وزارة الصحة عايزة مقشة …(8)!!!
*** اهمال واستفزاز وافتراء في الفارغة والمقدودة ياناس وزارة الصحة ومستشفي الابيض التأليمي انتو اهسع علاقتكم بالعمل الانساني شنو .
***يوم السبت الاقدار جابتنا الي لقسم الحوداث والاصابات بعد تعرض الوالدة الحبيبة وست الحبايب لحادث حركة وتم اسعافها الي حوادث مستشفي الابيض قسم الجراحة ومعها بعض المصابين طبعا قالوا الحوادث دي بجيبو ليها الناس ويسعفهم لكن الكلام دي هواء ساكت والله المريض والمصاب بموت من الاهمال والاستفزاز بتاع الناس الحوادث وبعدين طبعا الوزارة دي كلوا زول علي كيفوا وبعمل البعجبو يموت انسان يموت الناس كلهم دي ما بهم ادارة وزارة الصحة ولا ناس المستشفي .
*** طبيبة في وحدة مستر هاشم تتعالي وتتكبر علي المرضي واظنها جات للحوادث عشان تتكلم بالتلفون ماجات عشان تعالج المرضي وبعد داك ترفض انها تشخص المريض القدامها عشان مافي زول بحاسب .. ودي الحقيقة مافي غيرها امي الحبيبة وست الحبايب فاطمة عبد الفضيل مصابة وتعاني من الم والاصابة وامام الطبيبة والطبيبة وما جايبه خبرها مشغولة مع تلفونها وتردي باورنيك الاصابة الذي قدمه لها شقيقي الصغير وباستفزاز بحجة ان مكالمتها الهاتفية اهم من روح امي العزيز والامر لن ينتهي هنا بل في الاشعة لا تقل حالتها سوء لما ووجدناهو في الحوادث .
*** الحوادث مرة اخري عدنا لها بعد النتائج الفحوصات المرضي في الخارج منتظرين والاطباء اخر انبساطة وشراب قهوة وبرضو استعلاء مرة اخري برفض الطبيبة بالكشف علي الوالدة واخري بحاجة وتكبر منها ومن طبيب اخر عامل فيها زعيم عصابة شكلو وبعدين الشغلانة خربانة من كبارها من مدير عام وزارة الصحة والمدير الاداري بتاع الوزارة والوزير طبعا في حالة غيبوبة تامة لما يدور في وزارة دي اسمها وزارة علي كيفك اي زول علي كيفو طبيب عمومي بدون ملف مدير ادارة حساسة جاي من النيل الابيض بدون ملف وملفاتو متلتلة عامل فيها اخصائي ومركب مكنة كبيرة جدا ومدير اداري راكب عربتنا وشغال بيها في وظيفة تانية ومدير عام ما ناقش حاجة كيف ما يحصل من الاطباء الصغار الحصل يوم السبت.
*** الخرمجة وعدم المسئولية في وزارة الصحة ومافيها زول مسئول والبلد دي حقتنا والمرضي ديل اهلنا دمنا ولحمنا بعد دي الرهيفة تنقد والله العظيم والله العظيم قادرين ننتزع حقوقنا وبكل الخيارات وبنتعامل بالمتاحة الممكن والغير ممكن وحرب بدت ومافيها عورتني بعد دي .
** كسرة
تحية للانسان الشاب الخلوق الدكتور محمد الجزولي العالم عبد الباقي وللانسانة من الزمن الجميل الدكتورة سحر لموقف ابكي الجميع عندما وقفا مع طفلين موجهوين الهوية وقت المدير الطبي دفن دقن كانوا هم لها
نواصل
التجيبو بايدك يقلب اجاويدك – ديل الناس الجابهم قلم اصحابك بيلا طيق وحنفي بعد كتبتوا زي كتابتك دي الصحي والما صحي واتهمتوا الناس في اخلاقا ونعتوها بالسرقة واستنتوا لتقارير النفوس المريضة من ابناء الولاية والغريبة انههم اساتذة جامعيين وكان قبل تاييد التغيير الاداري الذي ابتدعه الوالي كان يجلس مع اداراتوا ويلتمس اوجه التقصير ويحاسب من يحاسب ويقيل من يقيل وفق اللوائح وقوانيين العمل -لكن هذا هو نتاج الاحلال غير المدروس وقد قراءت مقالك بخصوص د. معتصم – وتابعت مجموعتكم الفضائية علي ما اعتقد – لديكم غيرة علي البلد بس عاطفة جياشة تجعلكم لا تتحروا الصدق في ما تنشروا ولا دوافع مصادركم – اليوم لا تتباكوا واسندوا الناس الجبتهم ديل – د.ناصر – احمد عجب الدور – د.ادم
-يااخي ما يحزنني ان هناك شاب من الولاية قام بتدريب اصطاف من تقنيي المعامل وافتتح وحدة معملية بمركز غسيل الكلي توفر اخذ العينات وتقديم النتائج للمرضي بسرايرهم كل ذلك جهده الخاص – وعلمت انه اختفي او رجع الي الخرطوم مسقط راسه لانه طالته اشانة سمعة في احدي مقالاتك عن الصحة واتهام بانه يستولي علي نسبة من الحوادث العامة علي حسب كلام المقربين منه بالادارة – فما كان منه الا ان قادر تلك الولاية التعيسة