صفعة لوالدة عروس تنهي مراسم زواج بأم درمان

******** لا حول و لا قوة الا بالله العلي العظيم ****** هسي العريس و العروس ذنبهم شنو ؟؟؟ ***** انا شايف انو اهل العريس و اهل العروس اي ناس يعملوا “عزومة” منفصلة تماما ***** تكون مختصرة جدا الاسرة و الجيران علي كده الموضوع ينتهي ******* اما حكاية النادي عشيتوا ناسكم ابيتوا تعشوا ناسنا و هاك يا كلام و مشادات و مشاكل حتي لو ما انتهت بطلاق في اللحظة زي الخبر دا **** بتسبب طلاق في المستقبل بسبب التراكمات بين الاسرتين ***** ما عايز اظلم ام العروس لكن غلطانة اكيد يكون رفعت صوتهاعلي الراجل “ابوالعريس” ****** حتي لو هو غلطان كان هي مفترض تحترمه من باب النسب ***** علي العموم الحصل لخير ***** يمكن العرسان ما استخاروا **** يمكن الاستخارة نجحت **** في النهاية قسمة و نصيب **************************************************

والد العريس يفترض يكون اكبر من كده اما انو يمد يدو علي مراة هنا فقد رجولتو

ردود علي ساب البلد
دا و الله ارقي تعليق قراءته اليوم في الراكوبة و لو الناس اتبعوه لكان افضل
احييك للمرة الثانية” يمكن الاستخارة نجحت”

ربنا يهدي الجميع إن شاء الله *** وياريت الناس ترجع لعرس زمان ويكون العرس بسيط وما فيهو تكاليف كثيرة وزي ماقال رسولنا الكريم عايه افضل الصلاة والتسليم اقلهن مهراً اكثرهن بركة *** وكل شي قسم ونصيب بس حاجة زي دي غريبة وياريت ما تنتشر بين السودانيين *** وربنا يعوض العريس والعروس .

اول مرة اسمع بوالد عريس يحشر نفسه في موضوع عادة يتم النقاش و البت فيه بواسطة النساء في السودان.
لماذا لم يتحدث مع والد ,عم او خال العروس أذا كان لابد من الحديث اساسا في هذا الموضوع النسائي الخالص . ياعالم استحو!!!

والله جد حركه جبانة بس ابو العريس ماكان امد يدو لى مرةومفروض ادخل زول من ناس العروس قبل ماكان الامور تصل لمرحلة نقاش وضرب

أما راجل خيوبة بشكل

هو اللي طلق منو ؟ ابو العريس ؟ ولا العريس ؟ حتى الاعراس بقت هلال مريخ !!!صالات فانتازيا !!وبذخ فظيع !! وكلها ساعتين بس !!!والمصيبة كل الاستراتيجة عند ام العروس !!والمادة هى الحكم !!وياحليل عرس الكوره !!

دي البداية لو تم الزواج ومنحناهم(الاسرتان) فرصة لمدة 90 يوما بدل الصفع والشتم هل كانوا يستعملون الاسلحة النارية اعتقد والله اعلم الاسرتان لا ترضيان بهذه الزيجة الفاشلة اصلا في كره واحتقار ودونية لاحد الاسر يعني اسره فوق واخري تحت والنهاية الحتمية الحماقة

كلامك صحيح ((( ساب البلد ))) اخوى … لكن قصة مشاكل الأكل دى دائما بتحصل فى الأعراس قدر ما الناس يأكلوا لازم تلقى واحدين يقولوا ليك ما أكلنا … وصدق مرات كتيرة جدا بجوا ناس كتيرين بكونوا متابعين الأعراس بس والغريبة يجوك قاشرين ااااخر قشرة ويقعدوا ليك بكل ثقة مع انو المفروض الحرامى فى راسو ريشة ههههههههه وأهل العروس بفتكروهم من أهل العريس ويقوموا يتكبكبوا فيهم ويكرموهم وبسببهم الأكل بقصر ويكون فى كثير من المعازيم ما اتعشوا … لكن أكتر شيىء مضحك كان فى زواجى … أهل زوجى قدروا لينا معازيمهم وقدرنا معازيمنا نحن والطباخ عمل التوتال للصحون أصرت أمى الله يديها العافية اصرار شديد انو يزيدوا الصحون قالت الظروف ما معروفة … المهم الناس ماقصرت ان شاء الله ينفعهم بس المضحك بعد العرس انتهى ناس كتار قالوا لينا ما اتعشينا واللذيذة شكلهم زعلانين ونحن زعلنا جدا لعدم عشاءهم وأمى قالت أنا زدت الصحون عشان خايفة من جنس دا واستغربنا لأنو العشاء كان زايد من عدد الناس … لكن لما ظهر شريط الفيديو صدق الناس القالوا لينا ما اتعشينا كلهم ظاهرين فى الفيديو ((( يكوضموا كوضام شديد ))) ههههههههه والتقول بتاع الفيديو كان عارفهم حاينكروا ركز عليهم تركيز شديد غايتو ضحكنا جنس ضحك لما شفنا الشريط … عشان كدا المعازيم هم سبب خراب البيت دائما بيسببهم فى أكلنا وما أكلنا بتحصل المشاكل … يا ناس انوا جايين تشاركوا الناس الفرحة ولا تكوضموا وكمان تسبوا مشاكل ؟؟؟ … تحياتى …

مع كل الاحترام لي كل الشخوص في التقرير ده..لكن في هيافة حاصلة..دي قصص ما بتحصل إلا في مجتمع فارغ ومتواضع الإمكانيات العقلية والثقافية ..وللأسف بقت حاجات زي دي يومي بتحصل .. طلاق لأسباب فارغة ..زواج بالمزاجية ..تعدد زوجات..تعدد علاقات عاطفية ..بنات يبيعو الرجال ..أولاد يلعبوا بعواطف البنات…قصص تشيب يا ولدان