اعتصام لمتضرري حرب الخليج أمام مجلس الوزراء
الخرطوم: أنس الحداد – سماح الطيب:
اعتصم أمس العشرات من متضرري حرب الخليج في العام 1990م، أمام رئاسة مجلس الوزراء بالخرطوم، مُطالبين الحكومة بضرورة حل قضيتهم التي ظلت دون حل لأكثر من (23) عاماً عقب عودتهم للسودان.
وأوضح عدد من العائدين- أن الهدف من الاعتصام رفع مذكرة لمجلس الوزراء لتوضيح موقفهم من صرف استحقاقاتهم التي منحتها لهم الأمم المتحدة من خلال تكوينها للجان المختصة بأمر العائدين من حرب الخليج آنذاك، وانتقد بعضهم تباطؤ الدولة في حل مشكلتهم وعدم توضيح الأسباب التي أدت لتأخر صرف الاستحقاقات، وقالوا إن القوات النظامية قامت بفض الاعتصام وطالبتهم بعدم التجمهر أمام مبنى رئاسة مجلس الوزراء، وأكد المتضررون أن اللجنة المكلفة استلمت مبالغ التعويضات من الأمم المتحدة، ولكن لم يعرف أسباب تأخر صرفها للمتضررين البالغ عددهم (21) ألف شخص بالخرطوم.
الرأي العام
اكلوها زمان و ناسا ماتوا انتو لسع منتظرين
الا تنتظروا تعويضات الحروب القادمة سرقة قبل 23 سنة جايين تكوسوها؟؟؟؟ ÷÷ههههههههههههههههههههههههههههههاااااااااااااااااااااااااااااااااا
يا متضررين إياكم ثم إياكم تدخلوا ناس الانقاذ في الموضوع ده، لأنهم حا يشيلوا القروش دي من الجهات الدافعة بطريقة ستجعل الشيطان الذي زين لصدام حسين احتلال الكويت مستغرباً ومحتاراً،، انتظروا واصبروا شوية عما سيسفر عنه حراك الفجر الجديد ،،
اكييد اللجنه استلمت الفلوس من الامم المتحده ونهبتها نسفتها اختلستها شئ متوقع من حرامية الحكومة – ربنا ينتقم منهم ربنا يشعل نار فى بطونهم التى تاكل السحت والمال الحرام 0
هذا هو المضحك المبكي…..
اننا شعب لا يملك ردة الفعل في الوقت المناسب وهذه مصيبة كبيرة يجب ان تخضع للدراسة وهناك نكتة تحكي ان احدى الحاجات كانت تحمل طبق الفول المررو على رأسها فقام احد المماسيخ بشكها على خاصرتها مستخدما اصبعي السبابة مما يستوجب منها النطة السريعة كرد فعل “للنغزة” ولكنها خافت على طبق الفول الذي على رأسها فقامت بوضعه على الارض ثم نطت بعد ذلك……..
بعد 23 سنة يأتي المتضررين من حرب الخليج ليقوموا اليوم بمظاهرة لعرض قضيتهم امام مجلس الحكومة والحكومة هي المستبب الحقيقي في ضررهم لموقفها الغبي في حرب الخليج وقد عوقبت على ذلك الموقف الحيواني بأن اقتطع منها نصف السودان بالقوة وقد تضرر اثر ذلك مواطنون من الشمال ومن الجنوب بطريقة مباشرة بينما تضرر كل الشعب السوداني بنفس الطريقة وكان يجب عليه الخروج الى الشوارع بل الهجوم على كل من يمثل الحكومة وتمزيقه ارباً ارباً في ثورة عارمة لم يسجل مثلها التاريخ من قبل ولكن في ذلك اليوم كنا نتمطى ونتمطق ونتشهى ونتشهق ونأكل وجباتنا كما تأكل الدواب قصعتها غير مبالين بالحدث الجلل الذي وقع على رؤسنا ولكن ان شاء الله بعد 23 سنة كما فعل اخوتنا متضرري حرب الخليج سنخرج الى الشوارع لنتعبر عن سخطنا لتقسيم السودان مطالبين برد حقوقنا من الانقاذ التي اندثرت قبل عقدين من الزمان…….
شعب يملك جينات من دم السحلي في زمن التبدل المناخي الذي قلب القطب الجنوبي في خط الاستواء ينتظر طلوع الشمس لتسخين دمه البارد ولكن قد حل بالدينا العصر الجليدي فلن يفيق إلا بعد الف عام…….
قول يالطيف ده دخلت الكروش الكبيره في حوش بانقا وعلاج المريض الذي قسم السودان شيخ المشايخ
المفسده علي النظرية الناس ده مابتخاف من رب العباد ودي عايز تعيش تاني كم أظن والله أعلم 25سنة
شكلكم ركبتوا الماسورة … شروشكم دي يتذكرني بالمثل القائل العندو حاجة رايحه ليهو يفتش فيها في خشم البقرة .. لكن الإنقاذ ليست ببقرة بل غول إسطوري وساحوتة تأكل الأخضر واليابس . الله يعوضكم.
21 الف شخص ؟؟؟؟؟؟؟؟؟
اعملوا حركة مسلحة وشيلوا حقكم بقوة السلاح … وسموها حركة في شكل وردة
بعد ساعة واحدة بس من الاعلان بشة حاتصل بوزير العواسة عشان يطبعوا ليكم قروشكم
وانا كما متضرر من حرب ليبيا الاخيرة وما ادونا حاجة
يا اخوانا ديل كانوا ما فاضين ليكم خلال الـ 23 سنة الماضية
ديل كانوا قاعدين يتمكنوا !!!!
عشان كدة قضيتكم يمكن تكون راحت شمار في مرقة !!!!!
فلوسكم جاءت قبل اكثرمن عشر اعوام على دفعتين الكيزان اكلوها عليك شوف شغالة تانى لم تشوفوة ححلمت اذنكم تاخدو فلوسكم
ربنا يجيركم في مصيبتكم لكن لو سمعتو كلامي، ولأن الحكومة دي فاقده التوازن وماعارفه تلتق من وين ومفلسة وممكن تنشل الفي جيبكم (حتى لو كان حق المواصلات البترجعو بيه)، إستخدموا قانون الغابة وأمسكوا في تلابيب رأس الجهة الحكومية الذي عينته حكومة الإنقاذ لمتابعة مستحقاتكم وضعوه رهينة حتى يعترف لكم أين ذهبت أموالكم فهل أكلها وحده أم معه مجموعة من اللصوص وبعد يظهر ليكم السارق تكونوا وصلتو الهدف إما يرجع ليكم حقكم أو أشنقوه في ميدان عام.
والله الواحد ما يعرف يقول ليكم تستاهلوا ولا ما يقول ليكم…. 23 سنة وانتو ساكتين وهسع جايين تسالوا عن حقوقكم، نحن بالجد شعب كسلان ومستكين ومسكين وعبيط…
دخلت كروش الكذابين فيعوضكم الله وحقكم سوف يظهر في ذريتهم
يا جماعة انا واحد من 21 الف متضررى حرب الخليج تخيلوا 23 سنة بانتظار التعويضات
يا جماعة ما تشفقوا ساكت حقكم محفوظ وقد وصل فعلا وتم تحويله بسعر صرف اثنين جنيه للدولار وهو سعر الوقت داك-وسبب التأخير ان المحاسبين ما شايفين شغلهم لكن بعد فورتكم دى حيستعجلوا ليكم-انتظروا المحاسبين يعملوا الخصومات الخاصة بالزكاة والمساهمة الوطنية والخدمات وصندوق دعم الطلاب وتأصيل الشريعة الاسلامية وصندوق الشهداء وصندوق دعم القوات المسلحة وصندوق تنمية الشرق ومساهمة جمعية الزبير الخيرية ومجذوب الخليفة الخيرية وبعض الصناديق الصغيرة الاخرى-حقكم جاييكم قريبا ما تخافوا وتسمعوا الاشاعات المغرضة من دعاة فصل الدين عن الدولة
ديل والله ياكلون ناقة صالح ولا يستحون هذه اموال ناس غلابة عوائل واسر وابناء رضيعين يا خنازير والله اكلكم لأموال هؤلاء الغلابة يوديكم فى ستين داهية ويرد عليكم فى صحتكم وصحة ابناءكم ويمحق صحتكم .
= ياناس متررى حرب الخليج…بالله ماتزعلو من كلامى ليكم ..يعنى مادام انتو صابرين زمنكم ده كلو..اتحملو دردشتى دى..!!وأعذرونى مقدما!!
=طيب نبدا ب :_
***اعتصم أمس العشرات من متضرري حرب الخليج في العام 1990م، أمام رئاسة مجلس الوزراء بالخرطوم، مُطالبين الحكومة بضرورة حل قضيتهم التي ظلت دون حل لأكثر من (23) عاماً عقب عودتهم للسودان***…طيب ياخوانا مانحنا معاكم مطالبين بحل مشكلتنا التى ظلت دون حل لأكثر من 23 عام!!!ونحنا مشكلتنا أكبر لأنو صابرين عليها جوه البلد دى وماسافرنا ولا اغتربنا..وصابرين أكتر من 23 سنة..لكن لا عايزين نعتصم…ولا حاجة..يعنى لوكو معانا الصبر شوية…بس باقى شويتين ويرى الصادق ويوافق الترابى وماينطو…وناس الفتة ديك نمرقهم كيف ماعارفين!!الحاجة التانية يعنى الواحد منكم لمن رجع سنة 9 من الخليج قول كان متوسط عمرو 35 سنة..زيد عليها 23 يبقى المجموع ياسيدى58 سنة..يعنى الواحد يكون منكم كرعينو الاتنين بقت لفت…والجاهو الزهايمر..والجاهو شلل رعاش..والبقى أبكم..والبقى مابشوف…يعنى لو فرنا انو الليلة دايرين يصرفو ليكم يمشى على محمود يلفلف على ملجا العجزة والمستفيات ز مراكز مجهولى السند ولا يعمل كيف…والله شوفو أنا فى رايى الشخصى انو الحكومة عاملة نايمة ومعتمدة على عامل الطبيعة…غايتو آخر ألف بفلو لما يشوفو الموضوع ح يروح شمار فى مرقة حيقبلو التعويض بالعملة السودانية ووقتها الدولار ح يكون بقى ب 85 جنيه…والمال تلتو ولا كتلتو…القراصنة الصوماليين يمسكو الباخرة ويدو صاحبها انذار 24 ساعة يا يجيب ال1 مليون دولار يا يقول لباخرتو مع السلامة وتصلهم الدولارات ومعاهم خطاب شكر..قال نعتصم قدام مجلس الوزراء…هسع تلقاكم مشيتو مجلس الوزراء القديم الكان جنب مستشفى الأسنان…الخرف مصيبة!
اتلقي دي زمااااااااااااااان مشت السايفونات