«البرير» يرفض قرار الاستئنافات ويستعين مرة أخرى بالفيفا

مجرد سؤال للبروف كمال حامد ابراهيم شداد : “حقيقة” هل تمتد سلطات “الفيفا” الى خارج الملعب ؟ يعنى عندها صلاحيات تدخل فى غير ما يتعلق بالقوانين والجوانب الفنيه ذات الصله باللعبه وتحكيمها.. هل تتدخل فى تحديد عضوية ادارات ألأنديه وكيفية تكوينها و شرعيتها او انعداما؟ .. “احسب” ربما للفبفا حق التدخل فى ان تكون الآتحادات الكرويه المشرفه على لعبة كرة القدم “اهلية” التكوين والمسار بعيدة عن تدخل الحكومات !!
* ليه السيد ألأمين البرير “لاكم الحكم ” الضيف والناكر وحودو فى ألأستاذ “ساعة اللكمه” يلجأ الى محامى انكليزى ؟ يعنى ما فيش “افوكاتوهات” سودانيين تفتيحه ناقشلن قوانين من قدامى المحامين المتمكنين من طق الحنك بلغة بنى السكسون رغم ان اولاد البلد طيعن من الناطقين بغيرها!! ولآ يعنى “زامر الحى لا يطرب”
* مين حيدفع اتعاب المحامى البريطانى دا؟ نادى الهلال؟ ولآ البرير ؟ وان جاز لنا ان نتساءل: نادى الهلال حيجيب القروش دى من وين؟ موش من دخل مبارياتو او من ريع منشآتو!! ايا كان المصدر ليه النادى ومشجعينو يتحملو ألأتعاب؟ هل لمجرد ألأبقاء على البرير رئيسا للنادى؟ ايه حييتغير لو كان البرير هو الرئيس او كان شخص آخر غيرو !! هل لو ظل البرير او جا زول تانى نادى الهلال حياخد كاس العالم؟ بالكتير كاس الدورى الممتاز مجازا.. او يبقى الوصيف للقلعه الحمرا (وما بعيد للخرطوم 3 بعدما زادت وطنيتو حبتين او يمكن الهلال يرد ليهو الجميل ويتنازل ليهو زى ما تنازل الخرطزم الوطنى للهلال عن كاس دورة النيل (كما قال سكرتير الخرتوم 3)
* اها نخسب ان السيد البرير حبتحمل اتعات محاميهو ألأنجليزى ( ودا المتوقع والمحريّه فيهو) ورغم ان القروش قروشو) بس ممكن نعرف “يا بروف كمال” ماهى الفوائد والمنافع المتنوعة المرتكزات اللى بيلقاها من يتولى رئيس نادى الهلال (عسى بل لعل نفكر فى دخول حلبة المنافسه) .. طبعا لن نجرؤ على مجرد التفكير فى رئاسة القلعه الحمرا او ألأقتراب منها وحولها ألأسوار)!!! محن يا شوقى بدرى!!