ضربة لمصداقية وزير الداخلية: سطو مسلح على منزل مدير شرطة أم درمان أدى لأصابته وأبنه بالأذى الجسيم
نفذت عصابة يشكلها أربعة من معتادي الاجرام، عملية نهب مسلح على منزل مدير شرطة محلية أم درمان اللواء تاج السر عباس واصابته هو وابنه بالأذى الجسيم بواسطة «سواطير».
وعلمت المصادر بأن عصابة مكونة من أربعة معتادي اجرام ومسلحة بأسلحة بيضاء «سواطير» هجمت على منزل مدير شرطة محلية أم درمان اللواء تاج السر عباس بضاحية الحتانة بغرض السرقة، لكنه أحس بهم ودخل معهم في معركة أدت إلى اصابته هو وابنه بالأذى الجسيم ونهبت العصابة هاتفه الجوال ولاذت بالفرار.
وأكدت ذات المصادر تدوين بلاغ تحت مواد الأذى الجسيم والنهب بقسم شرطة الحتانة وتشكيل فريق من شرطة مباحث أم درمان والخرطوم للبحث عن الجناة، وقالت إن فريق المباحث توصل إلى اثنين من المتهمين بمنطقة أمبدة، وبالتحري معهما اعترفا بالتهمة المنسوبة إليهما وما زالت التحريات مستمرة للتوصل إلى بقية المتهمين وتقديمهم للمحاكمة.
وكان وزير الداخلية قد أثنى منذ ثلاثة أيام على خطط وزارته بشأن اخلاء العاصمة من العصابات والجماعات المسلحة ، قائلاً بان الخرطوم باتت مدينة هادئة ووادعة يمكن للمواطنين التجول بالحدائق العامة والشوارع حتى الساعات الاولى من الصباح..
الصحافة
وزير الداخلية يمدح خطط ولايته ويعلن ولاية الخرطوم خالية من العصابات الاجرامية
[url]http://www.alrakoba.net/news.php?action=show&id=19427[/url]
دا كلام شنو ياناس ..مدير شرطة أم درمان يتعرض للنهب والسرقة ؟
هههههههههههههههههههههههههههههههههههههههههه
والله محن سودانيه فعلا
الله يشفيك يا مدير الشرطه—بس ما تنسي تفتح بلاغ في وزير الداخليه —-تحت بند تضليل الراي العام
العصابات بقت تهاجم حتي منزل مدير شرطة محلية أمدرمان ما يعني انه مافي أمن ولا يحزنون والبلد تعيش في حالة لا يعلم مداها إلا الله!!!!!طيب المواطن البسيط المغلوب علي أمره يعمل شنو؟؟؟
العصابات المسلحة دي لو بتدخل علي كل وزير ومسئول في الحكومة كان ريحتنا منهم واحد واحد وكفتنا شر الثورات والمسيرات .
———
اللهم لا شماته نسأل الله الصحة والعافية للجميع
واللة العظيم فضيحة دة اصلو مدير شرطة ولا مدير كبارية
العصابه دى لو بتهاجم ناس نافع وعبد الرحيم حسين ووزير الداخليه السودان كله حيقيف معاها يعنى خلو نهب المساكين وانهبو مافيةالانقاذ
أتمنى أعرف وزير الداخلية دا مهندس شنو………………..
قبل عام ونصف العام تهجم على منزلى الكائن فى ام بده
مجموعة من البلاطجة تسلقوا سور المنزل وقامو ا اولا بفتح باب
المنزل الرئيس وبعد ذلك قاموا بسرقة هاتفى الجوال من تحت
راسى (من تحت راسى) لانى كنت فى يوم عمل مرهق من الصباح الباكر
حتى المساء الى بيتى مع زحمة المواصلات والجوال كان من النوع الصينى:D ابو شريحتين لكن الادهى والامر كنت قد اشتريت جهاز لابتوب بالاقصاد ولم اكمل اقصاده قد تم سرقتة
المهم صحيت بالحرامية ديل او مجموعة البلاطة فى العرف الحديث وقمت بالصياح حرامية قاموا بالفرار وانا وراهم لوحدى فى دجى الليل البهيم وما احزننى اننى لم اكن مستعد للجرى لانى لياقتى انتهت وهم يهرولون لانهم نايمين من العصر ومرطبين مع ستات الشاى فى ام بدة وطبعا خططوا ورسموا وقالوا (الفارة دا بجى تعبان وهلكان) ومابقدر يجرى معانا طبعا جو ملثمين وشايلين سلاح ابيض المهم تجمهروا الجيران ووصلونى لحدى ما انقطع خط سيرهم
انا طبعا زعلت من نفسى شديد وشفت نفسى زول هوين ساى ومرتى زاتا تانى مابتنون معاى:cool: لانو جو رجال دخلوا وقلعوا منى قلع الجوال والابتوب واعتبرتها حقارة وقوة عين:mad: المهم كل ما المراة تعاين لى انا ادنقر المهم قلت فى نفسى الحمد لله الجات على الجوال الصينى والابتو ب وجهاز الام دى اس ال
اه
مشيت
الشرطة
النوريكم
الحصل
شنو
فى القسم
سلام عليكم
واحد رقيب وعليكم
السلام
ياجماعة انا انسرقت
باليل وسرقو منى ……..
قال
لى
تساهروا ساى الليل كلو مابتنوموا
وتنسرقوا وتجوا جاريين
سكت
امشى هناك للبلاغات
البفتح البلاغ قال لى
امشى دكان عمك
جيب لينا
ورق فلسكاب (ودى اسالنى منها ربنا يوم القيامة)اذا مامصدقنهم
جبت الورق وجيت المهم عملت الاجراءت بتاعة التحرى وادونى نشرة
اه فى واحد قال لى طبعا يا استاذ دا شغل بتاع ناس مباحث
وجد اعتبرت كلاما صحيح قلت ليهو صاح
فاجنى قال محتاجين عربيية ناجرها وعايزين عشرين جنية (دى ربنا يسانى منها برضو) قلت ليهو بسيطة ……
المهم يوم وراء يوم حبيبى ماجانى نوم تانى
لليل
انا
مالقيت
واحد فيهن
طوالى
قمت ادينتا
واتبينتا
وحميت نفسى
بالسلك
الشائك
احموا نفسكم بالسلك
ليها حق اسرائيل تضربنا الشرطة ماقادرة تحمي نفسها ؛؛؛ولا اقولكم يستاهلو مابعرفو ينفشو الا في المواطن المسكين الغلبان .خلي يجيهم البلي الياخدم
ربنا يعوضك يا سلك شائك..لكن البلد بقت قاعدة أم فكو
امنياتى لسعادة اللواء بعاجل الشفاء
واود ان ابصر باعادة النظر في مسالة العفوية
والقدرية التي تسود حياتنا
لان طابط رفيع باالمستوي الموضح يفترض
حراسته بمستوى رفيع ومتقدم
والمشكلة المسكوت عنها هي الخلل البنيوي
الي اصاب نفسية المواطن السوداني فجعلته
1- قدريا
2- متسيبا
3-لامباليا
4- اتكاليا
واخيرا مهاجمة مدير الشرطة مسالة كارثىة تستدعي
التخطيط والتدريب والمراجعة لاالتهكم
لان القضية قضية وطن
احصائ اجتماعي
دولة منهارة اخلاقيا من الرئيس حتى الغفير . شرطة بتطلب سيارة وحق البنزين فى العاصمة طيب ناس الاقاليم اعملوا شنو . دة مدير شركة شنو شرطة اصلا كلها حرامية .
الم نقل بان شرطة الجباية تنام الليل ملء الجفون بينما يمرح اللصوص!! وهاهو مدامنا لم يجف ويتطاول اللصوص علي رمز الشرطه!1 كلها ليؤكد باننا تحمينا العناية الالهية!! فقط وان الشرطة تم انصرافها عن دورها في حفظ الامن والنظام الي قسم جباية وقسم لحماية النظام!!! فالطائرات تضرب يرسودان لتكشف المستور واللصوص يقتحموا بيت مدير الشرطه ليضربوه وابنه ليفضح قول الزور قول وزير الداخلية!!! الهم لا شماتة لقد آن المواطنون من الشكية من زوار الليل!! ولكن لاحياة لمن تنادي وحتي عند الاتصال عليهم يتعلللون بان ليس لديهم عربات!!!!!!
وتم القبض!! كم من مواطن سرقة ممتلكاته وامواله وحتي ملابسه ولم يقبض الزوار فقط لرد الاعتبار تدافع النائون لد الشرف لمديرهم والذي يجب عليه ان يقيلهو ثم يستقيل!!
عقبال وزير الداخلية لانكم فكيتو البلد والبلد اتملت زبالة من كل انحاء الدنيا
سودانى … وزير الداخلية لا علاقة له بالهندسة عندو دبلوم علوم زراعة و عمل تجسير …. طبعا هو درس على انه ارترى لان اللاجئيين الارتريين يتم قبولهم بدرجات متدنية و معظم السودانين الفاشلين الذين لا يتحصلون على درجات عالية فى الثانوية يقومون بتزير جنسياتهم لقبولهم بالجامعات الاجنبية و هو زاد الكوز حبتين و عمل فيها رئيس الطلاب …. الكيزان الاوهام ديل الواحد فيهم داير ليهو اى لقب يضاف قدام اسموا حتى و لو كان ما بستحقو ….
يعنى وزير مشكوك فى سودانيته و ما يذهب غرب السودان الا محروس من وزير الدفاع لانو عقد الغرب عاملا ليهوا هليلا يغلبو يصيف لاسمو مهندس؟ دا كويس ما اضاف بروفسير طيار ابراهيم محمد افورقى
أحموا نفسكم بالكلاب والعكاز أبو ضبة بقر
دي شرطة ناس قدو قدو لاتعرف غير جلد وإهانة النساء وحراسة وحماية المخنسين من مثليي المؤتمر الوثني
هاردلك يا تجتوج قال شرطة قال قوموا بلا لمه عقبال
:mad: :mad: :mad: :mad: