلان هذا ليس بكهربائي ولا شي ترك المصيبة والكارثة وتحدث عن اشياء اخرى والسيد الوزيز كذلك
لا فض فوك يا ود عووضة ريحتني جنس راحة(هم قايلين الناس ما بفهموا)
يعني شنو رئسنا ذاتو ما برقص
رقيص السياح ولا رقيص البشير ؟؟؟ رقيص السياح بجيب قروش ورقيص البشير بيجيب شنو؟؟؟ أعوان البشير يرتكبون كل الموبقات ويستكثرون السكر والعربدة على السياح!!! ياتو جريمة الما ارتكبها الكيزان ، السرقة ، الزنا ، الشروع في الزنا ، إغتصاب النساء ، إغتصاب الأطفال ،السكر ، اللواط ، وكل الفواحش التي نهى عنها الشرع يرتكبها منتسبي المؤتمر الوثني ومع ذلك يملأوون الدنيا ضجيجا إذا وجدوا واحد غلبان بائس شارب ليه شوية مريسة ، وهم يستخدمون فقه الضرورة لتحليل المحرمات ويستخدمون فقه السترة لمداراة ما ارتكبوه من فواحش
اخر لحظة ؟ ده شنو يا ود عوضه قلبت ولا شنو ؟
والله الوزير ده ذات نفسه خطيئة
في ظل الهد وأمثاله، سيصبح مثل هذا القول (ما فضل ليكي إلا تسفي الصعوط) هو سيد الموقف في كل ما يحيط بنا من موبقات! المقصود بالتأصيل هو تأصيل ممارسات المؤتمرجية: يهتفون هي لله ولا يتورعون عن أكل مال النبي الكريم عليه الصلاة والسلام، يطبقون حد الحرابة على من يسرق الدراهم المعدودة ولا يوبخون مجرد توبيخ من ينتمي إلى الحزب الحاكم ويسرق المليارات من أموال الدولة، يشتمون أمريكا من هنا ويركعون لها من هناك، يتكلمون عن المشروع الحضاري ولا نرى في الواقع إلا مشروعاً ماسونياً مغرقاً في الفجور!
ياخي الله اهد حيطه في راسك انت مابتشوف المحلات بتاعه الجبنه البسموها الجنبات والشكشه حقت الحبشيات الفيها ولا شنو
والله خربانة من كبارا وذي ما قالوا الجمل مابشوف عوجة رقبتوا اما ان الاوان ان تنظر الحكومة الي اعوجاجها والتواء عنقها حول المصائب التي من كل حدب وصوب بسبب المشروع الحضاري المزعوم وائ حضارة هذه التي ازلت العالمين وارضعتهم المهانة والاحتقار في بلد كل شئ فيه غالي الا الكرامه من ارخص الاشياء , اما كان السودانيون من قبل ينتمون الي الاسلام ثقافتاً وادباً واخلاقاً ام ان الحكومة هي التي جأات بالاسلام كما جاؤو به السابقون امثال عبدالله ابن ابي السرح وغيرهم من الناس فلم يذكوو نفوسهم ابداً فماذا عن هولا العصابة التي تامر الناس بالبر والمعروف وتنسي نفسها حسبنا الله ونعم الوكيل فيكم
وزير السياحة قال ان الدخل السنوى للسياحة تعدى حاجز ال ٦٠٠ مليون
دولار، وذكر ان متوسط ما يصرفه السائح هو الف دولار فى الاسبوع.
فاذا افترضنا ان متوسط الفترة الزمنية هي اسبوعين وهى فترة كافية
لاكل اللحم بقدنهار وشراب القهوة على شاطئ النيل وزيارة جبل مرة
والاستمتاع بمشاهدة التعدين العشوائى للذهب، فسوف يكون عدد السياح
الاجانب فى السنة الماضية ٣٠٠ الف سائح (ما يقارب الف سائح يوميآ)
الرجاء من الاستاذ صلاح عووضة التحرى وافادتنا من اين اتى هؤلاء
السياح. اخاف ان يكون السيد الوزير قد حسب المغتربين عند زيارتهم
لاهلهم من ضمن السياح !!!!
وبعدين كضاب بور سودان السكر المستورد راقد وببيعو للسودانيين بي اسعار مخفضة وللسياح باسعار اعلى عشان الاستثمار لكين للسائحون بجيهم لغايت عندهم وبي بلاش
وييييييييين انت يا صديقي العزيز؟؟؟
انت اللتاريك نائم؟؟
البلد دي ما شربت السجائر من زمااااااان و كمان بتخمس مع اسرائيل
ياوزراء ياولاء يابتاعيين المؤتمر الاوطنى انتو بتسافرو شرق اسيا ومصر وتركيا ليه ياعبدالرحمن ىالخضر بتمشى تركيا ليه وشاهدوك الناس وين يعنى انت قايل الصور ماموجودة سوف تنزل فى اليو تيوب عشان تشوفو كيزانكم وين ياهدهد
سياحة الهد دى الا كان “للسائحون” من مصر وقطر .
يا أستاذ عووضة
سيأتى سياح بدقون ..يكبرون ويرقصون
ما تجيبو لينا الهوا، اى زول يخد نفسو ويقطم!!
سياحه شنو يا وزير السياحه يا اهبل انت.بلد معفنه ومقرفه وما فيها قانون ولا نظام ومافي فنادق ومافيها اي حاجه اشوفوها، سياح شنو البجو السودان ياعبيط. اسي انا كان عربي مثلا امشي المغرب ولا لبنان ولا امشي السودان؟ وكان خواجه اخلي اوربا دي كلها عشان اجيكم انتو يا كيزان يا حراميه؟
بالله عليك يا وزير السياحة دا كلام؟ مالو الرقيص يعني ما رئيسك بيهز ليل و نهار ، و الفيديو بتاع رقيصو مع الجكس في الحفلات مالي الدنيا و العالمين
وفر للسايح مايحتاج احسن مايقوم يفتش براو وانت عارف انو بلقا
ده وزير قرع