المجلس الوطني يشكل لجنة للتحقيق في منع قياداته من دخول مستشفي (الزيتونة)
في محاولة لرد الاعتبار بعد الاهانة التي تلقاها وفد المجلس في مستشفي وزير الصحة الولائي مامون حميدة (مستشفي الزيتونة)، قالت رئيسة لجنة الإعلام بالمجلس الوطني عفاف تاور إنه تم إستدعاء وزير الصحة الإتحادى عبر لجنة الصحة بالبرلمان للتحقيق حول ما تعرض له وفد الهيئة التشريعية القومية من تعامل غير لائق من قبل (مستشفى الزيتونة).
وكانت ادارة المستشفي قد رفضت السماح لوفد المجلس بالدخول لزيارة عثمان ميرغنى رئيس تحرير صحيفة التيار الذى تعرض “لإعتداء من قبل ملثمين” ، فيما سمحت في نفس اليوم للقائم بالأعمال الأمريكى وفئات أخرى بزيارته.
وقالت تاور، أن ما حدث فيه إساءة بالغة للبرلمان والهيئة ، خاصة وأن المبررات التى ساقتها إدارة المستشفى مستفزة وهى أنهم (يحملون بكتيريا) ، موضحة أن اللجنة ستتقصى حول دواعى المنع و موقف إدارة المستشفى ، وأكدت إهتمام اللجنة بالقضية كونها لجنة مختصة ومعنية بالصحافة .
الله حد يشتكى الحكومة مامون حميدة حكومة واحسن الموضوع ده تخله سوف يتدخل الريئس وينهى الموضوع؟
انت نواب؟؟؟انتو فردة شراب ليس لكم هيبة انتو تمامة عدد جابوكم تصوتوا وتهللوا هيه لله
مالكم ماكلين وشاربين وقابضين
والله اكلم ليكم سامية ؟؟؟؟؟؟
كان تجيبوا معاكم واحد جنجويدي من حثالة القوم مش تخشوا الزيتونة كان القصر الجمهوري
لو مامون حميدة له عمل حميد واحد (وهو غير وارد بتاتاً البتة) فإننا نحسب له هذا العمل، وهو منع ممثلين من برلمان الكيزان بدخول المستشفى لأنهم يحملون بكتيريا.
لا أعرف هل قام المستشفى بأخذ مسحات منهم للتحليل أم اعتمد على ما عرف عن ممثلي الشعب المزعومين بأنهم يحملون جميع الأمراض المعديةالفتاكة التي أوردت الأمة السودانية بأسرها موارد الهلاك؟
يا طير الراجل ما عايز يشوفكم رجاله الشغله يعني يا طير بتزيدو ليه الحموضه وزيادة نبض وسكر وضغط وتقيؤ …..
الله يريحنا منكم يا وهم….
الإجابة بسيطة
سيدعي مأمون ان لا علم له بالموضوع
وان المنع تم بواسطة الحراس الذين لديهم تعليمات
صارمة بعدم دخول الأفراد الي العناية المركزة
خوفا من العدوي…….كما هو الحال في كل غرف
العناية المركزة في العالم
الغلطة ليست غلطة الزيتونة ….هل اتبع الوفد
الإجراءات الصحيحة في اخطار المستشفي مسبقا
بالزيارة ……والترتيب لها ام تمت ارتجالا
من يهن …..يسهل الهوان عليه
***ياخ والله عفاف تاور دي دايما حاقرين بيها!!!أتذكر مرة قريت فى الصحف الالكترونيى أعتقد السنة الفاتت انها مشت تتفقد التلفزيون القومى بصفتها رئيسة لجنة الاعلام بالمؤتمر الوطنى ومعاها وفد…فناس الاستقبال منعوهم وبعد تحنيس خلوهم يقعدو فى الاستقبال ومدير التلفزيون القومى عارفهم جايين وفتح ليها خلاها قاعدة ساعتين ولا تلاتة ماعارف!!!هسع دى التانية جاتا من مستشفى الزيتونة!!!
***لكن ياخوانا بأمانة شديدة…الطب طب…والسياسة سياسة…اذا دخلت السياسة فى الطب بوظت الطب واذا دخلت السياسة فى الدين خربت الدين!!!ولأنو مامون حميدة بحسب تصريح والى الخرطوم بينفذ سياسة المؤتمر الوطنى فى نجفيف المستشفيات وخصخصة القطاع الطبى بكامله لذلك نختلف معه تماما ونهاجمه!!
***لكن مامعنى كده انك انت رئيس لجنة فى البرلمان تقوم تسوق جماعتك وتركبو ليكم أربعة لاندكروزرات بيضاء تظليلها مية المية وسايقين معاكم كم واحد شايلين كلاشنكوفات واللاندكروزرات منزوعة لوحتها وتمشو توووووووش تدخلو الزيتونة فى غير وقت الزيارة وماعارفين المريض داير يقابلكم ولا لا…وده شى بيكون بين المريض وطبيبه…ممكن المريض اذا فى حالة بتسمح ليهو يتكلم يقول لطبيبه أنا ماداير أشوف خلقتهم…فالدكتور مايقدر يجبرو يقول ليهو لازم تلاقيهم…بعدين المريض فى العناية المكثفة…يعنى حالتو حرجة والمريض الفى العناية المكثفة بتكون مناعتو أقل من الشخص العادى عشان ده لو اتعرض لى أى فيروس أوبكتريا أوفطريات ممكن حالتو تتدهور وممكن يموت بسبب زى ديه…عشان كده فى أى عناية مكثفة فى اى مستشفى على مستوى العالم كان ذلك المستشفى فى دبى ولا فى فيجى أو فى باربادوس أو لندن أو ليخنشتاين ممنوع قطعيا دخول العناية المكثفة لغير الطاقم الطبى…ولو كان المستشفى سمح ليكم بالزيارة مفروض يتقفل طوالى…وبعدين حكاية انكم (حاملين بكتيريا) دى ماحقيقة علمية…أى انسان فى الدنيا دى حامل بكتريا حتى وهو فى كامل صحته…ومعروف فى أى انسان فى بكتريا فى الأنف وفى الفم وفى الحلق وفى الأذن وتحت الأظافر…فلما قالو ليم كده ده كلام صحيح…لكن لقلة معرفتكم الصحية رغم انكم لجنة اعلام بالمجلس الوطنى افتكرتوها اساءة ليكم وأخدتوها انو ناس المستشفى قالو نحن وسخانين!!!منعوكم من الزيارة عشان ماتنقلو البكتريا للمرضى الموجودين فى العناية المركزة الهو أمانة فى عنق أطباء المستشفى!!
***انتو اتعقدتو من كلمة حاملين بكتيريا لأنكم فهمتوها انكم حاملين بكتيريا الفساد لأنو الحرامى فى راسو ريشة ده الخلاكم تهيجو وتتعقدو!
حسنا فعلت مستشفى الزيتونة اذا كان نائبة رئيس البرلمان الذين تمثلونه قالت ما قالت في حق عثمان ميرغني … وبعد دا جايين للزيارة ؟ واحدين يتهموا عثمان واخرين يزرونه بالمستشفى انتو الله ما ليكم ولا شنو؟ دا عبط منكم ؟ ما كان تجيبو سامية معاكم عشان تزوره بالمستشفى… ويا لجنة الاعلام انتو ضد الاعلام وضد حرية الصحافة وضد كشف المفسدين ولم تقفوا في حياتكم مع الحق ودائما الوطني على حق ؟ انتو قاعدين تستهبلوا على الناس ساكت..
ديل شايلين بكتيريا الفساد و علاجهم البتر
بس دا الفالحين فيهو ؟ ما في الف مشكلة حصلت لماذا لم تستدعوا الوزراء والمسئولين للتحقيق فيها؟ مع العلم ان مستشفى الزيتونة تابع لكم ولو معنويا واعتقد لو كان دا مستشفى بتاع واحد معارض لاغلقتموه تاني يوم قبل ان تصدر لجنة التحقيق قرارها
استدعوهوا بصفته وزير الصحة ولآ بصفته صاحب المستشفي !! مِحنْ !!!!!!!!!!!!
هي لو نائبة رئيسكم قالت يستاهل ! انتو الماشين ليها شنو ؟ تفلقوا وتداوا !
ديل مش شايلين بكتيريا هم زاتهم بكتيريا وجراثيم محتاجين لمطهر ديتول،، الله خلصنا منهم ببركة هذا الشهر الكريم وآتيهم من حيث لم يحتسبوا،،
تكتلو الكتيل وتمشو فى جنازتو؟؟؟.
أنتو الزعل دي لانو دخلو سيدكم الامريكي يا جزم وما شايف اي سبب تاني زيارت المريض يا وهم حسب الغرفة أزا كان أمريكي او فرنسي تمنع إنعاش ممنوع الدخول غرفه ركفري المضوع عادي أمريكي ولا جبهجي معفن يسمح الدخول
اقول لناس المجلس الوطني الذين لم يسمح لهم بزيارة عثمان ميرغني إن الموضوع واضح لمن له ذرة فهم وهو أن عثمان ميرغني شخصيا من اعطي تعليمات لإدارة المستشفي بعد السماح لكم بزيارته وله الحق في ذلك وامشوا أسألوا نائبة رئيس المجلس سامية عن السبب.
ثم لماذا كل هذه الزوبعة ولم نسمع لكم صوتا في استدعاء حت غفير في قضايا تهم الشعب مثل قضايا الفساد, ولا وجعتكم حكاية انكم تحملون بكتريا؟
يعني في لزوم تمنعوهم وتخلو مامون حميدة يخش
دا شنو الكيل بمكيالين دا
ما مامون حميدة فيه نفس البكتريا
اخس عليكم
وفى نبأ عاجل افاد بان ( البكتريا) قد طالبت بتعويض عن اساءة السمعه.
اذا كان نوابنا البرلمانيين اصحاء متعافيين لما وصلت بلادنا هذه المرحلة من التردى الاخلاقى والدينى والاجتماعى الله يعينك يا شعب السودان المسكين