عليها ان تعترف بفشلها وعدم قدرتها علي الشغلانيه دي.. وزير سياحة : على سودانير ان تكون لديها الشجاعة الادبية والمهنية وان تنسحب من الأجواء
بورتسودان/محمود ودأحمد:
طالب وزير السياحة بولاية البحر الاحمر عبدالله كنة «سودانير « بالانسحاب من عمليات الطيران ،وانتقد تكدس المسافرين بمطارات القاهرة وبورتسودان .
وقال كنة في مؤتمر صحفي امس، انه يتوجب على سودانير ان تكون لديها الشجاعة الادبية والمهنية وان تنسحب من هذا المجال ،مشيراً للتكدس الحاد امس بمطار بورتسودان، الامر الذي دفع بسلطات الولاية لخلق بدائل عاجلة للناقل الوطني سودانير خاصة وان الولاية مقبلة علي موسم الحج ومهرجان الولاية السياحي بمدينة سنكات .واضاف الوزير ان السياح هم من طالبوا برفض الناقل الوطني سودانير.
وكشف الوزير ان ولاية البحر الاحمر تستقبل اكثر من 3 آلاف سائح سنويا «يأتون للغطس» ،مبيناً ان فترة السياح قصيرة ولا تتعدى الاسبوع الواحد .
ورأى الوزير ان الكرة الآن في ملعب سودانير «وهي حقو تقعد مع نفسها ومافي داعي لزيادة معاناة المواطنين» ، وتابع بالقول ،»حتي ناس الخرطوم ذنبهم شنو يقعدوا يومين ينتظروا سودانير، وعليها ان تعترف بفشلها وعدم قدرتها علي الشغلانيه دي».
ولوح الوزير برفع الامر للطيران المدني لخلق بدائل او حلول عاجلة لهذه القضية.
من جانبه، ايضا أكد ممثل وكالات السفر والسياحة ببورتسودان وجدي البربري ، ان هذه المعاناة تتكرر لاكثر من عشرات السنين ، موضحاً ان الولاية الان تختلف عن بقية الولايات لاعتبارات السياحة والحج .
الصحافة
ذهبت الي السودان الشهر الماضي ولم يكن هنالك طيران فشاء حظي العاسر ان احجز علي الخطوط السودانيه وبدت معاناتنا بالجلوس في مطار ابوظبي لاكثر من 18ساعه وبعدها لم تحضر الطائر الا بعد يومين عانينا فيها كل المعاناه والغبن حين يسخر ضباط المطار الزول شكلو نام ونساكم
المهم في الامر بعد ان وصلت الي السودان ذهبت لاسترد تزكره العوده واخذ جزء من دراهمي لانني نويت انا لا اعود بالسودانيه مره اخري فقد افقد وظيفتي اذا تاخرت يومين ذهبت وجدت مبني ضخم وبها الكثير من الموظفين
استغربت كل هذا المم الهايل لاداره طايره واحده .
3 آلاف سائح سنويا «يأتون للغطس»
ما بنعرف نستفيد من مواردنا، سياحة بتاعة ايه في ظل الانقاذ، وسودانير دي بجحة وجريئة وعينها قوية كمان قال شغالة وطايرة لسة ، خليها تعدم الشعب الفضل نفاخ النار وبعدين تعترف بفشلها، بلا سودانير بلا قرف، خلونانشوف مظاهراتنا وثورتنا وصلت وين….
يا اخوانا الفضل شنو في السودان شغال مشروع الجزيرة وسودانير وتكفل بتدميرهم الشريف الله لابارك فيه حيث انه الة دمار شامل لم يكلف يشي وخرج منه سالما ولا يتركه الا جنازة بحر وكذلك السكة حديد التي سرقت قضبانها والنقل النهري والخطوط البحرية التي بيعت بواخرها ومصانع النسيج التي اغلقت واصبحت حديد خردة لايوجد شي في السودان الذي اصبح خرابة ينعق فيها البوم وكل ذلك بفضل هولاء الذين اعتبروا السودان غنيمة فاستباحوا كل شي حتي الاراضي بيعت للاجانب والميادين العامة وزعت للمحاسيب واصبحت غابات اسمنت ان ما نعانيه اليوم هو جراء ما فعل السفهاء0
طول عمرها سودانير غير منضبطة فى مواعيدها منذ عشرات السنين وهذا ليس بجديد فقد تعودت ان (تخلف موعدها )مع كل مطارات العالم !!! فى مرة من المرات القليلة التى امتطيت صهوة سودانير سيئة السمعة وكانت اخر عهدى بها فارقتها بالتلاتة قالوا لينا المطار الساعة 6صباحا مشينا وعملنا اجراءات الوزن واجراءات الجوازات وجلسنا فى صالة المغادرة فى انتظار النداء للذهاب الى الطائرة وفرد قعدة حتى الساعة اتناشر ظهراء تم النداء بالاستعداد للتوجهه الى الطائرة وهاك يا وقفة قدام البوابة بعد شوية قالوا اقعدوا لحدىما ناديكم تانى تصور قعدنا حتى الساعة9مساء حتى ركبونا الطيارة الساعة اتناشر منتصف الليل تعرفوا سبب التأخير شنو؟عرفناهو و ونحنا جوه الطيارة.(ال………) السبب يا سادتى يا كرام:- بينما يستعد الركاب لصعود الطائرة جا وزير واخد الطيارة ودون ان تمنحه موعد سابق واصطحبها فى رحلة داخلية للفاشر( تشارتر)ولا ما عارف وداها وين المهم بقولو ودت سيادتو للفاشر (علمه عند الله ) ونحنا انتظرنا لحدى ما رجعت ؟ ألم اقل لكم انها سيئة السمعة !!تخيلوا؟الامر الثانى وهذا تفاقم فى عهد الفساد والافساد ان الشركة تعانى من مشكلة صيانةاضافة الى مشكلة رسوم المطارات الاخرى والتى لن تسمح لها بالهبوط فى مطاراتها لعدم تسديد ما عليها من ديون فيما يتعلق بالوقود والكيترنج واشياء اخرى باختصار هى (هيئة) سيئة السمعة
————————— كسرة على قولة ساخر سبيل
والسؤال ليك يا جبرة
اخبار خط هيثرو شتو؟ (عارف) ولا ما (عارف)
كان ينبغي القول:(وقال كنة في مؤتمر صحفي امس، انه يتوجب على الحكومة ان تكون لديها الشجاعة الادبية والمهنية وان تنسحب من هذا المجال ،مشيراً للتدهور الاقتصادي الحاد الذي “يعيشه السودان، الامر الذي دفع “بلصوص المؤتمر الوطني” لرفع الدعم عن المحروقات لخلق بدائل عاجلة للاقتصاد الوطني خاصة وان السودان مقبل علي ثورة عارمة تجتاح كل المدن .واضاف الوزير ان المواطنين هم من طالبوا برفض الزيادات واسقاط حكومة المؤتمر الوطني).
عينك للفيل وتطعن ضلو؟؟
والله كلامو شجاع لان انا مشيت قبل ثلاثة اشهر لكي اقضي شهر العسل هناك وجدت طيبة ورقي هؤلاء اهل البحر الاحمر . هذه الولاية لو وجدت تفكير سليم لتاتي باموال صعبة لاهل هذه الولاية الطيبين. اسال الله ان يعطيهم كل سبل الراحة يارب. والي الولاية بالرقم انه كوزقدم بعض الاشياء للمواطن هنالك . فقد تنعدم في جميع ولايات السودان الاخري بالرقم انا اكره حتي لو اخي من هؤلاء الكيزان. الولاية تحتاج لي تفكير استراتيجي بعيد المدي لكن بنعدم في حكومة العميانين. سودانير ينقصها الكادر المؤهل والادارة المؤهلة ليس راس المال . فاشجع كل اخواني في الداخل والخارج لكي يمشوا هنالك . كمية اسماك بما
سودانير الان مديرها فى الرياض والمنطقة الشرقية ابو شنب المراسلة بمكتب الحجز المركزى بالخرطوم فى نهاية السبعينات يفهم فى الطيران اكثر منه .كيف تنجح؟
والله العظيم أسوا خطوط ونصابين وحراميه …انا قاطع للوالد والوالده تزاكر علي اساس طائره الجمعه13/07/2012..وعندما ذهبنا ناكد الحجز يوم الخميس قالو طياره ماف اضطريت قطعتا تزاكر في ناس بي ضعف المبلغ…ربنا ينتقم منكم يارب…لييييييييييييييييييييييييه كل الخطوط منظمه وملتزمه الا الخطوط السودانيه؟؟؟؟؟؟؟؟ الانسان البمشي عدييييييييل ربنا بعدل خطواتو…قفلوها وتاني تووووووووووووبه منكم.لكن ليكم يوم ياكيزان وهااااااااااااااااانت ….
الله اكبر …. كدة الحكاية كملت
انا مغترب منذ 14 سنة و سافرت بسودانير مرة واحدة -الذهاب لاول مرة -و شفت فيها العجب و العجيب من تاخير و سوء معاملة و استعلاء و ازدراء من الطاقم و المضيفات الما مؤدبات — و منذ ذلك الحين سافرت 7 مرات بدون سودانير و كنت انصح المسافرين الذين اعرفهم كرامتك قبل دراهمك
السلام عليكم ورحمه الله تعالى وبركاته
اقفو بجانب سودانير في هذه الأيام وهي تستعد قوتها من جديد بعد اجراء الصيانه الدورية لها وهذا من متطلبات السلامه الجوية وذلك حفاظا على سلامه الركاب والطائرات
سودانير دلئما في خدمه السودانيين والمغتربين في الغربة وتمنحهم اسعار تشجيعية لهم ولا لاسرهم كمان تعطيهم اوزان زياده في العفش
ونشاء الله في مقبل الايام القادمه تشهد سودانير عهد جديد من التطور كونو مع سودانير
بلا ناقل وطني ولا جن ده سوق أما تشتغل زي الناس أو تنسحب
سودانير مركز فساد أكثر من أي مكان آخر
سمعت انو بسمو طائرتها (الملكة)..تقوم وتجى على كبفها ،لا برنامج ولا يحزنون بالمزاج وحسب الظروف
So
We should abandon Sudanair just like that. Yakhi habe sme nationalistic pride and admit that this statal corporation with a very strong history in aviation was destroyed by the Inqaz. Yakhi put it in hibernation, this way they want to destroy it by liquidation. We will never get what was stolen if we let this happen.. The heathrow line ppl. Through corruption we will lose a revenue generator to the country. PPlease stand by Sudan air, even if it is a bad airline, it can be better with better management but do not allow it to be liquidated.
السودانية أستسلمت وسلمت أوراقها لمفتى الديار