شاذ معروف
شاذ معروف
نزار حسين
[email][email protected][/email]
الأفّاق يقول لي شعبو شاذ آفاق*
دحين بعد عشرميت عام
رئيسنا بقي يشتم زين
وبعد قسم البلد نصين
و كمل حلاقة الراس*
حالف تب يبتر الساق..
و برضو إنجاز
وداير ليو وسام إعجاز*
بعد ما كان مطاطي الراس
وفاضي الراس .. يشتم بالجزم والبوت*
هسا شتمنا بالافاق
وعيرنا*الوليد العاق ..
وكويس انك وريتنا ..ما خليتنا في المجهول*
لأنو الشواذ كتروا..
ولازم تتعدل في القول
في شاذ جنسي
وشاذ حسي
وشاذ افقي وشاذ راسي
وداك واحد من الشاذين
النهبوا البلد بالدين..
وفي شاذ معروف
وشاذ مهووس
وشاذ مدسوس*
ينخر في البلد كالسوس
في شاذ فطرة
وشاذ فكرة
وشاذ حاكم الشذاذ
وشاذ شاذي عن الشذاذ
وشاذ معروف من الإنقاذ
الجمعة 7 يوليو2012
