عوض الجاز : السودان ينتج 133 ألف برميل نفط يومياً
أعلن وزير النفط السوداني، عوض أحمد الجاز، أن الإنتاج اليومي للنفط يبلغ 133 ألف برميل، قابلة للارتفاع بنهاية العام الحالي. وقال الجاز إن الإنتاج الحالي للنفط يتمركز في منطقة هجليج وما حولها، وغرب كردفان مربع 6.
وأوضح الجاز يوم الجمعة لإذاعة أم درمان في برنامج مؤتمر إذاعي، أن المقاطعة الاقتصادية التي مازالت مفروضة على السودان سببها المباشر هو تمتع السودان بكميات وافرة من النفط خارج وداخل أرضه.
وعدّد الجاز، مربعات النفط السوداني ومواقعها، قائلا إنها تقع في الركن الشمالي الغربي بالقرب من الحدود السودانية الليبية في مربع (12 أ) وتعمل فيه شركة سعودية، وإلى جوار هذا المربع يوجد مربع (14) وتعمل فيه شركة كندية مع شركة سودابت السودانية.
وهناك مربع بغرب النيل تعمل فيه شركة برازيلية، وجنوب هذا المربع مباشرة مربع (11) في كردفان، ثم مربع (9) في ولاية الجزيرة وولاية الخرطوم ونهر النيل، ومربع (13) على ساحل البحر الأحمر ومربع (15)، إضافة الى مربعات (21- 22- 19) داخل مياه البحر الأحمر، ومربع (10) بين ولايتي القضارف وكسلا، ومربع (8) في ولاية سنار.
شبكة الشروق
دا داير يضرب علي وتر إنو إقتصاد البلد معافي وكمان واعد…….
حتي لو يكون في بئر بترول في كل بيت سوداني، برضو ما بحلكم…….
ألعب غيرها دي، لأنو مستحيل تلهانا بأي شئ غير إقتلاعكم عنوة وكنسكم إلي مزبلة التاريخ……
السودان ينتج 133 ألف برميل نفط يومياً(للكيزان)
خليك من المربعات الغير مكتشفه وكل اسبوع تسمعنا المربعات دى
الاهم البترول المكتشف يكون النصيب الاكبر للمناطق التى انتج منها
المفروض ولايه جنوب كردفان تكون من اكثر الولايات ازدهارا وتنميه وتكون الرحله من الخرطوم الى كادقلى وليس العكس
ما تكملو قروش البترول رواتب وسلاح وبعدين تقولو لى ناس كردفان انتو متمردين لشنو
دخل البترول لسنه واحده اذا صرف على كردفان فى التنميه والله التمرد يقيف مع نهاية السنه
فى التلفزيون شفت منزل احد سلاطين كردفان وهو بالطبع من الاعيان والله منزل يصل لمستوى الخرابه واتصور بقية المساكن تكون كيف
لابد من الاهتمام بانسان المنطقه صحة وتعليم وبنيه تحتيه وبعدها اضربوهم لو اتمردو قبل تعملو ده تكونو مجرمين تستحقو المحاكمه
يعني دخل السودان حوالي 0.4 مليار دولار في الشهر أين هذه المبالغ يا لص!!!
و فرحان اوي!
ال 133 الف برميل دي ناس السعودية بكشحوها في الواطة طغيان سااااااااكت
هسي تلقاهو بايعنو للصين لمدة 50 سنة لي قدام و بلعوا قروشو زماااان
انتوا لمن كان بترول الجنوب والشمال قبل الانفصال. كان كلو عندكم اين ضاعت المليارات؟ والآن البترول الالكتشفتوهوا ده والمربعات الكثيرة دي ما تبقى لينا زي قري واحد وقري أتانين وقري تلاته لأنو نحن شبعانين منكم كذب ونفاق زهاء ال25 سنة! قوم لف يا حرامي ويا عنصري. بعدين كلامك ده قولو لموافقة زيك وثورة ثورة حتى النصر
كل يوم ومنذ سنوات شبكتونا مربعات 12 و 14 و 11 ..الخ وبترول واعد وينو ده… ده تخدير اعلامي والا شنو يا وزير النفط… كل مرة طالع لينا بفرية بترول بترول بترول …. والله اذا كنتو بتحفرو بطورية ساكت كان طلع اذا كنتم جادين او اذا في بترول اصلا…. ما شايفين اي شئ على ارض الواقع…
الـ 133 الف برميل دي إلا تشربوها انتو او تمسحو بيها راسكم
لا مصداقيه لاي تقرير اقتصادي ولو قلت يا الجاز انتاحنا مليون برميل لن نفرح لانك وذمرتك
تحتاجو ملايين البراميل لتغذية ارصدتكم التي لا تشبع ولان سته سنوات انتاجنا من النفط راح
لجيوب السادة دعاة المشروع التجويعي ونحن نفقد المصداقية في اي وعد تقطعونه او اي
معلومه اخري نحن املنا في الله سبحانه وتعالي ان يزيلكم من هذه الكراسي التي اغتصبتوها غصبا
عن الشعب السوداني وافسدتم فرحتنا بالديموقراطيه قاتلكم الله .
هذا المجرم المأفون يلهط بصمت شديد
العوارة البقت بشاره 133الف برميل ولا 100مليون فنطاز من البترول لم ولن تطفئ غليلنا ونارنا منكم بالتي هي احسن سلموها مين بصدقكم الثقة فيكم اهتزت وتلاشت يلا بلا لمة
أرقام النفط المنتج وحدها لا تكفي للعلم.
ما يكفي هو معرفة عائدها الاجمالي، وصافي أرباح الأطراف المنتجة،
حجم الاستهلاك المحلي من النفط المستخرج وكيفيةاحتسابه،
بأي سعر تشتري غريتر نايل البرميل وبكم ولمن تبيعه،
الوضعية الحالية لشركة سودابت داخل ائتلاف (كونسورتيوم) غريتر نايل ، ما هو تاثيرها وماذا افادت منه طيلة الأعوام التي عاشتها داخله.
سيادة الوزير، رقم واحد لا يكفي ولا يصنع رأيا.