قصيدة .. مواطن حر

انا ما مواطن حر
جواى حرية مابيمنعها السجان
زاكرتى وطنية مابيطمسها النسيان
وياوطنى ياسودان
مايغشى ارضك شر
وياشيخنا يا مافون
هزا البلد مامون
لملم عقابك وفوت
قول لى جدادك كر
انا جز من سودان
كان فيه مليون ميل
بى فكرك الهدام
بدلت نوره ظلام
اتشظى واتبعثر
انا مامواطن حر
لى بلدى شايل دين
فى قلبى قبل العين
وديته حقنا وين
ماليزيا ولاقطر؟
فينى النضال مشروع
ضد الفقر والجوع
شايل كفاح وافكار
وثقافة لى اجيال مافيها(لحس الكوع)
بالله يا مهووس اترقى اتحضر
ملعونة ياخرطوم
فيك ساسة الغفلة
عاملين كروش وجضوم
مثنى وثلاث ورباع
حق اليتيم مهضوم
هزا البلد منكوب
هزا الزمن اغبر
باكر صباحنا جيد
والايد تشد الايد
همة وعزيمة حديد
تبت لحكم الفرد
سحقا لحكم السيد
وياالامنجى الرعديد
ضد شعبنا الصنديد
باكر فى زاك اليوم
مابنفعك يابوم
لادوشكا لاتاتشر
ويبقى الوطن عالى
وفى كل يوم اكبر

محمد ابراهيم
[email][email protected][/email]