منظمة الطيران الدولية تراجع إجراءات السلامة بمطار الخرطوم
الخرطوم- نازك شمام
يزور فريق من المنظمة الدولية للطيران (ايكاوا) السودان في شهر سبتمبر المقبل بغرض الوقوف على إجراءات السلامة الجوية، وفي غضون ذلك طالبت شركة مطار الخرطوم الدولي شركات الطيران الوطنية بتوفيق أوضاعها مع الشركة والعمل على إبرام عقود جديدة، وكشفت مصادر مطلعة ذات صلة بالطيران لـ(اليوم التالي) عن ارتفاع رسوم خدمات المطار بصورة كبيرة في العقود الجديدة، وأبدت استياءها من كثرة الرسوم بالمطار دون انعكاس ذلك على خدماته، وأكدت أن شركات الطيران تعاني من كثرة الجبايات والرسوم الأمر الذي أدى إلى وجود صعوبات مالية لمعظم الشركات، وأقرت بإغلاق معظم الشركات الوطنية لإبوابها بسبب الإفلاس، مؤكدة تقلص عدد الشركات إلى أربع شركات فقط مقارنة بـ(٣٧) شركة، وأثنت في الوقت ذاته على قرار خفض أسعار وقود الطائرات بما انعكس إيجابا على أسعار التذاكر التي انخفضت بنسبة.
الليالي
مطارنا ده مفروض يكون بتراجعو منظمة البصات الاهلية بصاوا بدل منظمة الطيران الدولية ايكاوا
(((((منظمة الطيران الدولية تراجع إجراءات السلامة بمطار الخرطوم))))))
يا راجل قول كلام غير دا….. وديل قاطعين تزاكر ونازلين في السلام روتانا وقالو لي نسوانهم
عندنا ماموريه الخرطوم وكلموا اولادهم قالو ليهم اسمعوا كلام ماما لغايت ما نرجع نحن عندنا شغل
بتعلق بالسلامه الجويه والشفع صدقوا الكلام دا والنسوان جهزوا الشنط …….. سجم اولادكم القايلنكم صحي عندكم مراجعه. مراجعه مطار الخرطوم ما حتاخد معاكم ربع ساعه وصدقوني حترجعو بي نفس الطياره الجيتو بيها. لو عندكم نزله في فنادق وعايزين تغشو الاسواق الحره تشتروا هدايا وملابس داخليه دافي لندن مطار هيثرو ولا في شيكاغو مطار اوهير . ونصيحه غاليه اخيره قبل ماتنزلوا من الطياره اتاكدو انكم تخشوا حمام الطائره لقضاء كل حوائجكم لانو حمامات المطار لا بتسر عدو ولا صديق والعندو سكري انا حزرتوا .. نرجو من الاخوه المساعده في نشر هذه التعليمات في كل المطارات والمجلات المختصه بالسلامه الجويه عسي ولعل ان يجدها هولاء العاملين المغلوب علي امرهم……
والله من وراء القصد
نصيحه اخيره لمسئولي مطار الخرطوم نشفوا الواطه ما تفضحونا مع الاجانب
اهلاً وسهلاً “بس تعالوا جاهزين بمراكبكم” لذلك وجب التنويه
مطارنا ده مفروض يكون بتراجعو منظمة البصات الاهلية بصاوا بدل منظمة الطيران الدولية ايكاوا
(((((منظمة الطيران الدولية تراجع إجراءات السلامة بمطار الخرطوم))))))
يا راجل قول كلام غير دا….. وديل قاطعين تزاكر ونازلين في السلام روتانا وقالو لي نسوانهم
عندنا ماموريه الخرطوم وكلموا اولادهم قالو ليهم اسمعوا كلام ماما لغايت ما نرجع نحن عندنا شغل
بتعلق بالسلامه الجويه والشفع صدقوا الكلام دا والنسوان جهزوا الشنط …….. سجم اولادكم القايلنكم صحي عندكم مراجعه. مراجعه مطار الخرطوم ما حتاخد معاكم ربع ساعه وصدقوني حترجعو بي نفس الطياره الجيتو بيها. لو عندكم نزله في فنادق وعايزين تغشو الاسواق الحره تشتروا هدايا وملابس داخليه دافي لندن مطار هيثرو ولا في شيكاغو مطار اوهير . ونصيحه غاليه اخيره قبل ماتنزلوا من الطياره اتاكدو انكم تخشوا حمام الطائره لقضاء كل حوائجكم لانو حمامات المطار لا بتسر عدو ولا صديق والعندو سكري انا حزرتوا .. نرجو من الاخوه المساعده في نشر هذه التعليمات في كل المطارات والمجلات المختصه بالسلامه الجويه عسي ولعل ان يجدها هولاء العاملين المغلوب علي امرهم……
والله من وراء القصد
نصيحه اخيره لمسئولي مطار الخرطوم نشفوا الواطه ما تفضحونا مع الاجانب
اهلاً وسهلاً “بس تعالوا جاهزين بمراكبكم” لذلك وجب التنويه