فتاة (تنشل) راكباً في المواصلات العامة من داخل (الصديري) !!

سودان البشير اى حاجه فيه بقت متوقعه تحصل فيه تانى رئيس عاقر ما يحكمنا

ممكن يحصل هذا بحكم الظروف الحالكه التى يعانيها الشعب السودانى
ممكن يحصل بحكم القهر
ممكن يحصل لان البلد كلها حراميه
ممكن يحصل بدافع الانتقام ويمكن تكون ما سرقه
عادة النشل فى السودان شى طبيعى مما عرفنا البلد دى لكن دايما تتم بواسطة الرجال و لكن تصل امرحلة ان البنات ينشلو و الله ده شىء دخيل على المجتمع السودانى ياربى فضل تانى شنو من بلاوى الكيزان

لا حول و لا قوة الا بالله العلي العظيم ….
أين الحياء …؟؟؟
أين الخوف من الخالق ..؟؟؟
يا اخوانا دي ظواهر دخيلة على المجتمع السوداني …
تلقى الجنا بنطلونو ناصل ليهو خمسة سنوات و الغريبة حزامو في ..!!
وتاني واحد يقول ليك ماشي احلق راسي و يجي طالع من الحلاق شعرو اكتر من الدخل بيهو …
والبنات الواحدة فيهن ما تخبرها عريانة ولة لابسة .. غايتو شيتن كدي ملصق فوق الجسم و الحاجات الببلعنها دي شني ..؟؟ بت جيرانا قبل ما اجي السعودية خليتها بتل المسواك حرررررم اول اجازة رجعت السودان لقيت ليك الشئ كلها مدردمة و بييييييييييييييضاء .. سألت قالو في شيتن كدي اسمو النجمة و الهجمة … قلنا سبحان الله …
والبنيات و الجنيات الواحد فيهم عندو سبعتاشر شريحة من موبيتل لي اريبا لي سوداني وكل شريحة من السبعتاشر ديل في مية و سبعين رقم بت و ولد …
قلنا ما مشكلة و الله يهدي من يشاء …
في حكومة السجم دي ظهرت الاغتصابات (( الاطفال )) .. والعصابات و القتل و … و…… وربنا يهون ..
بس كونو بنات يبقن حراميات و يسرقن في المواصلات عينك عينك …. دي الطامة الكبرى …
يا ربي تضرب الظالمين بالظالمين و طلعنا من بينهم سالمين …
حكومة السجم و الرماد .. خربتو البلد الله ينتقم منكم في جنياتكم و صحتكم .. الله يورينا فيكم يوم..
يمهل و لا يهمل …
نهايتكم قربت …

دار السلام وامبداة ومايو غير البلاوي ماجايبا لينا شي والله

هزا اهمال من الود

والله يا ((( أحمد الطريفى ))) يا أخوى كلامك كلو صحيح وكلو كوم وحكاية بلع البنات للحبوب مع فسخ اللون دى كوم تانى لانى بشوفن فى التلفزيون الوشوش كلها بقت بتتشابه بتخلى وش الواحده شكلو غريب خلاص يا ربى لا تعولقنا ولا تخوزقنا . تحياتى

اللهم ربى احفظنا واحفظ ابنائنا يااكرم الاكرمين