قال ممثل مفوض الأمم المتحدة السامي لحقوق الإنسان في السودان إنوسنت بالمبا زاهيندا إنه يشعر بالقلق من قرار صدر من قاض بمحكمة الفتح بأم درمان بالحكم على ثلاثة رجال بالبتر لقيامهم بسرقة اسطوانات غاز في العام 2021″.
وأضاف زاهيندا في تغريدة “عقوبة البتر تنتهك المواثيق الدولية لحقوق الإنسان التي السودان طرف فيها”.
وتابع “يشكل البتر عقوبة قاسية ولا إنسانية ويحظره العهد الدولي الخاص بالحقوق المدنية والسياسية. كما يشكل البتر تعذيبا وخرقا لاتفاقية مناهضة التعذيب التي انضم إليها السودان عام 2021”.
ومضى قائلاً “لم يتمكن الرجال من الحصول علي التمثيل القانوني ، أو أي متطلبات أخرى ضرورية لمحاكمة عادلة. وأدعو إلى مراجعة عاجلة لهذه العقوبة القاسية وإصلاح القانون الجنائي السوداني للامتثال لالتزامات السودان في مجال حقوق الإنسان”.
الانتباهة
دفاع عن الحرامية كمان ان شاء الله يلموا فيك ناس ٩طويلة ويقطعوا اضنيك.
سؤال للأمم المُستهبِله هل طالبتم المانيا و بلجيكا و إنجلترا وا وا عندما استعمروا ناميبيا و الكنغو و باختصار كل افريقيا و بتروا و اعدموا و باعوا بالاعتذار لهؤلاء البشر ؟
اما الرجم فلا نص له في القرآن اما البتر فله نصابه و قوانينه و ان دققنا في خلفية المدانين لا بُد ان يكونوا من الميليشيات او ممن ينطبق عليهم رفع العقوبات لان المواطن السوداني يعيش منذ زمن ليس بالبعيد عام الرمادة بعد فقد عمله و باع كل ما يملك
ماهذا هل مازالت قوانين سبتمبر المشؤمة سارية في السودان؟!
قال الله تعالي : والسارق والسارقة فاقطعوا ايديهنا جزاءا بما كسبا نكالا من الله والله عزيز حكيم، ده كلام الله سبحانه وتعالي، يا زاهيندا راجع نفسك ، وشووف الله ختم الآية بشنو ، بحكيم ، والله احكم و رؤوف واراف بالعباد مني ومنك.
يعني أمنعوهم من السرقة وعطِّلوا ثدرتهم على السرقة وليس بتر أيديهم ، وبعدين السارق عنده كم يد
تعرف يا علي لو طبقوا الشريعة علي الحرامية سبعين في المية من الناس الحايمة في شوارع السودان ما حيقدروا يتصفحوا الموبايل إلا يستعملوا لسانهم .
نحن عندنا قضائين ولا شنو؟ طيب البشير ووداد ما سرقوا برضو
خلال اكثر من ٣٠ سنه والكيزان يسرقون المليارات ويمتلكون القصور والشاهقات ، ويستولون علي مئات القطع السكنيه ، ويهربون الدولار لحساباتهم بالخارج ، امثال ابوالجاز ونافع وعلي عثمان وعبدالمتعافي وعبدالرحمن الخضر وحتي البشير نفسه وغيرهم ، قهل قطع القضاء الكيزاني ايادي هؤلاء اللصوص الفاسدين؟؟؟ بلد ملعونه ، اذا سرق الشريف لا يعاقب ، واذا سرق الضعيف اقاموا عليه الحد..!! سيدنا عمر بن الخطاب الغي قطع اليد في اعوام الحرمان والمجاعات… قضاء بتاع كيزان فسده ومنافقين ، من ذرية قاضي بحري ايام نميري، الهالك حاج نور …!!!
اعوذ بالله…!!!