جوبا تأسف لرفض الخرطوم تأجيل حكم الإعدام في أحد رعاياها
الخرطوم – مي علي
عبّرت دولة جنوب السودان عن بالغ أسفها لرفض سلطات الخرطوم طلب الالتماس الذي تقدمت به لتأجيل تنفيذ حكم الإعدام الصادر في حق مواطن جنوبي موقوف بسجن كوبر العتيق عشية ليلة عيد ميلاد المسيح بينما ينتظر (8) من رعايا دولة الجنوب تنفيذ حكم الإعدام من بينهم نزيل موقوف في ذمة قضية سياسية معلقة
ودعا السفير الجنوبي خلال مخاطبته احتفالات أعياد الميلاد بكاتدرائية القديس متى الكاثوليكية بالخرطوم،إلى المحبة والسلام والتحلي بالقيم الإنسانية الفاضلة وطالب المشاركين في الاحتفال بإقامة الصلاة والتراتيل والدعاء لأجل النزلاء الجنوبيين بالسجون السودانية والبالغ عددهم (179) نزيل موقوفون في ذمة قضايا مختلفة من بينهم( 9 ) محكوم عليهم بالإعدام
وعاب السفير على السلطات السودانية رفضها للالتماس الذي تقدموا به لتأجيل حكم الإعدام الصادر في حق أحد النزلاء الجنوبيين بسجن كوبر عشية ليلة أعياد الميلاد المقدسة وأوضح السفير أن هناك 8 نزلاء آخرين بسجن كوبر في انتظار تنفيذ حكم الإعدام بعد تنفيذ الحكم في واحد منهم يوم الاثنين الماضي.
المجهر
ياخ هي حكومة البشير اعدمت الشعب كلو شمالي علي جنوبي دارفوري علي طلاب علي نيل ازرق
والله انا ما عارف هم عاوزين الشعب يكمل و ياجروا البلد و لا عاوزين يحكموا براهم
ويكونوا هم الحكومة و هم الشعب و هم المعارضة
و والله دا الحاصل بالظبط : لانو المعارضة المنظمة هسة جناح الترابي و الترابي هو الحكومة وهو الجاب الحكومة
الصادق المهدي : و ولدو مساعد الرئيس
صلاح قوش : اصلاً كلبهم و مدير جهاذ الامن و مساعد رئيس الجمهورية
غايتو والله هرتزل مؤسس اسرائيل مازيكم ياخ ديل الشيطان ممحن فيهم
حســــــــــبي الله ونعم الوكيل
…تلتمس شنو من الجماعة ديل..!!..ديل ضابحين 28 ضابط من الجيش فى رمضان حقهم ذاتو تقول ليهم عشان عشية اعياد الميلاد..!!؟؟
سبحان الله الاخوة الجنوبيون اصحبوا رعايا دولة اخرى – الصلاة من اجل القتله القاتل يقتل حتى في امريكا بالسم و الكهرباء وهذه العقوبات في جرائم القتل لا يمكن لرئيس الجمهورية العفو فيها الا ان يعفي اولياء الدم و لا داعي لابداء الاسف
الجنوبين العليهم الحكم ديل قتلو سودانيين
يبقى ياجلو لشنو الحكم
خليهم يعدموهم بلا يخمهم
يا جماعة نحن كل و احد فينا عايز يعارض و بس . التعليقات السابقة كلها تدين فى الحكومة . أنا عايز أفهم إية دخل المعارضة فى القوانين القضائية . و احد قتل او أرتكب جرم( مثلا إغتصاب ) هل يترك . أنا عندى رسالة للإخوة المعلقين أعلاه إنتو عارفبن إيش عملت حكومة الجنوب بالشماليين دا غير العنصرية الممارسة فى قناتهم الفضائية و الأدهى من كدة مساندة حركات المعارضة كلها ضد الشعب السودانى حيث يقتل الأطفال و النساء فى كادقلى و مدن دارفور !!!
أنا و الله معارض للحكومة لكن هناك شىء أسمه الوطن فية أهلنا الطيبين البسيطين الغلابة المساكين
ناس الهامش المهمشين فى دارفور الحبيبة و فى الشرق و فى جنوب كردفان و حتى فى الجزيرة إتقو الله فى الوطن!!!!
يعنى لو تأخر التنفيذ يوما واحدا عشية عيد الميلاد ما اظن بيفرق ونكون هملنا خاطر لاخوتنا فى جنوب الوادى , ولكن سياسة الخال الرئاسى العنصرى البغيض هى السائده عند ناس الكيزان الذين اعدموا الضباط فى رمضان وبلارحمه كمان لك الله ياسودانى
ياخى فكونا من التعليقات الغير مفيدة دى كل من هب ودبا عاوز يعلق يعلقكم من عراقيبكم شنو يعنى زول لو عامل جريمة واعدموه تفرق شنو لو اجلو الحكم ولا ما اجلوة راجل مجرم ولازم يتعاقب وكل تعليقاتكم من باب النقد ما اكتر فلتذهب الحكومة والمعارضة الى الجحيم ويظل الوطن عالى بشعبة المغلوب على امرة
حكومة + معارضة === الى مزبلة التاريخ
بحان الله السفير الجنوبى يعيب على الحكومه لعدم الاستجابه لمطالبه فى المحكومين …لا بالله اصدر أوامر باطلاق سراحهم … مجرمين وتعيب عليهم الحكومه ؟ القانون قانون والحكم ينفذ فيهم واحدا واحدا دون اثتثناء ولا رجاء هناك سودانيين ادينوا بالاعدام ونفذ فيم مافى حد احسن من حد القانون قانون والاعدام والعفو فيه من حق أولياء الدم نرجو من الحكومه عدم التقاعس فى تنفيذ الاحكام فى كل القضايا بدون مجماله لقد تم تنفيذ الاعدام فى تاجر العمله السودانى رغم توسل رئيس دوله له اعتبار ودعم للسودان لم يستجب له لذلك نرجو عدم المجامله وتنفيذ الاحكام وترحيل ما تبقى منهم . حتى لا تحصل مخالفات وتأتى رجاءات … الا يستحى هذا المعتوه ويعيب الحكومه كأنه يفرض علينا .
رد الى badr يعلقك من عرقوبك براك … نحن لم ننتقد حكومه ولا معارضه بل نعلق على التدخل فى الاحكام وتنتالفيذها واعابته للحكومه. استوعب كويس وبعدين علق الناس من عراقيبهم