“الوطني” يتأهب لإعلان ترشيح البشير رسمياً.. و”الشعبي” يتحاشي التعليق

ما قريت الخبر وما داير أقراو.
لكن كنت في السودان قبل ايام قليلة وقبلها كميييين إجازة.
وصلت لقناعة مفادها أن البشير ممكن يفكر فيما بعد دورة 2020.
مثلا لو أضرب تجار الحصاحيصا والمناقل والضعين وسوق ليبيا الحكومة ما عندها مانع يقفلوا للأبد. لو أضرب طلاب الخرطوم وشندي ونيالا الحكومة ما عنها مانع تقول لهم وفرتو. لو طلعت مظاهرة مليونية الحكومة ماعندها مانع تكتل كل اللي في الشارع وتزيد عليهم البعض (من منازلهم).
نقرا الأخبار والمقالات نسرع للرموت ونقلب القنوات نتوقع تغيرات كبيرة. لا شيء.
نمشي السودان نلقى الناس ما جايبة خبر. البشير اثبت إنو ارجل راجل في السودان.من 89 نقول بعد شوية تنقلب. كل اللساتك طرشقت ومشت على عجلات الحديد والمكنة دخنت وزيتها دفق لامن صلبت ولسا البشير ماسك الدركسون. انا اعترفت أننا بتاعين كي بورد ساي. دي قناعتي وخلي الجداد يكاكي.

ما قريت الخبر وما داير أقراو.
لكن كنت في السودان قبل ايام قليلة وقبلها كميييين إجازة.
وصلت لقناعة مفادها أن البشير ممكن يفكر فيما بعد دورة 2020.
مثلا لو أضرب تجار الحصاحيصا والمناقل والضعين وسوق ليبيا الحكومة ما عندها مانع يقفلوا للأبد. لو أضرب طلاب الخرطوم وشندي ونيالا الحكومة ما عنها مانع تقول لهم وفرتو. لو طلعت مظاهرة مليونية الحكومة ماعندها مانع تكتل كل اللي في الشارع وتزيد عليهم البعض (من منازلهم).
نقرا الأخبار والمقالات نسرع للرموت ونقلب القنوات نتوقع تغيرات كبيرة. لا شيء.
نمشي السودان نلقى الناس ما جايبة خبر. البشير اثبت إنو ارجل راجل في السودان.من 89 نقول بعد شوية تنقلب. كل اللساتك طرشقت ومشت على عجلات الحديد والمكنة دخنت وزيتها دفق لامن صلبت ولسا البشير ماسك الدركسون. انا اعترفت أننا بتاعين كي بورد ساي. دي قناعتي وخلي الجداد يكاكي.

اقتباس (( أكد الأمين العام لحزب المؤتمر الشعبي د. علي الحاج أنهم لم يقرروا كحزب بعد في أمر ترشيح رئيس الجمهورية المشير عمر البشير في انتخابات 2020، مشيرا إلى أنهم لا يتحدثون عن أشخاص بل عن برنامج ))
معادلة : المؤتمر ( الوطنى + الشعبى ) = صفر
وبما ان :الطرف اليمن يساوى الطرف الشمال
اذن الحل : (1) الوطنى صفر (2) الشعبى صفر

معادلة ساهلة جدا – بالمناسبة فى الرياضيات الصفر رقم