البشير أمام برلمان حزبه : سنصدر عملة جديدة وسنتخذ اجراءات تقشفية لتعويض فاقد الايرادات النفطية بعد انفصال الجنوب

ده الحل يعني؟ماقلتوا بحارب الفساد ماشفنا مسؤول واحد اتحاسب..الحكاية ايه هل السودان بقي دولة عمر بن العزيز ولا كيف؟ يعني معقول كده بلدنا افيها ولاحرامي؟ طيب شايف لجنة الشفافية العالمية ادتنا الايزو في الفساد..دي تجي كيف؟ وكمان خريطة السودان الجديد شكلها اجمل واكثر جاذبية..عليك الله ديل بشر؟

|
يعنى هو مامل انوحايقعد لحدى مايصدر عملات جدية ويقسم فى البلد زى ماعايز…خلاص الشعب ملا النفاق وكل اللعب وانكشف ونحن طالعين الشارع وانت الجنائية حتتولى امرك وخلى نافع انفعك ××|

يا الله العملة الجديدة دي بيصدروها بى كم ..؟؟

وفعلا العملة والسيولة محتاجة لتعديل ..

لأن حجم العملة اللي كان موجود كان بيخدم مواطنين وإنتاج لـ "بلدين"

حاليا مواطنين وإنتاج بلد إتخصم من الكل … يبقى في فائض في العملة المتداولة

ودا معناهو تضخم …. عملة بدون رصيد إنتاجي ..

وفعلا الموضوع إنعكس على أسعار الدولار وشوية شوية بهجم على

السلع الإستهلاكية والغلابة يدفعوا التمن

زمان كان حكومة المؤتمر الوطني كل ما تنزنق تمشي لحيطتا القصيرة

تطبع الفلوس وتدفعها مرتبات (لكن بعدما تكون القروش فقدت جزء من قيمتها )

يعني حكم قايم على سرقة الناس من دون علمهم

من 12 جنيه للدولار الى 4000 جنيه فإذا أفترضنا أن 50% من النقيصة بتاعة

العملة دي طباعة ساي شوف الناس ديل يكونوا سرقوا كم …!!

زمان كان النميري كلما يعملها يدي الناس مرتب شهر أو شهرين يعني شوية إستحياء

بس الكلتانين ديل ابين دقنة غموتي ساي يوزعوها بيناتم

البشير يعبي في "مظاريف" عيدية للوزراء والمسؤلين كما نورنا بيها

السيد وزير المالية والغلابة وستات الشاي والعربجية ياكلوا نارم.

الريس قاعد في منصبه حتي انتهاء فترة تفويضه الانتخابي في العام 2015 وبعدها انتخابات ورئيس جديد
ديمقراطية من اراد الرئاسة فليستعد لها منذ الان وقتلعها من المؤتمر الوطني عبر التنافس الشريف اما غير ذالك (فالحشاش يملا شبكتوا)

ولما تفصلوا دارفور وجنوب كردفان والنيل الازرق والشرق كمان ها تصدر عملة جديدة كل مره سودان عمر وخاله سودان مضحك جدا

يعنى مالقيتو الا تغيرو العمله دا الفلحتو فيه ماشيفين الاسعار مرتفعة وماعيزين تعملو حاجه انحنا الشعب مراضين بالعيشه الفقراء يموتو وانتو تعيشو وتعملو الدايرنو
قال عملا قال

جنية ثم دينار ثم جنية واخيرا ريال سودانى:mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :lool: :lool: :lool: :lool: :lool: :lool: :lool:

اجراءات تقشفية لا والله احسن تعطي كل سوداني بعد كدي ثوب كفنة وتقول ليه روح علي طوووووووول علي المقبرة
كم مرة تم تعديل العملة واحد اسبابها جمع العملة للمصارف التي تتفنن في تثمين جيوب الطغمة الحاكمة ومن ثم اين محاربة الفساد وما قلتوا قبل كدي ان نفط الجنوب لا تاثير له النفاق دا حدوا وين يا تري
الله المستعان

تقشفيه بتاع شنو , وهو إنت فضلت فيها حاجه تتقشف ,,, بالله أرحل ونحن سوف نتدبر أمورنا ,, وكفايه ما نهبتموه أنت , وأعوانك ياخى حرام عليكم , والله لم نرى رئيسا أو وزيرا فى كل الحكومات السابقه ,,كان مدنيه أو عسكريه , بنى ليهو عماره , أو أشترى عقارات فى ماليزيا , أو فى دبى ,, يـأخى حرام عليكم أفقرتوا الشعب , وبرضو عاوزين تعملوا تقشف ,, الله يقشفك من الدنيا

كفايه كده كفايه كده خلاص روحنا طلعت

هذا ما كنا نتوقعه في الامس كنت انا وزملائ السودانين في المكتب نناقش الوضع الاقتصادي المتدهور في السودان وتهاوي سعر الجنية السوداني امام العملات الاجنبية واصدار دولة الجنوب لعملته الجديدة فكلنا اجمعنا ان الحكومة سوف ترجع اصدار عملة جديد ولكن للاسف هذا الاجراء ليس الحل لمشاكل الاقتصادية للسودان ., والحل هو ذهاب الحكومة الحالية والعمل على محاربة الفساد المنتشر في البلاد.

اخى الرئيس نحن معك ما دمت قائما بالشرع منافحا عن هويتنا العربية الاسلامية
فخذ من اموالنا ما شئت واترك لنا ما شئت وتاكد ان ما اخذته منا احب الينا مما تركته لنا اعلن التقشف ونحن مستعدون لربط الاحزمة على البطون حتى ينفرج الحال مستعدون للجهاد خلفك حتى احر رجل منا ولا نامت اعين الجبناء والمتخاذلين المخذلين من الرجرجة والدهماء والسوقة

القيفة
انت مدبج ونحن نقاسى برد امشير والموج والزيفة
مركبك الماليها مطارق تمشي تقيف تسرح بى كيفه
مرة مغارب ومرة مشارق وانت تخاف الريح وحفيفه
ساوها زينة وفوقها بيارق وانت مدبج توب وقطيفة
فيها المات والضاربه الفالق والسالمين فى حالة مخيفة

كل الناس ترزح في كفة وانت وناسك فوق الدفة
الدايشين والراسهم لفة والشاخصين فى المدى للضفة
صوف افضالك فوقهم جوة فوق الموية وريقهم جفة
من العطش النص اتوفى وباقى النص الفضل جيفة

ضاقوا المر والحال استعصى الشغال واللاحق الحصة
الواصال للرحم اتقصة والهداي مو لاقى الفرصة
الرساي سافر ما وصى خلى محمد واحمد وحفصة
الاطفال العرفو القصة سدت جوة حلوقهم غصة
من الجوع الدم اتمصة واصبح كل الحلم رغيفة

كل الراكب شاف احلامه دون احساس ماتت قدامه
فنُ كتابه وكسر اقلامه لا الوالدين لا جار ما لامه
ناس الحلة القعدوا وقاموا اصر والح يمشى كلامه
هزموهو اخوانه البى الجوع نامو وكم خريج ما لاقى وظيفة

يا الفكيتها وقلت لها سيرى وعارف انه الدنيا دميرى
لا فى ضفاف لا شفنا جزيرى لا فى الحيرى ولا في الطيرى
كسرت جناحها وقلت لها طيرى اتملكت الكانت ميرى
يا السودت الناصع وجيرى ايد الحق صابونى وليفة

قبلك كم متعلم وقاري عكس الريح فكولو الصارى
مشدوهين متعشى وحارى ريسها شلته والبحارى
كم سنوات علام البارى واقفى وهم شايفنها جارى
بقينا هلاك والقيف متضارى لا حجار لا دوحة وريفة

حسك عينك ما تتمادى وتنسى الراكب عنده ارادة
الاهوال الشافها وخاضها كان فى مدرسة والا عيادة
شفنا الايد الكان اجوادة يا مبتورة يا شحادة
وياما رقاب كانت سدادة علمت الله من التعريفة

يا ريسنا قدر مديرك فك الدفة وادها غيرك
احفظ نفسك ترضى ضميرك وقف اوع تواصل سيرك
كان طاوعتنى شن بيضيرك عرض اكتافك وفك البيرك
لا هنى شكرا وكتر خيرك وكل انسان في الارض خليفة

بس ماتعملو عمله وترسمو لينا فيها كوز كبيييير كده كرهتو الناس عمله وانتو تعملو في العمائل

الجنيه الجديد=100 من القديم =100 الف من القديم جدا

اخى الرئيس نحن معك ما دمت قائما بالشرع منافحا عن هويتنا العربية الاسلامية
( من اقوال المعلق مهند التجاني)
لم يضيع السودان الا لان هناك من يعتقد في صدقية مثل هذا الكلام !!!يا مهند بالله عليك عن اي شرع اقامه البشير ( بل الانقاذ منذ مجيئها) تتحدث!ّ! اما عن الهوية العربية فيجب ان تعلم ان هذه دعوة جاهلية اتي الاسلام ليحاربها فلا رابط بين العروبة والاسلام سوي ان النبي عليه افضل الصلاة والتسليم عربي من قريش لكنه انما اتي للناس اجمعين !لكن قريش ذات نفسها التي انجبت خير البشر قد انجبت ابالهب وبقية اعمامه (ص) الذين لم يؤمنوا به نبيا. وما زالت الامة العربية تتحفنا بين الفينة والاخري برجال من امثال ابالهب اذ ان من ضمن ما منعه ان يسلم هي هذه النفخة الكذابة في الاعتزاز بالرأي والاصرار عليه حتي ان كان خطأ وهو ما نراه ينطبق اليوم علي اهل الانقاذ ومن شايعهم من اهل منبر السلام العادل( الذي يدعي صاحبه بأنه ينتمي الي االعروبة رغم أن كل الدلائل تشير الي ان ما به من الدماء التركية يفوق نسبة العروبةفيه_ وهو ليس عيبا_ اذ انه ليس هناك عرق افضل من غيره فكلنا لآدم وآدم من تراب) اما الاسلام الذي تتحدث عنه فيجب ان تعلم ان ما يقارب من ربع مساحة السودان كان يحسب ضمن بلاد الاسلام قد تسببت الانقاذ في ضياعه. ل ساعدت في ان يكون لاسرائيل وجود علي النيل بالتالي ساهمت في وضع اللبنة الاولي لتكوين اسرائيل الكبري من النيل الي الفرات( طبعا الفرات تسبب صدام حسين في ان يجد لاسرائيل مطيء قدم لها وهو كان يرفع شعار امة عربية واحدة والنيل تسبب البشير وعصابته في ان تجد اسرائيل موطيء قدم لها وهو يرفع شعار لا اله الا الله) لذا ارجوك ان لا تخدعك الشعارات وان لا تصدق بان البشير كما ذكرت في البداية( قائم بالشرع ومدافع عن العروبة والاسلام !!! كلا انهم جميعا ينتمون الي الماسونية وكفي!!!

العملة فى بنك السودان الان هو الدينار القديم 1000 =مائة الف دينار او الف جنية = الف دينار ولاشنو

تااااااااااانى تااااااانى جمهوريه

يا ناس الحقونااااااااااااااااااا

لا اسمع الله لك صوتا بعد اليوم ايها الجزار الاحمق فقد شطرت الوطن وقتلته وكمان مشيت فى جنازته بدون حياء لقد ضيعت الوطن والمواطن وسوف تلعنك الاجيال القادمة الى يوم الدين تف عليك ايها الفرعون الاحمق .

أيها الشرفاء:
لقد خرجنا من المقال اعلاه بالاتى:

1. تغيير العمله: المقصود هناحصر جميع السيوله الموجوده بالسوق وهذا بمثابة ذيادة السيطره على الإقتصاد وتمكين هذا النظام الفاشى. وهذة هى المره الثانيه الا تذكرون تغيير العمله فى العام 1991.

2. ـرشيد الإنفاق: هل يعقل بأن يقبل أحد الانقاذيين بتقليص مخصصاته؟ ناهيك عن الوزراء والدستوريين وبقية المرتزقه كما اننى لا أريد التحدث عن الإنفاق الخاص بجميع من هو من منطقة حوش بانقا.

3. خطه إسعافيه لمدة 3 سنوات: هنالك عدة تأويلات أحدهم أنها بمثابة مخدر للشعب بأن لا يشكو غلا المعيشه لمدة 3 سنوات لأن الوضع حيتحسن بعدها. أو أمهلونى حتى نهاية الفتره الرئاسيه ووضع برنامج إقتصادى آخر به العديد من الوعود الزائفه. وما زال هنالك العديد من التاويلات.

4. بلد من غير زراعه – صناعه – والبترول راح زى ما راح الجنوب – ومشروع الجزيره تحول الى مزارع تسمين عجول للمتعافى – والصمغ العربى أصبح زكرى – وقطاع مصرفى يتحكم فيه عصابات من الفلسطينيين والأجانب – وليس هنالك صادرات توفر عملات حره لدعم الإقتصاد.

ومع كل ذلك ماذا تنتظرون هل تتوقعون أن تمطر السماء ذهباً أو أنكم تصدقون كلام البشكير دا….

لا يغير الله ما بقوم حتى يغيروا ما بأنفسهم – من الأفضل أن تتركو التعليقات وأن نقوم نشوف لينا حل من الجماعه دييييل ونبنى وطن

قال البشكير الفسفورى الكضاب السفاح وخادم الصهيونيه ان الحكومة ستطرح على البرلمان اجراءات تقشفية لتعويض فاقد الايرادات النفطية بعد انفصال الجنوب وستصدر عملة جديدة.) كدى اسال وداد بابكر اذا كان بتقدر على التقشف ….. العب غيره يا خادم الحراميين

بيكون خالو قال ليو الجنيه دا بيذكرني الجنوبيين لازم تغيرو هسة . ثم تقشف شنو ما نحن متقشفين طبيعي ولا قايل نفسك رئيس اليونان انت عارف انو اليونانيين بعد ما يطبقوا عليهم سياسة التقشف حيكونو عايشين زي الكيزان عندنا

البشير ياحقير تقشف قبلك نميري الراجل الوطني اللي كان بيخاف على البلد قال قشف وشلناهو تجي ياحقير ياللي مابتسوى جزمة نميري تقول تقشف وعايز تمنعنا الاكل والشرب وقضاء الحاجة ماحزرت ياحقير بعد ماسرقت الوطن وقسمته عايز تختها فينا لو راجل خلي علي كرتي حرامي الحديد والاسمنت يدعمنا ولا المتعافي بي شركاتو ولا وزير المالية الحرامي ينهب قروشنا ويعالج بيها اضنين اولادو يابشير ياجزمة ولانافع يبيع قصر من قصور الموزعها على نسايبو ولا خلي وداد تتشف في منتجعاتها في ماليزيا وحوش بانقا بتاعك ياحرامية ياحثالة ياجزم عايز تمنعنا الاكل والشرب وانتا تعيش مرتاح في الحفلات وترقص وتقسم باقي الوطن ياعالم الراجل دا لازم يموت

والله انا شايفة انو مافي داعي لتغيير العملة خاصة انها تغيرت قريب والمفروض المليارات البتندفع في التغيير يتعمل بيها حاجة ترفع اقتصاد البلد شوية او دعم المؤسسات التعليمية والموسسات الحكومية بدل هدرها ساي في حاجات ماعندها معني

يعني تقشف اكتر من النحنا فيهو ده ؟؟؟؟؟؟؟؟؟؟؟؟؟؟؟
المويه جمره خبيثه
الكهراء جمره خبيثه
العيش عشره ما بتسد جوع طفل صقير
المواصلات دفس ورفس عشان السواقين خلو السواقه من البنزين الغاااااااااااااااااااااالي
الخدمات العامه معدومه
العلاج كان ما عندك قروش تموت فطيس
التعليم كل يوم ماشي لي ورا
العطاله كل يوم بل كل ساعه بذيدو
وبعد ده يقول ليك تغشف :mad: :mad: :mad: :mad: :mad: :mad:

الجمهورية الثانية==والدولة العربية نقية العنصر والدرهم والدينار وووو هل يوجد جاريات وغلمان ورقص هههههههههههههه مهازل والله امش اقعد فى حوش بانقا بتاعك ده وشوف ليك غنم ارعاهم قال دولة اسلامية قال ==جلد بنات الناس ونهب الشعب من اخوك ومرتك واهلك وجاى تقول اسلامى ياخى روح جاك بلا

كر … عمله تاااااانى

تنام كأنما المأساة ليست بعض مأساتك
ايا متشقق القدمين أيا عبد إنفعالاتك
متي تفهم؟ متي يستيقظ الإنسان في ذاتك؟

لعل أبيات نذار قباني التي اوردتها من غير ترتيب توجد بعض السلوي في نفوسنا الكسيرة بفعل الإنقاذ ، وعوداً للموضوع ومع يقيني بصعوبة الإدراك عند البشير وبرلمان حزبه استميح الاكارم عذارً بل وانشد مساندتهم لي في إطلاق "زفرات حري" خاصة مناشدين البشير بأن يجعل الأمر كذبة أخري هذه المرة أيضاً وذلك جرياً علي سنة الطيب مصطفي عندما ناشد إبن أخته "ان يجبن هذه المرة" .إذ لو قدرأن يوفي البشير، بما وعد فستكون تلك لعمري "ميتة وخراب ديار" لما تبقي من السودان لأن تكلفة طباعة العملة المتداولة حالياً قد بلغت زهاء 150 مليون دولار حسب ما أفاد به محافظ بنك السودان وقتها صابر محمد الحسن في جلسة مجلس وزراء حكومة الجنوب في العام 2006م.
وإذا قبلنا الرقم علي علاته مع فارق الخمس سنوات وما جري من مياه كثيرة تحت الجسور خلال هذه المدة من أزمات هزت أعتي إقتصاديات العالم في أمريكا واوربا وإفلاس دول ودول أخري تستجدي المساعدات المالية وإنفصال الجنوب الذي ترتب عنه ذهاب 25% من مساحة السودان 75% من موراده "مع المفارقة المبكية الكامنة في حاصل جمع النسبتين"، فمن أين للبشير توفير هذا المبلغ بعد ان إفرغ الفساد والمحسوبية ميزانية الدولة وافرغت الضرائب والجبايات والمكوس جيوب العباد حتي صارجلنا عاجزين حتي عن أطعام أنفسهم لولا رحمة الله.
لم اري تخبطاً مثل تخبط المشير، بالأمس يستجدي "شوية دولارات يا مغتربين" واليوم تأخذه العزة بالإثم ونكاية في الجنوبين ليقرر فجأة طباعة عملة جديده تضيف رهقاً آخر علي خزينة الدولة وب 150 مليون دولار ويزيد! من يوقف هذا العبث وهذا الارعن؟ نسألك اللهم اللطف بالسودان واهله.