يبدو أن الرئيس غير مقتنع بأنني رئيس حزب مثله..مالك عقار بالدمازين : لن نتخلى عن سلاحنا ما لم تتخل عنه باقي المليشيات في السودان.
الخرطوم ـ الدمازين: محمد بشير :
رهن والي ولاية النيل الأزرق مالك عقار تسليم سلاح الجيش الشعبي والمليشيات التابعة له بتسليم كافة المليشيات الموجودة في السودان لأسلحتها. ودعا خلال حديثه للفعاليات السياسية بولايته نهار أمس بمقر مركز (مالك) الثقافي بالدمازين إلى نزع السلاح من أيدي المليشيات، وبعض الفئات الحزبية بما فيها الحركة الشعبية بالشمال، حتى يكون هناك جيش واحد وشرطة واحدة ودولة واحدة، وقال "إننا لن نضع السلاح ما لم يضعه غيرنا". واعترف عقار بوجود احتقان بولايته بسبب تداعيات الحرب بجنوب كردفان التي وصفها بـ"الخطيرة" التي قال إنها ستجر البلاد للهاوية، بجانب رفض اتفاق أديس أبابا الإطاري من قبل المؤتمر الوطني، قاطعاً بأن رؤيتهم للحل مستمدة من الاتفاق الإطاري، وأردف " لا نريد لهذه الحرب أن تمتد للنيل الأزرق" ولم يحدد عقار إن كان سيقابل رئيس الجمهورية أم لا خلال يوم أمس أو اليوم، وقال " حتى إن قابلت رئيس الجمهورية فلن أقابله كرئيس للحركة الشعبية وإنما سأقابله كوالي للنيل الأزرق" وحصر أجندة لقائه بالرئيس في مناقشة قضايا الولاية.
[COLOR=blue]عقار يرفض لقاء البشير[/COLOR]الدمازين: محمد الفاتح همة
أوصد رئيس الحركة الشعبية ووالي النيل الازرق الفريق مالك عقار الباب أمام مقابلته للرئيس عمر البشير؛ وأقر بفشل محادثات اديس ابابا ووصف الاوضاع في ولاية جنوب كردفان بالخطيرة، وقال أنها ستجر السودان إلى الهاوية. في وقت وجه فيه عقار شرطة ولاية النيل الازرق بحفظ الأمن بالولاية، وقطع عقار في تنوير قدمه للاحزاب السياسية بالنيل الازرق ورجال الإدارة الأهلية بمركز مالك الثقافي أمس بالدمازين بعدم مقابلته للرئيس البشير، وأضاف: (لن اقابله كرئيس للحركة الشعبية) وزاد: (يبدو أن الرئيس غير مقتنع بأنني رئيس حزب مثله)، لكنه عاد وقال أنه سيقابل البشير كوالي للنيل الازرق في أي زمان ومكان. وأكد أن الحركة في الشمال مع السلام لكن السلام الذي يحفظ كرامة إنسان الولاية وحول الاوضاع في جنوب كردفان قال رئيس الحركة الشعبية: الحرب مستمرة في جنوب كردفان وستجر السودان إلى هاوية وهناك إحتقان في النيل الازرق وتوتر وتململ في بيقية انحاء السودان الاخرى، وقال عقار: أن بلادنا بحاجة الي ترتيبات دستورية جديدة.
الميدان.
الراجل كلامة منطقى لحد ما يجب نزع اوتسليم سلاح اى مليشية ومافيش حد افضل من حد……الله يعين البلد دى…….عووووووك يا اهل الخير لسنا فى وضع حكومة خرقاء ولامعارضة حاقدة …..قولوا خيرا او اصمتوا
بلد فوضي والي ما داير يقابل رئيس جمهورية دي شنو المهازل دي
ده كلو من نيفاشا قسمت البلد نصين وحتقسم الباقي يا بدريين عاينو للبلد شوية قبل ما نلاقي السودان بس الخرطوم
ما ذال الاسد يحتفظ بهدوءه الحذر ولكن قد ينتفط اذا لم يحترم ارذقيه النادي الكاثوليكي وشرذمه القصر انفسهم..فسلاح الدفاع الشعبي والجنجويد اولآ ثم سلاح الثوار بعد الترتيبات الدستوريه
يبدو ان مالك عفار قد وعي الدرس تماما ماذا نال صديقه السابق المتمرد الحلو غير الهزيمه فهو الان متشرد كان يظن ان الجيش السوداني ضعيف وهذا ماصورته له بعض المنظمات المشبوهه وزينت له الحرب :eek: :cool: :rolleyes: :mad: :crazy:
عفيت منك ياعقار الكلس وكان دورتها رجال سنار معاك (رجال سنار ما كلب سنار)
والله يا عقار انا افتكر مافي فائدة لمقابلة البشير في هذه الشهر بالاخص……
لانو في رمضان ما برحموا ويقولوا جيت تعمل انقلاب (ويودوك ساكت)
a brave man in kizzzzaaaaaan times…..go aqhead herooooooooooo…. sudan for sudanese only…
الذى يستمع الى حديث مالك عقار يعتقد ان ولاية النيل الاورق خاصة فقط للسيد عقار ؟ انا من مواطنى النيل الازرق و تحديدا من مدينة الروصيرص و انا الجار التاسع لعقار و لكن لا ادرى هل اصبح عقار هو مالكنا ام ماذا ؟ و لماذا يقدم فقط تنويرا و لا يطلب مشورة هؤلاء الناس فى امر منطقتهم ام يريد مالك ان يسدد فواتيره و يجرنا الى ما يريد ؟ لا نريد اى حرب فى منطقتنا و يجب على مالك ان يرى ماذا يريد اهل المنطقة اولا و ان لا يستمع الى سلفاكير و غيره ممن اضاع علينا زمنا طويلا كان الاولى ان تقوم فيه التنمية و البناء فليذهب الجنوب بعد ان تابعناهم سنين و لم تحصد منطقتنا اى فائدة تذكر و عليه نحذر الاخ مالك من جعل الولاية رهينة فى يده لاوضاع ليس لمواطن المنطقة اى فائدة فيها و التمسك بالسلام و العمل مع الحكومة او الجن الاحمر لمصلحة المنطقة و المواطن .
ياجماعة الراجل اسمه مالك عقار يعني صاحب املاك
هذا زمانك ياماهازل فامرحي.الرجل ضخم الجثة هذا الذي متشبع بسفك الدماءوهو وامثالة من الحركة الشعبية تلقوا من اسيادهم الامركان واليهود غسيل مخ في الحقد والكراهية للجنس العربي والاسلامي وامثال هؤلاء مصيرهم باذن الله الي مزبلة التاريخ. وان غدا لناظرة غريب
عفيت منك يا عقار ….ما تقابل المجرم دا الا فى اطار اتفاقية اديس ابابا الاطارية وخارج السودان وبشهود دوليين .
والله بتمنى انو مجلس الامن ينتبه للبحصل فى جبال النوبة ويصدر قرار بحظر طيران فوق المنطقة عشان نتجنب الفظائع الحصلت فى جنوب السودان وبعداك فى دارفور وهسى بدت فى جبال النوبة .
الأخ بدرالدين حميدة، من الأفضل لك أن تصمت ولا تأتي بمثل هذه الأقوال التي لا تشبه أهل جنوب النيل الأزرق!!!!!!!!!!!!!!!!!!!!!!!!!!!!!!!
أنت محق يا الأسد النتر (مالك عقار ) أنت قائد عظيم وحامي حمى الهامش والمهمشين ,مادْا تريد من أناس يبرمون العهد اليوم وينقضونه غدا ؟؟ مادءا ترجو من فئة أدمنت الكدْب والنفاق والفجور ؟؟ أمض فيما أنت ماضي ولا تكترث فغدا سيأتونك وهم صاغرون , امض أنت والقائد عبد العزيز الحلو والسيد عرمان وكل القاعدة في الحركة الشعبية من خلفكم .
أنا اقول للأخ عقار انو الكيزان الشماليين صارو مسعورين جداً وما عارفين اي خريطة يسلكو وطبعا سيوف لن يجازفوا بابنائهم الشوايقة والجعليين في حروب جديدة مادام مليشيات موسى هلال حامي الجلابة موجود ومستعد لتقديم التضحية في سبيلهم وقبض الثمن من القصر الجمهوري للأسف الشديد والله لاندري متى سيعلم الحزام العربي الممتد من الروصيرص وحتى افريقيا الوسطى اللعبة القذرة التي تحاك ضده
هذا المدعو مالك عقار لا يملك شئ في النيل الازرق لان قبيلته لا تمثل الولاية لانه قبيلة صغيرة لكن ضعف قادة الموتمر الوطني في الولاية هي التي جعل عقار يتصرف كأن ملك النيل الازرق
المعلق بدر الدين حميدة
والله انه لشرف لايضاهيه شرف ان تكون مملوك لمالك عقار السوداني الفارس الاصيل الشجاع الذي لايعرف المداهنة والتملق والرياء ذو المواقف الشجاعة والثابتة الذي لايخاف في الحق لومة لائم من ان تكون خاضع لعرة راقص حرامي فاسد ليس له كلمة رجال جبان لايملك قرار نفسه صار ارجوزا والعوبة في يد مخنسي الجبهة النفاقية والله الواحد يستعر منه ان يكون سوداني ناهيك ان يكون في منصب يمثل سيادة وعزة وكرامة السودان الذي مرمط كرامته في الوحل
الأخ محمد زيدان، أسلوب الرفض المبطن الذى يستخدمه بعض متنطعى الشمال النيلى لكل ما هو أتى من غير الشمال، هوخمر قديم يعبأ في أوانى متجددة بإستمرار من أمثالك دعاة العنصرية ورفض الاخر.فحينما قامت ثورة اللواء الأبيض نهض الأعيان ومهروا مذكرة للمستعمر وسفهوا قادة الثورة بألفاظ شنيعة كأولاد الشوارع و ما شابه. وأقول لك أن السودان لاعاد السودان القديم الذى كان يتحكم فيه أقلية برجوازية جبلت على القرصنة وتسفيه الاخرين. فنصيحتي لك يا أخ بدل ممارسة التخذيل المخزى أن تدعم كل من يرمي هذا النظام و لو بطوبة على قدر الاستطاعة حتى يعيد السودان عافيته التي فقدها منذ ان قام هؤلاء بالانقلاب علي الديمقراطية.
واله راجل يا عقار — والرجال قليل في هذا الزمن
وحقيقة ضاع صوت العقل وما عدنا نميز بين العداء للمؤتمر الوطني وللسودان
فبالعقل الانقاذ جرت البلد لمصائب لا تحصى ويستعصي عليها حلها لأنها ببساطة تتعامل بعقلية اتحادات الطلاب والروابط ولأنها اضاعت الكفاءات والحقوق
الآتفاقية الملعونة الأساسية واضحة ويجب الألتزام بها كما التزمت الحكومة باجراء الإستفتاء وقبلت الانفصال ويبقي تنفيذ بقية الاتفاقية وهى تنص على عدم وجود قوات بعد الانفصال للحركة في الشمال انتهى ويجب الالتزام اما قولة يجب نزع سلاح المليشيات جميعا فصحيح ومنطقى ولكن لنبدأ بقوات الحركة الشعبيةحسب الاتفاقية ودون مماطلات
والله لا يوجد فيهم خير جميعا وكلهم طغاة وطلاب سلطة دون انجاز فعلشان كدة أن للأغلبية الصامتة أن تتحرك وتقلب الريكة في وجههم جميعا مللنا دوامة المناقرات من القادة االفاشلين كالأطفال ولو ما سلموا ما بسلم لا بالله عليك هو لعب شفع
ووالله لو الحكومة اضطرت لاستخدام القوة ليها حق
بعدين الغرب البقول يجب قيام الاستفتاء في موعدة لما لم يلتزم بخروج قوات الحركة في التاريخ المحدد
المشكلة ما في المؤتمر الوطني بس لأنه تسلم السلطة وفي تمرد ومتمردي الجنوب ومن ناصرهم قالوا الشريعة السبب في عهد نميري وبعد الانتفاضة استمروا وفي الانقاذ استمروا وبعدها ح يستمروا لأن اجندتهم لا تنتهي الا بتدمير كل السودان ويظنون لسذاجتهم أنهم سيحكمون والله سينبثق سوداني عدل ومساوة وخير بعد تدميرهم جميعا
ولعن الله ىالفتنة
والحل الانقاذ تبطل طغيان وديمقراطية سليمة وعدالة اجتماعية والشعب السيد ولا يعلى عليه ودة صوت العقل ولا خلاص بقيت زيكم
اتقوا الله في المساكين والبسطاء وخليكم قدر المسئولية ونحن منتظلرين الدستور الجديد واتمنى الا ييكون كالانتخابات الاخيرة والتي لم تكن سليمة تماما ورغم كدة المراقبين الدوليين بصموا عليها وبصراحة الغرب تهمه مصالحة فقط ولو مرة أيدنا مافي ضمان الخطوة الجاية
وكفاية سذاجة
من حركة مسلحة واحدة و تمرد فى الجنوب فقط و لا وجود لتقرير مصير و لا جنود اجانب فى ارض السودان ولا مبعوثين اجانب ولا قرارات من مجلس الامن فى حق السودان و لا حلايب اتشالت مننا رجالة عدييل كده و لا تدهور انتاجنا الزراعى ولا تدهور عملتنا بهذه الطريقة و كل مرة نغيرها و نخسر قروش نحن فى امس الحاجة اليها و لا تمزق النسيج الوطنى بهذه الطريقة ولا صرفت المبالغ لتمزيق الاحزاب الوطنية و العمل ده بيعملوا الاستعمار مش الحكومات الوطنية ولا تدهور التعليم و الصحة و التنمية الريفية و قطاع المياه بهذه الدرجة و و و و نجى بعد 22 سنة من انقلاب الحركة الاسلامية و نقرا اخبار زى دى؟؟؟ دارفور و جنوب كردفان و النيل الازرق ؟؟ كدى ورونا او اشرحوا لينا عشان انحنا مخنا تخين و ما بنفهم فى السياسة زيكم انتو جايين تنقذوا السودان من منو و من شنو؟؟؟ و اذا كان ده الانقاذ فى نظركم الخراب يكون كيف؟؟!!! ولا بس جايين تنقذونا من صف الرغيف و البنزين؟؟!! يا بؤس خيالكم و طموحكم و مشروعكم!!!
والله يا عقار ما تقابلو نهائى
دا راجل ما عندو كلمة و معروف من زمان راجل " كضاب"
عندما شعر انو مليشياتو فى جنوب كردفان سفت التراب
و اتهزمت اكتر من خمس مرات و شالو منها اسلحتا و عرباتا
كب الجرسة و داير يشوف ليهو مخرج من ورطتو دى
البشير دا تدوسو بجزمتك يسمعك كويس
ترخى ليهو الحبل يعمل ليك فيها راستا كبير
الحل هو الدواس الدواس لمن الكيزان يطلعوا الزيت
:mad: :mad: :mad:
البلد فعلامليانة مليشيات جنجويد ودفاع شعبى ودبابين والقوة الاستراتيجية الخاصة وكلها تبع المؤتمر اللاوطنى
ويدل ذلك على عدم ثقتهم بالجيش .. واذا استمر والوضع هكذا فنحن موعودون بنيفاشا جديدة
اعقلوا ايها القوم.. وبلاش نحارب بعضنا
( يبدو أن الرئيس غير مقتنع بانني رئيس حزب مثله ) .
يعني شنو رئيس حزب ؟! ياخي في رؤساء أحزاب أعرق منك بيقابلوا البشير , ضف الي ذلك أنك والي ولاية وتحت رئاسة البشير يبدو أنك لا تفهم الا لغة الحرب للاسف ولا تدرك أن الوالي تحت سلطات الرئيس .
يا ود الكرمك الجاب كلام القبايل شنو؟هسه كلام عقار دا فيهو قبايل المشكلة في ال……الفكري بتاعك دا
انت قلت ود الكرمك الان كرمكك دي في يد منو ؟ لم قبايلك واسيادك وامشي اقلعها من الاسد
بعدين مالك جريت وخليتها للزول الما عندو قبيلة؟حاول فوق من الخدر الانت فيهو دا وخلينا نقول
ارضا سلاح لو نتحد ضد الجراح ونبني الديمقراطية صاح
عاش مالك عقار دي الرجااااالة ياجنا لاتقابل البشير الجبان فهو كاذب ماكر منحط ولاتسلم اسلحتكم لانك لو فعلت سيتم التطهير العرقي بالنيل الازرق بلا شك فقد كشف كل الشعب خطتهم التطهيرية العمياء اللتي لاتفرق بين مسلم وغير مسلم ودمتم سالمين
قال بقابل البشير كرئيس حزب مثل هذه الترهات وعدم النضج السياسى من قبل المتطفلين على الموائد السياسية هى التى تقود البلد الى الهاوية على العموم قابلته ما قابلته ما فارقة وسيحسم الامر ان شاء الله لمصلحة استقرار وامن المواطن فى كل ارجائه بما فيها النيل الازرق وجنوب كردفان وسيعلم اتباع قرنق اى منقلب ينقلبون
المــــــــــــــعــــلق " الــــراوي " انت نائم ما جايب خبر الدنيا ياشيخنا في حاجة تعرفه كويس ان القوة الضاربة في الجيش من النوبة والانقسنا فهم كانوا ابطال المهدية وابطال المعارك مع الانجليز وبايدهم حسمت حرب الجنوب لصالح انفصال الجنوب فيصبح الامر في غاية البساطة في حقهم الخاص وانشاء الله المرة الجاية لو لم تغير من اسلوبك ستكون لاجيء في ارتريا او تشاد فعلي المواطن/ عمر البشير مقابلة مالك عقار رئيس السودان القادم فهل هذا مستحيل يا الراوي ؟
محمد زيدان الكسلان عن أى جيش تتحدث يا ولد ؟؟إنت باين عليك لسة ماصحيت من النوم تحت الكندشة الباردة!! جيشك الحلو بقى يقبضو زى الجراد ياأخوى!! وقيل الحلو بطل إستعمال السلاح حفاظا ع الذخيرة بقى يستعمل سوط العرد ،، تعرف شجر العرد ؟؟ متوفر بكثرة فى جبال النوبة
انتو حاتقعدوا تعلقوا وتبكوا ذى ستات الشاى لمتين طالعين الشارع ولا لا؟
ليست مفاجأة أن تبلغ بك الوقاحة يا اسحق يا فضل الله. التطاول حتي علي دكتور غازي. أما البني عامر فهم ضحية طيبتهم الزائدة، لذا ليس بغريب علي خسيس و وقح مثلك للاساءة اليهم . خليك في رمي الودع بتاعك دا، يا وداعية الأنقاذ، فاكر الناس تقرأ مقالاتك لموضوعيتها ، وقسما بالله وفي نهار رمضان دا . هو فقط الفضول علي ماذا تقول الوداعية . كل مرة فاقع مرارتنا (صحف الخرطوم أمس تنشر ما ذكرناه قبل شهر) ، يا خي حرام عليك هل دي صحافة. يكفي دكتور غازي أنه طبيب و أنت همك نيل مجرد شهادة وداعية.
والله يا مالك عقار تحديك للبشير جيد وفرحنا وأثبت لينا إنو السودان لسه فيهو رجال بيقولوا لا . أنحنا ودنا نكون معاك بس خايفين بعدين الشغلانه تقلب لي تقرير مصير ويتقسم السودان من جديد أملنا في قائد يقودنا لسودان واحد موحد خالي من الكيزان واللصوص والمصلحجية