حصل السودان على نحو ملياري دولار في شكل تعهدات بالمساعدة من المانحين الدوليين، خلال مؤتمر برلين الذي عقد اليوم الخميس عبر الفيديو كونفرانس.
وفي تقرير لوكالة “بلومبيرغ” حمل عنوان “السودان يحصل على المساعدات من الغرب، والابتسامات من العرب في مؤتمر المانحين”، قالت إن الاتحاد الأوروبي قدم 343 مليون يورو (384 مليون دولار) وقدمت ألمانيا 150 مليون يورو، و356 مليون دولار من وكالة المعونة الأمريكية.
وإجمالًا قال وزير الخارجية الألماني، هايكو ماس، إن التعهدات الدولية بلغت 1.8 مليار دولار. يضاف إلى ذلك 400 مليون دولار من المنح المقدمة من البنك الدولي.
وقالت الوكالة وفق سبوتنيك إن السودان الذي يسعى جاهدًا لتجاوز عقود الديكتاتورية يحتاج لهذه الأموال، خاصة أنه من المتوقع إنكماش الاقتصاد بنسبة 8% خلال العام الجاري، إلى جانب نقص السلع وانخفاض قيمة العملة.
وقالت كريستالينا جورجيفا، المديرة العامة لصندوق النقد الدولي، إن السودان يتعامل مع “إرث ثقيل للغاية في أصعب الأوقات” مع فجوة تمويل تتراوح بين 1.5 مليار وملياري دولار.
ومع استمرار فعاليات المؤتمر وقبل أن تعدل “بلومبيرغ” عنوان تقريرها إلى “السودان المتعثر يشهد موجة من التعهدات خلال المؤتمر الاقتصادي”، أعلن الصندوق العربي للتنمية الاقتصادية والاجتماعية في الكويت، تخصيص مليار دولار لتمويل مشروعات زراعية وبنية تحتية في السودان على مدار 5 سنوات.
ولم تقدم الجامعة العربية أية أموال، لكن أكدت التزامها بدعم عملية السلام، فيما تعهدت الإمارات بدعم مبادرة البنك الدولي وبرنامج الغذاء العالمي التي خصصت 50 مليون دولار للسودان.
حال السودان بقي زي حفل حنة الزواج, أنتهت حفل عزومة الأوربيين والامريكان, الحفلة الجاية للعرب. بس ما فضل لينا حمدوك يطلع لايف ويعلن ألمانيا ٣١٠ مليون دولار وكنداكات القحاتة أيووووي يوووووووي, أمريكا ٣٦٥ مليون والكنداكات أيوووووي أيوووووووي والدولة الفلانية والكنداكات أيووووي يووووي. إن شاء الله بعد داك ما يحصل طلاق.
سمج
الرأي عشان يكون عندوق قيمة
هو اما ان تكون
مع الموتمر للاسباب التاليه
او متحفظ للاسباب الاتيه
لكن شغل الونسه المابقدم ولا بأخر دا اسمو لغو الحديث الافضل تحتفظ بيه لي شخصكم الكريم
لكم التحية
ستصرخون – لكن صراخك ليس بمسموع
يا حاسد 😜
المزعلك شنو هسي من الموضوع ده…عندك مبادرة تصلح البلد الخلوها الكيزان زي جنازة بحر ولا بس تحب تحبط الناس
بقى!!!؟
يعني ما كان كده!!!!!
السودان من زمن الكيزان عايش على التبرعات والمنح (والشحدات) والبشير يطلع لايف زي ما بتقول ويرقص الفرق انو الكيزان ما كانو قادرين يعزمو الاوروبين والامريكان على الحفلات بس فالح في الصيينين والروس ويمشي يقعد زي الكلب عند بوتين يقول ليهو (نحن حقيقة ك سودان محتاجين ل حماية من العدوان الامريكي)..
شحات وحرامي كمان ورقاص
مؤتمر الشراكة الأصلي ما متسيّس
خلى أب جزمة في كوبر خشيمو إبيّس
بعد ما كان زمان عامل يريّس ويتيّس
أصبح جتة في حيطة السجن متليّس
حاجة مخجلة.
احسن من الشحده .حمدوك جلس تحت الاضواء
وطالب ب الشراكه وليس الصدقه.
ارقام معروفه وظاهره. مش قال لي أنا ماداير زول يعرف.
و ال٣ مليار بتاعة قطر اللي اتقسمت قبل أن تهبط الطائره.
الكيزان كما قال الطيب صالح من أن أتيتم وهل
ارضعتكم امهات مثل أمهاتنا.
لم يبق في وجهكم مزعة لحم.
أن الله يمهل ولا يهمل والسبحه جاره.
التبرع ليس إجبارياً وهنالك من مدوا لنا أيديهم من العرب فى بداية الثورة وما يزالون فلنقل للجميع شكراً ولو على الحضور.
الكويت لابد للشعب السوداني الوقوف مع دولة الكويت والله انها الدولة العربية الوحيدة التى ماقصرت فى حق الشعب السوداني منذ زمن عبدالله السريع عليه رحمة الله. لذلك لابد من توريد كل احتياجات الكويت من خضروات ولحوم من السودان وبأسعار خاصة لأنهم يستاهلون
نأمل أن تكون هذه بداية انطلاقة جديدة للاقتصاد السوداني و ان تستثمر الأموال الاستثمار الصحيح و ان يعرف الشعب اول بأول ما تم وصوله من هذه التعهدات المالية و أوجه صرفها ..و يجب علينا دعم الحكومة ليس بالكلام و إنما بالتوجه نحو العمل الجاد و نبذ الخلافات الشخصية و ليكن حزبنا و همنا هو الوطن و لا للفساد و الفاسدين
شراكة مع المجتمع الدولي مش قرعة شحدة مثل زمن الكيزان
لا نريد منح و لا صدقة من أحد ، شراكة يا بشر و هذا ما حصل
الشئ الآخر اللي فوق فهم الكيزان: ترحيب العالم بعودة السودان الى المجتمع بعد أن كان منبوذا تعافه شعوب الأرض
صراحة الواحد محتار في الاشخاص التي تدافع عن نظام البشير الا يكونوا ما كانوا عايشين في السودان او منتفعين. تاني 30سنة كانت كافية جدا لتنمية اي بلد لو طبقوا الاسلام المعروف وليس الشعارات الفضفاضة . وليس دفاعا عن حمدوك من الظلم انت تطلب من الرجل اصلاح دمار اقتصاد 30سنة في عام واحد. للعلم ديون البلد 60مليار . اين شعار ناكل مما نزرع ونلبس مما نصنع ؟ اين عمر من عمر وقس علي ذلك . اي شخص يدافع عن فشل استمر 30سنة واي سوداني شايفه وظاهر يجب ان يراجع وطنيته
ما لم نتخلى عن عقدة الكيزان
فلن نمضي للامام
وإنما سنظل نجتر في انتقادات لا فائده ترجى منها غير تعليق اخفاقاتنا في شماعة ذلك الميت