الخرطوم:الراكوبة
اكد الأمين العام للجنة التسييرية لشعبة المخابز الباقر عبدالرحمن إكتمال الرؤية الفنية لتكلفة صناعة الخبز لدي حكومة ولاية الخرطوم، واستعجل الحكومة لإتخاذ قرار زيادة تسعيرية الخبز.
وقال لـ(الراكوبة) ان المستجدات التي حدثت والضغط الكبير علي المخابز من وقود وترحيل جميعها تعجل بإتخاذ قرار بشأن تسعيرة الخبز، وأضاف ” لا أصحاب المخابز ولا المواطنين ارتاحوا فالكل يعاني “، وتساءل “ما عارف التأخير ليه” في ظل تململ جميع القواعد بالقطاع نتيجة للخسارة التي يتعرض لها صاحب المخبر. وتوقع ان يكون تاخير القرار لترتيبات سياسية، لافتا لتوقف معظم المخابز بسبب إرتفاع أسعار الوقود.
واتهم شركات الغاز بتحصيل رسوم السلعة باعلي من سعر الحكومة وبدون إيصال وبعلم الحكومة، وقال ان أصحاب المخابز اصيبوا بإحباط مما يحدث.
ياخ عنكم ما اشتغلتو،،شنو الحكاية،،لو ماعملتو ما بتشتغل ولو،،ولو،،والصفوف وتزيد ،،وانحنا وانحنا،،اي مخبز رفض استلام الدقيق المدعوم عشان الضغط على الحكومة،،ما يبكي ويولول، ،ويقول ماعارفين التاخير من شنو،،كرهتونا ،،الداير يشتغل يتفضل لحد مايشوفو موضوع التكلفة،،،الماداير حر،،وما عندكم شغلة بالمواطن،،وما تلعبوا دور الام الحنون،،وانت عينكم على زيادة الارباح..والحكومة تشوف مخابز وافران، خاصة بيها.تقوم بتوزيع الخبز جاهز في المحطات والأسواق..بسعرها الشايفاهو مناسب.