■■■■■
مركب الثورة إتسرق
خلوهو طاشي مع الرياح ..
والكانو سمحين في القيادة …
الليله فاتو مع الصباح ….
من غير مواعيد أو زمن
خلونا نبكي نزيد صياح..
عصابه مابتعرف وطن .
مهمومه بالموت والجراح…
لا ليها دين لا ليها رب ..
زي الكلاب وقت النباح..
لا عرفو صوم لا حسو عيد …
لاكسرة لاحلة ملاح…
واتغابو ان الثورة نار ..
تحرق دقون الانبطاح..
وانو الدرب مهما صعب..
ثوارنا زايدين في الكفاح…
🇸🇩🌹🇸🇩🌹🇸🇩
جماعه من آخر زمن..
خلونا نبكي علي الوطن …
ااااه ياوطن..
كلك محن…
مكتوب عليك الفتن…
والحقد في الأعماق سكن…
في كل أنحاء البلد..
كلامنا في الخرطوم رطن..
كلما نقول الثوره جات
تملانا بالالام حزن…
وااااااه ياوطن
🇸🇩🌹🇸🇩🌹🇸🇩
الليله نقراهو الكتاب..
ملينا من كتر العذاب..
آمالنا تظهر زي سراب..
خلونا بس دايما صحاب.
نفتح سوا للنصر باب…
نخضّر القفر اليباب. ..
وشعارنا أنهضو ياشباب
وشعارنا انهضو ياشباب! !!!!
🇸🇩🌹🇸🇩🌹🇸🇩
✒️د.كمال الدهنون
مارس ٢٠٢١
