توضيح مهم من نبيل أديب عن مزاعم الضغوط التي تمارس على لجنة فض الاعتصام

ياخي اشتغل شغلك وسيبك من الخرخرة، إذا كانت الجهات التي هددتك لا عسكرية ولا مدنية رسمية بتشتكي لمنو ومن منو؟ هل تريد من الاعلام والسوشال ميديا عدم مراقبة سير اللجنة بطءا وسرعة أم ماذا؟

اها ، اللي قال ليك امشي صرح كدا دا منو ذاتو ؟ !! دا مش نفس زول اللي هددك و هسه داير يندس من وراء تصريحك دا و يختفي من المشهد بإبعاد الإصبع اللي بيؤشر في اتجاه و يقلبو في اتجاه المجهول !!
يا ناس الراكوبهاذا في زول فيكم مخوف المخضرم دا ، كدي ، عليكم الله ، يسيبو شويه ، عشان ما دايرين زول فيكم يضغط علي السيد النبيل دا عشان يشتغل شغلو !
اها ، خلاص خليناك ، بس ما تمش تطلع الثوار هم اللي براهم كتلو نفوسهم ، عشان عمك الكبير و الكبير اللي جنبو برضو ، و تقول ديل ناس مساكين ساكت لا حول لهم و الناس اللي كارهنهم بس بيتهمونهم ساكت و هم ابرياء !! في الوقت داك بنطلع انت اللي كنت بتهدد في نفسك عشان عشره شربه الشاي داك مع الكبير داك خلاك ما قادر تطرشوا في تقريرك .
علي كل حال بنتمني ليك التوفيق، و نحن مازلنا واثقين فيك عشان زول اقرب للثوار ، بس نحن خايفين من فيروس الزومبي ما يصيبك و يودرك مننا ساكت . بس نتمني ما تخيب الشهداء ، عشان نحن لو كنا اجساد مواد ساكت و ما شايفين حاجه ، بس الشهداء ديل ارواح شفافه بتجول بيناتكم هسه و بتابعكم كويس ، بس اعمل حسابك ما يخنقوك بليل اذا تماهيت مع الكبير عشان ما في كبير مع القانون و اكيد قبل كل شي مافي كبير مع الله عز و جل . ! و شكرا .