هتفوا «الشعب يريد تغيير النظام» و«حرية.. حرية»…الطلاب يتظاهرون في بورتسودان مطالبين بتغيير النظام

لماذا ايها الشعب هذا السكوت على الظلم الحاصل ؟ولى متى ؟ولكن باذن الله سوف يسقط النظام .لي بتين الكيزان يكونو بيشلو قروشنا كانو حقت الي خلف ابوهم.
****الشعب يريد تغير النظام*** حريه حريه…..

مافى داعى نعيش
*******
تَعْرف متين مَنْطِق مافيش
ومافى داعى تعيش؟

لَمَّا يِحْكُمَك الفى الإنسانيَّه الطِّيش
يِنْهَب خيراتَك يِعَدِّمَك الحَرابيش

وإن دُرْتَ بى حُريَّه وكَرامَه تعيش,
يِكَتِّمَك النَّفَسْ يِكَتِّفَك بِى كَلابيش

ويِنفيك مع الحَرافيش

يعَذِّبِك بالكهْرَبا وضَرب الخراطيش
يِحْرِمَك من لُقْمَة العيش

يِبِقِّى الدُّنيا فى عيونك بِيش

مامجنون بالعَظمَه, السَّادِيَّه والتَّلبيش
ومعَقَّدْ لأنّو الطِّيش

والمَفْروض قَدُرْ مايِعيش
يِنْضَرِب بالبَراطيش

وبَرْضو يِهْتِفو زَبانيَة الدّرْويش:
بالرُّوح بالدَّم نَفْديكا يادرْويش
والمابْدورك مابِسْتَحق يِعيش!

الخلاص مِن جِنِس دا يابريش
دائر حَرَكات جيش
مابِجى بى ياخوى ومَعَليش

دا لازمو كُلَّنا نَنْفُش ريش
وإتِّحادْنا قُوَّه مَثيلا مافيش
تَبْقى جَوّانا حَقيقه تعيش

بيها نهِدْ الطِّيش
وعِصابةْ الطِّيش
نحَطِّم كُل الكَلابيش
ياهو دا الكلام الكَبيش

يانِنْتَصِر أو مانعيش
ياهو دا الكلام الكَبيش
*************
عاطف كمال الدين
شاعر ثورة السودانيين

الإنْقاذْ" الكاذِبْ
********
بِإسْمِ الله
وكِتابِ الله
قال هِيَ لله
… هِيَ لله
لالِلْسُّلْطَه ولا للجَّاه

وجَا "الإنْقاذْ" الكاذِبْ وأمْكَرْ
هَلَّلْ وكَبَّرْ
خَدَعْ الشَّعْبْ وخَدَعْ العَسْكَرْ

إغْتَصبْ السُّلْطَه إتْحكَّر
علينا إتْسَلَّط إتْجَبَّرْ

لي كُل إجْرَاء صَعَّبْ, مايَسَّرْ
وغَلَّي الجَّازْ غَلَّي السُّكَّرْ

بي نَهب مُقَنَّنْ لينا أفْقَرْ
جبايات, اتاوات فيها بالغ كَتَّرْ

ووين الخدمات ؟ أبَدَاً مافَسَّرْ

فى القاذورات نِتْعَثَّر
والصَّرْفْ الصِحِّي آسِنْ مُنْكَر
من القَذاره أقْذَر
************************
لا لي رَوْعة تَنوُّعْنا قَدّر
لا في بديع ثقافاتنا إتْفَكَّر
بل ليها أنْكَرْ, إتْنَكَّر

لي صَفا علاقاتنا كَدَّر
قَبَلِيَّه, جَهَويِّه وتَطَرُّفْ مُسْتَنْكَر
في عهدو فاض إتْفَجَّر

لأوْصال الوطن بَتَّر
وأضْعاف ماعَمَّر
رَمَّلْ, كَسَّر
ويَتَّمْ, دَمَّر
**********************
لي شَرْعْ الله شَوَّهْ حَوَّر
فى الإنْتِخابات غَشَّ وزَوَّر
ولأساليبْ الفَساد نَوَّع طَوَّر

لي كرامتنا مَرَّغْ عَفَّر
لا لي كبيرنا وقَّر
لا علي صغيرنا حَنَّ او قَدَّر

ذَلَّ بناتنا
ودا الذُّلْ الأكْبَر

لا بيُغْتَفَر, لابِتْجَبَّر
**********************
ياكِبْرياء الخاطر الإنْكَسّرْ
تاني مابِتْجَبَّرْ:

مُنانا نَحْضَرْ
فَجْر الحُرِّيَّه الأخْضَر

ويالعُمُرْ الكُلْ مابتَكْتَرْ
بِتِتْقَصَّرْ:

زَمَنَّا مِنُّو أكْتَر
وَلَّي وادْبر
في عهد الباغي الاكبر

وأمَلْنا يازمن تَقْدَرْ
ترحم شعب أَقْبَلْ من وادي عَبْقَرْ
وحَطَّمْ موانع أقْوَى وأكبر

بَسْ من عِقْدين أَكْتَر
حكمو كيان غريب أغْبَرْ
************************
عاطف كمال الدين
شاعر ثورة السودانيين

التَّار, التَّار
*******
قاعِدْ غَريبْ الدَّار
أنا وأمْواجْ غَضَب هَدَّار
أنْدُب زمن غدَّار

مُسْتاء مُحتار
وقَلْبى مُوقِدْ نار

متين ياربي ناخْد التَّار
من شِرْذِمَه ألْعَن من التَّتار

عَدَّمو بلدنا نَفَّاخ النَّار
عَذَّبو شّعْبها ليل ونهار

وأدّوهو غَلاء الأسْعار
وماهِيَّه مابتكَفِّى الإيجار

إضْطِهاد للشَّعْب, إسْتِغْلال وإستِهْتار
ده شرْع الرَّب ولاَّ إسْتِعمار؟

دَمَّرو جَامعاتْنا, التَعْليمْ إنْهار
فَشَّلو مُعْظَمْ أولادْنا الكانو شُطَّار

بِيئَتْنا قَرَفْ مَرَضْ وغُبار
ولادِرْهِمْ وِقايَه, لاعِلاج قُنْطار

وأموالنا وَرا الأنْظار
تتبَدَّدْ إخْتِلاسات, رشاوى وإسْتِئْثار
*****************
أرَحْ نِتْحَزَّم وبي إصْرار
ناخْد التَّار

قَضيَتنا سِلاح بَتَّار
وعزيمَتنا مابتِنْهار

نِنْتَصر لِلْماتْ مَقْهور مُنْهار
شَكاهُم للقاهِر القَهَّار

لِلفَلَّس باع من الهِدِم لِلدَّار
وللإتْشَرَّد وين يِنْجَم صِبِحْ مُحْتار

للجَّاع مالاقي كيلَه لاقُنْطار
للضَّاع وجَنَّ دَقُّولو الطَّار

للقِنِع طَشَّ هاجَر وطار
ولي اللِّسَّه بموتو بالملاريا, وأبو الفَرَّار
******************
عاطف كمال الدين
شاعر ثورة السودانيين

يارب انصر الشعب السوداني
المغلوب علي امره علي حكومة بني صهيون

ااااااااااااااااااااااامين

ماذا الغيث فى اوائله

اعفوا لم اذكر قائل الابيات وهي للشاعر عبدالرحمن صالح العشماوي مع بعض التعديل

فلتذهب اللانقاذ غير مأسوف عليهافادة تمتعوا بالنعيم والخدمات في عهد تلمذتهم وافقروا الطلبةوجعلوهم اذلة فرغم الراحة التي منحها القذافي لشعبة ثار بعضهم ضده فما بال من صنعته الخصخصة وابعاد غير الموالين له من العمل كسب الرزق :lool: ( ) ( ) ( ) ( ) ( ) ( ) صاحب الصورة سيندم —— لظلمه سيندم ——-والوطن سيسلم

فاليدهب نظام الاخواااان المسلمييين – الكيزززززاااااان – الي الجحيم

الشعب يريد اسقاط النظام يريد اسقاط النظام

يا جماعة صورة الكجرتجيبو ها لينا في الراكوبة . وقوليهم البشتنة ما بتنفع بكرة ندخلهم كوبر ونحاكمهم . تشربو من نفس الكأس الذي شقيتو بيهو شعبنا
إلي الامام .ثورة ثورة ثورة

ما حث في مصر وليبيا سيحدث في السودان ويكنس الجميع وحتى الصادق ان حاول التخذيل
السقوط آت
النيل بيهدم كل رخو على الجروف

لقد دقت ساعة التغيير . . . وهبت رياح الحرية يا أهل الشرق ويا أحفاد المجاهد البطل عثمان دقنة . . . لستم وحدكم في ساحة التغيير لنظام البشير ولكن هناك الملايين من أبناء الشعب السوداني والذين يواجهون أوضاعاً قاسية لا يستطيعون الحركة ناهيكم عن هتافهم باسقاط النظام . . . والآن تتدافع قوافل من عصابات النظام الى دارفور وكردفان وفي معيتهم أصحاب المصالح الشخصية وكل مايهدفون اليه حق أريد به باطل . . . فعلينا أن ندعم الثوار الأحرار ولو بأضعف الأيمان بالكلمة التي توحد الأرادة وبالأسلوب الذي يجمع ولا يفرق خاصة أن سواد الشعب السوداني لايختلف على فساد وظلم وتسلط النظام الحاكم في السودان . . . وأعوذ بالله من شر ما خلق .

كم ضابطا لايرضي بما يجري ؟
كم ضابطا مستعدا لاستلام السلطه منهم ؟
كم ضابطا يمكنه ان يضحي بنفسه لينقذ شعبه ؟
كثر مستعدون لافتدائكم يا شعبي فقط يريدون شرارة منكم
بعد ان تتحركوا بجد واجتهاد سيكون الجيش هاجس الانقاذ لانه مغيب مهمش
ولن يكون الجيش معهم ضدكم بل سيكون شاغلا مزعجا لتفكيرهم
اتعلم يا شعب ان كل المفاتيح في يدك وتنتظرك ان تتصرف
وليتك يا شعب ان تتصرف بسرعه

غيرت غيرت