اعلن والي الولاية الشمالية الباقر احمد علي، منح المعسرين من المهاجرين السودانيين العائدين من أبناء الولاية عودة نهائية لمناطقهم، قطع اراض سكنية وزراعية مجانًا، بشرط أن يكون العائد قد التزم بسداد كافة التزاماته المالية تجاه الوطن (زگاة ومساهمة وطنية) غيرهما من الالتزامات.
وأكد الباقر خلال الاجتماع المشترك بين حكومة الولاية الشمالية ووفد جهاز المغتربين برئاسة الأمين العام للجهاز مكين حامد تيراب والوفد المرافق له، استعداد الولاية لتقديم الدعم اللازم للمهاجرين السودانيين واتاحة كافة الفرص الاستثمارية لهم في المجالات الزراعية والصناعية والإسكان والبنى التحتية.
و أعلن الوالي عن جهود لاستئناف العمل بمطاري مروي ودنقلا برحلات منتظمة للمغتربين والعمل على تشجيع السياحة والترويج والتسويق لمنتجات الولاية.
وقال الباقر إن الولاية بمحلياتها السبع خصصت مشاريع استثمارية للمهاجرين السودانيين بميز تفضيلية عالية تقديرًا لجهودهم في تقديم الدعم والخدمات للولاية.
الجدير بالذكر أن زيارة وفد جهاز المغتربين تأتي في اطار تفعيل مذكرة التفاهم الموقعة بين الجهاز وحكومة الولاية الشمالية.
هو مادام معسر كيف يسدد الالتزامات لجهاز المغتربين، الجهاز فال الروب من سياسات فكي جبرين، قبل علي المعسرين والله يامكين ذي سلفك، سيايات البصيرة أم حمد
للاسف الكل دفع هذه الرسوم وعبارة عن خدمات وكل يوم كان السودان ماشي للاسواء هذه الاجهزة ادوات كيزان للقبضة الامنية والسرقة
وما كل المغتربين والغير مغتربين في كل انحاء الوطن دافعين (زگاة ومساهمة وطنية) وهل اعطو اي زول من المعسرين من المهاجرين السودانيين العائدين نهائيا او القاعدين في البلد وبيدفعو دم قلبهم مليم احمر او بيت او ارض زارعية دي قلة ادب منكم ياوالي الولاية الشمالية الباقر احمد علي انك تعطي بيت او ارض زراعية ساكت كدا ومفروض اي زول عندوا بيت في اي مكان في السودان لايعطي بيت في الشمالية لانو في ناس عندها عمارات في الخرطوم وحتي الارض الزراعية مفروض تعطي اجار ولمدة معينة وفقط هوووي يا والي حافظ علي املاك الشمال دي كويس بلاء لمة معاك امشئ بي القانون وبطله الفوضي ودي ما اراضي ابوك عشان توزعها