قيادي بالمؤتمر الوطني يطلب اللجوء السياسي بكندا

ع ع شنو ورونا الاسم مباشره انتهى عهد الغتغته والدسديس.

غايتو لو بقى علي عثمان محمدطه تبقى عوجة كبيرة الزول ما قالوا في السجن.

ع.ع ……ماضرورى منو ممكن على عثمان اوممكن يكون اي انسان المهم مرق كيف عين دا ؟ وخايف من شنو هل ياتري قال في طلب اللجو انو مظلوم ولا انو ظلم وخايف الناس تاخد حقها منو ….على كندا ان تسلمو للسودان بطلب اللجو القدمو

على الحكومة أن تطالب الانتربول الدولى بألقاء القبض على قيادات المؤتمر الوطنى الهاربة و اعادتهم للسودان لمواجهة العدالة على أنهم لصوص ومجرمين أرتكبوا جرائم في بلدهم يجب محاسبتهم عليها.

ناس كندا شوفوا شغوكم

وانا كمان محظور منذ فترة ولا اي جديد

اي زول مقدم لي لجوؤ سياسي مدان بي اي جريمه جنائيه في بلدو او اي مكان لا ينظر في طلبه ويتم ترحيله مباشرة . فدحين شوفو ملف الراجل ده سريع واذا كان لغف اي شيئ فطيارتو حا تحرق تلقائيا .

خبر أحسن عدمو!!
ليه الغموض يا جريدة؟!!!!

تشير أصابع الاتهام إلى أن هذه الشخصية كانت من أفسد الرموز في الحكومة البائدة ، وربما يكون متورط أيضاً في قضايا جنائية . لماذا منذ البداية لم تفرض عليه رقابة صارمة أو على الأقل أن يكون تحت الاقامة الجبرية، وما هروبه بتلك الطريقة إلا لأنه يعلم علم اليقين بأنه مدان ومدان ومدان في قضايا فساد كثيرة. وعلى كل يجب إعادة بالانتربول ليحاكم مثله ومثل رئيسه المخلوع الذي كان يدعي النزاهة والعفة وطلع في النهاية أكبر حرامي وعديم الضمير والانسانية .

يكون حسين خوجلي يا ربي ؟