مصطفي عثمان إسماعيل : جميع الخيارات مفتوحة للرد على عدوان الجنوب
أ ش أ
أكد الدكتور مصطفي عثمان إسماعيل مستشار الرئيس السوداني ورئيس قطاع العلاقات الخارجية بحزب “المؤتمر الوطني” الحاكم ، أن كل الخيارات والسبل مفتوحة أمام السودان لرد العدوان الذي نفذته “الحركة الشعبية” بدعم من حكومة الجنوب علي منطقة بحيرة “الأبيض” بولاية جنوب كردفان أمس الاحد .
وأكد مصطفي في تصريحات صحفية يوم الاثنين أن حكومة الجنوب تتحمل المسئولية كاملة عن هذا الهجوم ولا تستطيع أن تتنصل عنه ، وأن جميع الخيارات متاحة للسودان للرد علي هذا الإعتداء ، بما في ذلك الخيارات العسكرية والسياسية والأمنية .. وقال “إن علي حكومة الجنوب أن تتوقف عن النفي والكذب وأن تعترف أن كان لديها الشجاعة وتتحمل كافة التبعات والمسئولية”.
وأوضح أن هذا الهجوم سيزيد من التدهور في العلاقات المتوترة أصلا بين البلدين .
وأضاف مستشار الرئيس السوداني “إذا كانت دولة الجنوب تريد أن تعالج القضايا العالقة بين البلدين في إطار الحوار ، فعليها أن تعترف بالواقع الموجود والذي يعرفه الجميع” .
وتابع قائلا “سنتبع كافة الخطوات ولا يوجد بالنسبة لنا مسار مغلق وسنتقدم بشكاوى لمجلس الأمن والإتحاد الأفريقي كما فعلنا من قبل وللجنة التي من المفترض أن تراقب الإتفاق الذي تم التوقيع عليه مؤخرا بين البلدين بعدم الإعتداء علي
الحدود” .
وقال اسماعيل “إنه تم الاعتداء علينا وسنرد هذا الهجوم بدون شك دفاعا عن أرضنا وكياننا” .
وكالات
البيان رقم (1) من تحالف الجبهة الثورية السودانية
نشر بتاريخ الإثنين, 27 شباط/فبراير 2012 08:49
فى اول اتصال مع القائد عبدالعزيز آدم الحلو بعد انتهاء معركة جاو بين قوات القيادة العسكرية المشتركة لتحالف الجبهة الثورية السودانية بعد ان استولت على منطقة جاو الاستراتيجية فى فاتحة معارك الجبهة ضد قوات المؤتمر الوطنى الجارية منذ الخامسة صباح هذا اليوم الاحد 26 فبراير 2012 م فى منطقة جاو بجنوب كردفان ، و تحصلنا اخيرا بعد حسم المعركة من القائد عبدالعزيز الحلو على التفاصيل الاولوية من الانتصار الكبير والذى كان يعتبر دعم معنوى كبير للقوات المشتركة فى اولى معاركها الحقيقية .
ويعتبر هذا الانتصار ايضا دعم كبير لقوى التغيير بالداخل باعتبارها واحدة من الجبهات الهامة التى تسند المجهود العسكرى بالعمل الجماهيرى فى اطار التنسيق بين العمل العسكرى والمدنى والشعبى بالداخل .
نملك ادناه لقواعد الجبهة الثورية السودانية بالداخل والخارج ولعموم الشعب السودانى المتعطش للتغيير بعض تفاصيل المعركة على ان نزودهم بالتفاصيل الكاملة عند انتهاء الحصر الكامل فى الساعات القادمة ان شاء الله :
? تدمير لواءين تدميرا كاملا والاستيلاء على كل المعدات والعتاد العسكرى السليم
? خلفت المعركة اعداد هائلة من القتلى والجرحى جارى حصرها حتى الان ، مع فرار من تبقى حيا من افراد جيش ومليشيا المؤتمر الوطنى فى اتجاهات ومسارات مختلفة
? الاستيلاء على 3 دبابات بحالة جيدة
? الاستيلاء على 7 مدافع 120 ملم
? الاستيلاء على اكثر من 140 عربة معظمها صالحة وبحالة ممتازة
? الاستيلاء على اكثر من 300 دوشكا
? جارى حصر الاسلحة الصغيرة والمدافع الاخرى وسيتم الاعلان عنها لاحقا
تؤكد الجبهة لجماهيرها انها ولدت باسنانها وانها افقدت حكومة المؤتمر الوطنى توازنها فى اول اختبار لها ونعد جماهيرنا بان الانتصارات ستتوالى فى الايام القادمة وتتوقع منها عمل جماهيرى مساند لجبهات القتال حتى نعجل جميعا برحيل هذا الكابوس الجالس على صدور الشعب ما يقارب ربع قرن من الزمان
ابوالقاسم امام الحاج
امين الاعلام والناطق الرسمى لتحالف الجبهة الثورية السودانية
الاراضى المحررة
الاحد 26 فبراير 2012 م
التاريخ: 26/2/2012م
قوات الجبهة الثورية السودانية تحطم احلام البشير فى بحيرة اللبيض.
استطاع الجيش الشعبى لتحرير السودان-شمال بالاشتراك مع قوات العدل والمساواة السودانية فى صباح اليوم 26/2/2012م من تدمير اكبر قوة لنظام المؤتمر الوطنى فى بحيرة اللبيض القريبة من الجاو بولاية جنوب كردفان/جبال النوبة وكبدتها خسائر كبيرة فى الارواح والاليات والمعدات العسكرية وتشتيت افرادها البالغ عددها 6000 فرد و تم تحرير بحيرة اللبيض تماما من دنس قوات المؤتمر الوطنى.
هذا وقد تم الاستيلاء على عدد ثلاثة دبابة، اكثر من 200 مدفع دوشكا ، 7 هاون 120مم ، اكثر من 30 مدافع مختلف من اس بى جى ، 106، بى-10 واكثر من 200 عربية مختلفة ،وكميات من الاسلحة الخفيفة والذخائر والدانات جارى حصرها حتى لحظة كتابة هذا البيان ويؤكد ما ذكرناه فى البيان السابق ان امدادنا العسكرى نتلقاه من قوات المؤتمر الوطنى.
هذه اول عملية مشتركة لقوات الجبهة الثورية السودانية بعد اعلانها للهيكلة وتعتبر رسالة وانذار اول لنظام الخرطوم وان المرحلة المقبلة سوف تشهد انتصارات كبيرة ضد قوات ومليشيات المؤتمر الوطنى فى الجبهات المختلفة ووقتها لا ينفع البكاء والدموع التى يذرفها الصوارمى خالد سعد وطروجى فى مرمى النيران.
أرنو نقوتلو لودى
الناطق الرسمى للحركة الشعبية لتحرير السودان .
هؤلاء هم احرار السودان الذين نعتهم بالشحاذين
هؤلاء من الجبهة الثورية
لا ترموا فشلكم في جنوب السودان
وقلتوا يا معارضة الفنادق اطلعوا الشارع
وقلتوا الحسوا كوعكم
والان دوركم جاي و مافي مغفل مستعد للدفاع عنكم
والي الامام فاكتب يا تاريخ
ههههههههههههههههههههههههههاااااااااااااااااااااااااااااااااااااااااا
الشكيه لغير الله مذله
وبعدين تعالو انتو بس كلما يعصروكم تبكو وتقولو جنوب جنوب جنوب بالله اتركو الاخوة الجنوبين كما تركوكم والكلام التقول فيهو ده ما كلام زول مسئول كلام زول فاقد بوصله . وبعدين الجنوب يعمل معاكم علاقات لشنو يا نهب يا شرزذمه انتو النهبتو الجنوب
وأن جميع الخيارات متاحة للسودان للرد علي هذا الإعتداء ، بما في ذلك الخيارات العسكرية والسياسية والأمنية ..بالله عليك الله شوف قمه الجهل. بالله كده نشوفك يا شاطر
جبهة ثورية قال بعد شوية يا ابوالقاسم و يالحلو بنسمع نداءاتكم للمجتمع الدولى و بنسمع الرووووووووووووووووووووب زى ما سمعناها فى النيل الازرق.
الشحاد مصطفي عثمان اسماعيل المره دي تمشي تحارب انت وبقية الفي الحكومه الشعب تاني ماداير شهداء الشهادة والجنه دي انتو مادايرنها وجيشنا جيش الخنا ده ان شاءالله اي حرب داخليه يخوضها ينهزم شر هزيمه هذا الجيش الذي لم يحارب منذ الاستقلال الا شعبه
انتم رفعتم شكووى لمجلس الامن الدولى ولو قام هذا المجلس بتحويل القضية الى محكمة الجنايات الدولية فماذا تفعلون ؟
الانقاذ لم تحافظ على وحدة الوطن ولا فصلت الجنوب و اتت بالسلام ده غير حلايب و غيرها كان بالاحرى ان تسمى بثورة الخراب و التمزق و الحروب الوطنية!! بعدين ما ذنب الشعب السودانى الغير منتمى للحركة الاسلامية ان يتحمل نتيجة افعالها و افكارها؟؟!! و هل فكر هذه الحركة هو اسلامى و وطنى حقيقة حتى يتبعها جميع اهل السودان مثل الضان؟؟؟!!! يعنى يا احكمكم ببرنامجى و تقعدوا تحاربوا معى اعدائى الداخليين و الخارجيين و ما تلقوا راحة ولا سلام او اديكم بالجزمة؟؟؟ الانقاذ من اجل الوطن و المواطن يجب ان تذهب اليوم قبل غدا و بسرعة شديدة!!!
يا طفل المعجزة انت ترد بي شنو ؟ كف واحد ماحتقدر تعملو!!
ياخي بس معقول ياابو القاسم امام 300دوشكاو140 عربيه و3 دبابات استوليتوا عليهاو6000 فرد من الجيش السوداني فروا نحن ضد الجبهه وضد البشير لكن قولوا لينا كلام معقول يحترم عقولنا…..بس بعد شويه مانسمع ياناس الامم المتحده وياالدول الغربيه وحقوق الانسان …..انت ناطق رسمى واعترفت انك اعتديت علي الجيش ارجه الجاييك…ودي ناس الجبهه يدردقوا فيكم لمن اعترفتوا بالاعتدتء ده…..اه عاد دي بقت حرب داخليه لا امريكا ؤلا اي زول يقدر يلوم الجيش بعد بيانك المهبب ده….فعلا دائما في السودان يوكل الامر لغير اهله في الحكومه والمعارضه علي حد سواء…..
تعقيب على المعلق الاسمه ابو الزيك وده اسم غريب انه واحد يكون اسمه ابو الزيك و الزول الشجاع بيكتب اسمه عديل كده انت يا ابو الزيك ناس الانقاذ ديل ليه عاملين فيها رجال قدام السودانيين و ضان قدام المصريين و الحبش و بنى قريظة و الامريكان؟؟؟ المصريين ما قالوا ليكم تعالوا نعمل حلايب منطقة تكامل بل شالوها رجالة عديل كده و انتو ما رجلتوا عشان تاخدوها منهم بلا منطقة تكامل بلا كلام فاضى اول رجعوها اكان انتو رجال بعدين سووها زى ما عايزين!!!! بعدين اهل شمال السودان عندهم روابط مع اهل الجنوب من قديم الزمان و ده تاريخ لكن الجنوبيين ما عايزين ناس الانقاذ مش ما عايزين باقى الشعب السودانى فهمت ولا لا؟؟؟؟ ارجلوا على الاجانب قبل ما تتراجلوا على اهل السودان جنوبيين او شماليين!!!!
بسم اللة الرحمن الرحيم
من اعتداء عليكم فعتدوا علية بمثل ماعتداء عليكم
دة كلام فارق
قوليهم الدبابين واللة موجودين اخوان على عبدالفتاح والزبير والكثرين موجودين
اما تدرون كتايب الاهوال والدبابين
الصاع بصاعين
جميع الخيارات مفتوحة للرد على عدوان الجنوب
هههههههههههههههههههه
قبل كدا العبارة دي سمعناها لما اعتدت عليكم اسرائيل ومشيتوا تحت تحت تترجوها ما تفشلكم قدام شعبكم والجيران
وللان يطرشنا ما سمعنا بالاف 15 السودانية ضربت تل ابيب
امشوا يا شحاتين
بقيتوا تشحدوا في رجال الاعمال (الوليد بن طلال) دي ما في زول سبقكم عليها تب
ربنا يضيقها عليكم في الدنيا والاخرة
ﻟﻮ ﺍﻓﺘﺮﺿﻨﺎ ﻳﺎ ﻳﺎﻧﺎﺱ ﺍﻟﺤﺮﻭﺏ و ﺍﻟﻤﻮﺕ ﺍﻧﻪ ﺟﻴﺘﻮ ﺍﻟﺨﺮﻃﻮﻡ و ﺩﺧﻠﺘﻮ ﻟﺤﺪ ﺍﻟﻘﺼﺮ ﺍﻟﺠﻤﻬﻮﺭﻯ ﻭﻣﺎخليتﻮ ﻋﺴﻜﺮﻯ ﺣﺎﻳﻢ ﻓﻲ ﺍﻟﺒﻠﺪ ﺩﻱ و ﻗﺘﻠﺘﻮ ﺍﻟﺠﻴﺶ ﻛﻠﻮ ﻭﺍﻧﺒﺳﻂﻮﺍ ﻭﻫﻠﻠﺘﻮ ﻭﻛﺒﺮﺗﻮ . ﺍﻟﺠﻴﺶ ﺍﻟﻤﺎﺕ ﺩﻩ ﻣﺶ ﻋﻨﺪﻭ ﺍﻫﻞ ?
ﻣﺶ ﻋﻨﺪﻭ ﺍﻭﻟﻴﺎﺀ ﺩﻡ ﻛﻴﻔﻦ ﺣﺘﻘﺎﺑﻠﻮﻫﻢ ﻓﻲ ﺍﻟﻘﺼﺮ ﻭﺍﻧﺘﻮ ﻋﻠﻴﻜﻢ ﻗﺼﺎﺹ ﻣﺎﻓﻲ ﺍﻟﺸﻌﺐ ﻛﻴﻔﻦ ﺣﻴﺘﻘﺒﻠﻜﻢ ﺑﺲ ﻛﺪﻱ ﻭﺭﻭﻧﺎ ﻭﻓﻬﻤﻮﻧﺎ .
ﺍﻟﻤﺆﺗﻤﺮ ﺍﻟﺰﻓﺘﻲ ﺩﻩ ﺍﻟﺎﻧﺘﻮ ﺑﺘﻘﺎﺗﻠﻮ ﻓﻲ ﺍﻟﻤﻮﺍﻃﻦ ﺑﻲ ﺍﺳﻤﻮ ﺩﻩ ﺍﻣﺸﻮ ﻗﺎﺑﻠﻮ ﻏﺎﺩﻱ ﻏﺎﺩﻱ ﺍﻟﺨﺮﻃﻮﻡ ﺩﻱ ﻣﺎﻛﻠﻬﺎ ﺄﻋﺪﺍﺀ ﺍﻟﻨﺎﺱ ﻋﺎﻳﺰﻩ ﺗﻌﻴﺶ ﻋﺎﻳﺰﻩ ﺗﺎﻛﻞ ﻭﺗﺘﻬﻨﻲ ﻏﻠﺎﺑﺎ ﻭﻣﺳﺎﻛﻴﻦ ﻣﺎﺗﺒﻘﻮ ﺣﺎﻗﺪﻳﻦ و ﺣﺎﺳﺪﻳﻦ
ﻣﺮﻩ ﺧﻠﻴﻞ و ﻣﺮﻩ ﺣﻠﻮ ﻭﻣﺮﻩ ﻋﻘﺎﺭ
ﺍﻟﻨﺎﺱ ﺩﻯ ﺯﻧﺒﻬﺎ ﺷﻨو ﺍﻧﺘﻮ ﻗﻠﻪ ﺑﺎﻟﻨﺴﺒﻪ ﻟﻠﺸﻌﺐ ﻭﻣﺎﺑﺘﻤﺜﻠﻮ ﺻﻮﺕ ﺍﻟﺸﻌﺐ ﻭﻟﺎ ﻭﺍﺣﺪ ﻓﻲ ﺍﻟﻤﻴﻪ ﺍﻧﺘﻮ ﺑﺘﺤﺎﺭﺑﻮ ﻟﻠﻘﺒﻠﻴﻪ و ﺑﺲ
ﺗﻂﻴﺮﻭ ﺍﻧﺘﻮ و ﺍﻟﺒﺸﻴﺮ و ﺍﻟﺎﺣﺰﺍﺏ ﻛﻠﻬﺎ
ﺍﻧﺘﻮ ﻛﻠﻜﻢ ﺑﻘﻴﺘﻮ ﻓﻲ ﻧﻆﺮﻧﺎ ﺍﻋﺪﺍﺀ ﻛﺎﻥ ﺣﻜﻮﻣﻪ ﻭﻟﺎ ﻣﻌﺎﺭﺿﻪ
ﻭﻧﺤﻦ ﻭﻃﻨﺎ ﻣﺎﻓﻲ ﺯﻭﻝ ﺑﻤﺴﻜﻮ ﻏﻴﺮﻧﺎ
طقعوهم بالدوم والنبق
يا دكتور حكومتك هي المطلوب منها الشجاعة لكي تعترف بهزيمتها علي يد قوات الجبهة الثورية لا جنوب السودان. واجهوا الحقائق مثلما هي علي ارض الواقع. هذا هو نفس النعيق الذي كنتم ايام حرب الجنوب تنطنطون به في كل اركان الدنيا. حينذاك عندما كان الجيش الشعبي يشن عليكم الهجمات تلو الاخري و تلحق بكم الهزائم المرة ، كنتم تقولون ان المهاجم هو الجيش اليوغندي و ان و ان … و الان صار لكم جنوبكم الجديد فان الشماعة الجديدة هنا هي دولة جنوب السودان!! يا للعار يا قوم اعقلوا و عودوا الي ثوابكم و الا جرفكم الطوفان القادم الي مزبلة التاريخ. دعوا بلادنا و شأنها نحن امة حديثة و لدينا الكثير الذي ينتظرنا في مجالات البناء و التعمير. اخذنا نصيبنا من الحروب و لا نريد خوضها مرة اخري الا إذا ارغمنا علي عليها. و اخيراً ثمة شئ اود ان اقوله هنا للدكتور مصطفي و هو عليم به علي اي حال من الاحوال ، و هو ان الجيش السوداني حارب الجنوبيون منذ انيانيا 1 بقيادة عمنا جوزيف لاقو وحارب في اخر جولات القتال مع الجيش الشعبي بقيادة زعيمنا الراحل الخالد جون قرنق و لم ينتصر ، لذلك فان التلويح بالخيار العسكري معنا هو خيار اليائسين قبلما تكون مغامرة مجنونة حتماً ستضع نهاية لنظامكم المنبوذ من الشعب السوداني ، بل و سينتهي برئيسكم ” المجهجه ” عمر البشير ونافعه ووزير دفاعه الجبان عبد الرحيم و بقية صحبه الي زنازين لاهاي !! وإني لأستطيع الجزم مرة أخري ان جيشكم الذي لم يلحق بنا الهزيمة عندما كنا نحارب حرب عصابات و بامكانيات محدودة ، لن يستطيع هزيمتنا و نحن دولة مستقلة ذات سيادة.. حلوا مشاكل مع اهل جنوبكم بعيداً عن بلادنا و لا تزج بنا في مشاكلكم .
يعنى عايزين تفلقوهم بى “لبانة”؟
دا اشتهى السفر، عايز يسافر معظم أيام السنة عشان الحكاية لما “تتفنقل” تكون احتمالات وجوده خارج السودان ألبر من الاحتمالات و هو بالداخل، لأنه هو بالذات من القاعدين للشعب السوداني فوق “نخرته”
01- أكد الدكتور مصطفي عثمان إسماعيل مستشار الرئيس السوداني ورئيس قطاع العلاقات الخارجية بحزب “المؤتمر الوطني” الحاكم ، أن كل الخيارات والسبل مفتوحة أمام السودان لرد العدوان الذي نفذته “الحركة الشعبية” بدعم من حكومة الجنوب علي منطقة بحيرة “الأبيض” بولاية جنوب كردفان أمس الاحد ….. وقال اسماعيل “إنه تم الاعتداء علينا وسنرد هذا الهجوم بدون شك دفاعا عن أرضنا وكياننا” …. ؟؟؟
02- يا سيادة البشير …. المطلوب هو الإستغناء عن هذا الكيان …. الذي مزّث السودان …… وكفى الله المؤمنين شرّ القتال ….. وشرّ أمثال هذا الدجّال ….. وشرّ كلّ حرامي مقس ومحتال ؟؟؟
03- يا سيادة سلفاكير ….. لماذا سمحت لأصحاب الكيان العوير ….أمثال هؤلاء البلهاء بقطع رأس التوير ….. ثمّ بتكسير ذلك الزير … ؟؟؟
04- يا سلفاكير ويا عمر البشير …. متى ستوقفون هذه الحرب …. ومتى ستوحّدون السودان ….. الذي عبثتم به …. ومتى ستعيدون الأموال التي سرقتموها وأهدرتموها في حروبكم …. إلى خزينة دولة أجيال السودان …. نريدها للبناء والتعمير ….. لا للإحتراب …. بين عوير …. وعهوير …. أنحنا ريالتنا ما صابّة …. ولا عندنا قنابير ….. أنحنا بنعرف السودان الكبير … لا بنعرف البشير …. ولا بنعرف سلفاكير …. وما بنعرف الكيانات الحقيرة ….بنعرف الكيان الكبير …. بتاع الخرّيجين السودانيّين … ؟؟؟
اجدوا كذلك الرد على مشكلة المناصير والا سيشكلون جبهة بقبادة ابنهم [المبعد]على عثمان طه… مكايدكم لهذا الشعب الصبور ستنقلب عليكم وسيضيق بكم ارض السودان الواسعة التى حولتوها الى ساحة للقتال بين ابناء الوطن الواحد بدلا من تنميتها..
المعلق ابو الزيك ذكر في تعليقه ان السودان مربوط بمصر اكثر من اخوتنا في جنوب السودان,,ودا طبعا كلام فارغ و هرطقه وقلة ادب
مصر محتله اراضينا في حلايب ووادي حلفا والحوض النوبي
مصر شاركت الاستعمار البريطاني والتركي بالجنود والعتاد في احتلال السودان
مصر خدعت السودان في اتفاقية السد السد العالي واتفاقية مياه النيل
مصر خدعت سفهائ الانقاذ بما يسمي باتفاقية الحريات الاربعه
هذه الاتفاقيه التي تصب في مصلحه مصر اولا و اخيرا
اما قولك ان هناك 5 ملايين سوداني في مصر فهذا هرائ,,احتمال وجود 5ملايين اسمر في مصر وهولائ هم سكان المستعمره النوبيه المصريه يا ابوالزيك او بالاحري ابو الجلاجل
كلنا في السودان نعلم ان مصر هي العدو الاول للسودان,,وكما حاربهم اجدادنا سنقاتلهم نحن لنسترد اراضينا باذن الله
بالمناسبه يا ابو الزيك هل انت سومي العسل
EGYPT IS OCCUPYING OUR LAND,, THE INGAZIS ARE REWARDING THE EGYPTIANS BY GIVING THEM MORE OF OUR LAND,,AND ENCOURAGING MILLIONS OF THEM TO MIGRATE TO SUDAN
IF THE INGAZI CRIMINALS WANT TO DECLARE WAR ,,IT SHOULD BE AGAINST EGYPT NOT AGAINST OUR BROTHERS AND SISTERS IN SOUTH SUDAN
ALL I CAN SAY TO PRESIDENT KIIR ,,PLEASE DO NOT LET THESE INGAZI THUGS DRAG YOUR COUNTRY INTO WAR AGAINST US
THE INGAZIS HAVE REACHED A DEAD END ,,THEY HAVE NOTHING TO OFFER TO OUR SUFFERING PEOPLE IN THE NORTH APART FROM WAR
مادام جميع الخيارات مفتوحة للرد يا مصطفي عثمان إسماعيل
حقو تلحق المولد دا وتعمل صندوق إعمار لجاو وطروجي والإحيمر وبحر اللبيض
وأهو تمشي تشحد ليك قريشات زي الخميتها من ناس الشرق المساكين ديك
بس عليك الله أختانا من إبتساماتك بتاعت لافش كيري
خلاص الناس عارفينك شحاد….كسير التلج الزايد عن حدو لزومه شنو؟
فاضحنا في كل الصور
بالمناسبة:
كان أولادك ما إستشهدوا…..ما تجي تفلقنا أمشوا جاهدوا أمشوا جاهدوا
أمسك في المايك بتاعك دا قوي
هاهاهاهاهاهاها
قال خيارات مفتوحة قال
[ود الشمال]
الجنوبين لو كانوا ناس حرب كانوا دخلوا ابييي
لكن هولاء نوبة لا يكذبون في امور الحرب و الموت و الجد و يجب ان
تعلم ان الحكومة لم تستطع منذ التسعينات الي الان دخول تولشي و كاودا
غاب الدكتور مصطفى إسماعيل عن الساحة السياسية لفترة مقدرة لياتينا بدق طبول الحرب مع الجنوب رغم علمه بإن التصريحات الرسمية التي جاءت من الجنوب تأكد عدم تورط حكومة الجنوب في المعارك التي دارت في جنوب كردفان، حيث أكدت الحركة الشعبية لتحرير السودان قطاع الشمال تنفيذها للعملية بمشاركة الحركات الدارفورية تحت لواء الجبهة الثورية السودانية بعد التوحيد, واصابة ذالك التوحدأركان حكومة البشير باتوتر ما جعلها تدفع بقياداتها لتعبئة الشعب السوداني لتقف في صفها ضد عدو الأمة كما ستبيينها الأيام القادمة, فالحكومة أصبحت عزلتها تزداد يوما بعد يوم و ليس من مفرا إلا أن تصنع لها هدف خارجي بعد إنفصال الجنوب لتضمن بذلك عمر أطول قبل الثورة الشعبية المرتقب, عاش نضال الشعب السواني و العار لسارقي وقود الشعب و الديمقراطية,
يعيش لينا كتير كيانك
ياحبيبنا نموت عشانك
إنت أقرا علينا بيانك
ما زمان قريت بيانك
وقلتا لينا دا ما كيانك
لو بقت وحدتنا شأنك
أعد علينا نفس بيانك
ياحبيبنا وسيب كيانك
وفلسفة تقسيم سودانك
أمسك طريق زملانك
القبيل وحّدوا سودانك
ومن برلمان سودانك
هم الحرّروا سودانك
زملانك هم الأخوانك
الكيزان ماهم أخوانك
الكيزان ماهم أعوانك
والورعان ما أخوانك
ثمّ القعدان ما أخوانك
سلفاكير أحد أخوانك
ناس سلفا هم أعوانك
لو بقت وحدتنا شأنك
بالتأكيد نهضتنا شأنك
تبقى وحدة نيلنا شأنك
كّلّ نهضة نيلنا شأنك
بعون الله كلّنا أعوانك