إعادة فتح التحقيق في ملف المواد الإسرائيلية المنتهية الصلاحية

عادي جداً وكل شئ وارد في ظل الانقاذ ويمكن عايزين ينقذوكم من الموت جوعاً حتي ولو بسلع اسرائيلية منتهية الصلاحية …شفتو كيف؟!!! يا جماعة ما تفهموهم غلط الناس ديل بيعملو المستحيل عشان يبقوكم علي قيد الحياة ..حتي ولو اصابكم فشل كلوي ما مشكلة المهم انكم ما تموتو عشان تدفعوا بتاع الدواء والعلاج والمستشفيات الخاصة الخاصة بهم ..وما تزعلو يا ناس الراكوبة وتكبرو تنسو

حسبى الله ونعمه الوكيل
البلد بقت ذى البيت الخرابه فاتحه من كل مكان
اتراك وسريين واسرائلين وما خفى اعظم

المسؤول هو الحكومة لانها ليست لها مواصفات للسلع التى تدخل البلد وانما الذى يدفع تدخل بضاعته البلد حتى لو كانت مواد منتهية الصلاحية او مسرطنة المهم فى الامر عند تجار الانقاذ هو الربح والربح المضاعف قاتللكم الله

أستغرب لحال السودان كثيرا..مثلا في الماضي لم تكن هناك هيئة مواصفات لها معامل وبنايات شاهقة كما الآن.. ولكن كانت البضاعة التي في أسواق السودان من أجود الأنواع.. لمبات الكهرباء(فيليبس أصلي) والحنفيات تعيش طويلا جدا.. الأحذية الرومانية كانها “تموت تخلي” والأقمشة من بريطانيا حتى الموهير والجبردين والصوف الأسكتلندي! جهاز الراديو (فيليبس الهولندي) تقتنيه لمدى الحياة (لايف لونق) عربات الحكومة “كومر” “وهمبر” ولاند روفر حديده تقيل جدا.. وما زال بعضها عايش إلى الآن وربما تجاوزت أعمارها نصف القرن أو أكثر.. بعدين لمن عملوا في هذا البلد هيئة مواصفات بهيلمانة كبيرة جدا صارت كل البضاعات مغشوشة ودرجة “خمسمية” والآن عندي وربما لدى آخرين أيضا كيس كامل به حنفيات ولمبات تعلمت بالغصب فكها وتركيبها ربما عدة مرات ف الشهر الواحد واشتريت – أعز الله القارئين- نعلا بسبعين – طلب بائعه في الأساس مائة وآخر قال مائة وعشرين -كان عمره لبسة واحدة فقط انفصلت أرضيته وانسلخ وجهه وما تعرف توديه وين وحقك لسه ما خلصته منه.. ولا مشتكى إلا إلى الله وحده .. فمن يسمع للمستضعفين في هذا البلد السعيد ؟ومن أين لنا بالشراء كل مرة؟ الصينيين أكلوا قروشنا كلها ببضاعتهم المضروبة ..أوصيكم سادتي – وأعز الله القارئين مرة أخرى – بالمراكيب البلدية زي بتاع الجنينة ولو مع (الفل سوت)..وزي ما تجي تجي.. فما زال في صنعها جزء من متانة زمان .. وجيبوا لمبات لكن ما تولعوها..خلوها كدا منظرة وبس! وجيبوا حنفيات لأنكم مضطرين للموية لكن ضعوها تحت المراقبة اللصيقة وافتحوها كذا مرة في اليوم (بالعدد) مع الاستعداد بالإسبير وتعلم شئ من السباكة! والسلام..