اليوم «جمعة لحس الكوع»

قلوبنا ودعواتنا بالتوفيق معاكم وربنا يحفظ الجميع من شر العدو الغاشم, اللهم اجعل كيدهم فى نحرهم سردا.

زنقة رقم واحد دي حلو شديد وما تنسو الكتمات دايرنهم ينكتمو في السودان بس وما يهربو منو

عشان انا مجهز لي عوووود بي شوكو لأبو العفين …!!

نسبة لفارق الوقت فى واشنطن لسع فى يوم الخميس عشان كده حبيت أقول:

الليله الوقفه وبكره العيد…سجم أمك يا البليد

وبالمناسبه جهزنا مظاهره حتكون ضخمه بأذن الله ليوم السبت 30/6/2012 حتبدا الثالثه عصرا يعنى عشره بالليل عندكم وحتكون امام البيت الأبيض تضامنا مع أهلنا وأبطالنا العظام فى السودان وتأكدوا إنكم مااااااااااااا براكم.
الساعه عندنا حداشر بالليل وما جايينى نوم عايز أجر الزمن جر والله.

يا وطن كيمان اذية
من عواس الجبهجية
الكوزنجية
حرامية .. مية مية
يا بلد اطنان مآسي من فساد الطمبجية
يا بلد منكوب كوارث
من سياسات بربرية
وبي عمايل بلطجية
اونطجية
طمبجية مية مية
كلو نازل مافي رافع
كلو خافض مافي ساطع
كلو فاسد مافي رافع
كلو فاشل مافي نافع
وما يمهم يبقى الوطن بي ترابو
وما هدف يطمح شبابو
وما يضر يتم يبابو
وما بهم يكمل خرابو
وما ضروري يجوعوا ناس يموتوا ناس
وما خيانة تقيف مصانع
والزرع يشبع يباس
وما يخالف جوة رأس كل مخالف
ينفجر كوم من رصاص
بس المهم وفي الاساس
هم راس ونحنا ساس
وناس وناس ما سواس
وما يفيد اصل الشريعة
يكفي بس اسم الشريعة
تكون ذريعة
حصان طروادة
بيها نمرق في السعادة
بيها نسطو سنين زيادة
حصان طروادة
بيها نرقص نتشابا
على ظهر الغلابة
و كتوف التعابة
ونقيف في راسا
وبي هتافات البساطة والسذاجة
ومع حماسها نزيد حماسة
وبي تهاليل كل طيرة ومخ دجاجة
نطرش كلام برة السياسة
وما مهم ابدا دراسة
بس المهم وفي الاساس
هم راس ونحنا ساس
وناس وناس ما سواس
شبت حريقة في كل ناحية
والحروب من كل زاوية
ومن هناك هبت عجاجة
والقراية وما القراية بقت حكاية
لا كتابة ولا دراية
لا قلم بيزيل بلم
ولا جهل بدأ في النهاية
بي الدعارة الجامعة سارت في مسارا
و بالحشيشة يتم مزاجا
والمصانع في اجازة
والزراعة سراب نتاجا
والبنوك منهوبة بالرضا والتراضي
والوزارت اختلاسات دون تقاضي
وقروشنا في بنك الخواجة
ازمة هايجة
وفوضى مايجة
وفتنة رايجة
وزنقة لي عنق الزجاجة
ده كلو حاصل وبرضو قالوا .. مااافي حاجة !!!
وما مهم اي حاجة ..
بس المهم وفي الاساس
هم راس ونحنا ساس
وناس وناس ما سواس
يا بلد ادمن مرارات الفشل
مليان قرف مليان عفن
أهـ يا زمن
اصبح خطر
امر عجب عجبا امر
بقينا في اخر العمر
سخر القدر
لا ننتظر
ان تفتخر
بي كل تعددنا وتراثنا
وبي الرطانة
وبي ثقافتنا وغنانا
وننبهر بي انتمانا لي وطن!!
أهـ يا زمن
في زمن القومة ليك سابع محال يا وطن
في زمن الراحة فيك فوق الخيال علما اظن
اهـ يا وطن
زيادة عن عشرين سنة
عجفا عجاف
اقبح سنين العمر والاحباط بقن
اهـ يا وطن
زيادة عن عشرين سنة
عجبا عجاب
شفنا فيك الويل واصناف المحن
أهـ يا زمن
على كان زمان ونحن اول
واجترار لزكريات .. واهـة و شجن
أهـ يا وطن
عايشين انينك
ومر سنينك
والعيشة فيك شيء لا يطاق
وفي الفؤاد جمرات شون .
بس يا زمن بس يا وطن
روح القضية لسة حية
وما بتموت ابدا قضية
سار وراها الاغلبية
ثار عشانا الهامشية
هتفت حناجر مطلبية
غرزت خناجر لنضالات مفصلية
والقضية هيا هيا
والقضية مفصلية
والقضية جمرة حية
والقضية حية حية
حرية لينا ولي سوانا اولوية
حرية لينا ولي سوانا بي مستوانا
هي القضية
شعب راصد
شعب شاطر
شعب صابر ما هو فاتر
واذا الصبر لحدوده عابر
لا بجادل ولا بعافر
شعب واعي شعب صاحي
شعب حارق ما هو دافي
تاني مافي تاني مافي
على ما سلف الله عافي !!
تاني مافي تاني مافي
على ما سلف الله عافي !!
يبقا مارق كل سارق
ويبقا راكز كل معاكس
يبقا واقف كل لاغف
يبقا طالع كل بالع
ويبقا خايف كل زايف
تاريخو ناصع
شبابو واعد
الله واحد وموتو واحد
وعدو واحد
كل عسكر وكل فاسد
تاريخو شاهد
اكتوبر المرصع
وابريلو عايد عايد
اكتوبر المرصع
وابريلو عايد عايد
اكتوبر المرصع
وابريلو عايد عايد

أخخخخخخخخخخخخخخ

وردنا قبل قليل …. نرجو النشر و بسرعة
عاجل … و هام ،،، عاجل … و هام ،،، عاجل … و هام
رفض الكثير من التابعين للمؤتمر الوطني و المليشات اي بما يعرق بالمجاهدين التعرض للمتظاهرين قي حالة خروجهم في جمعة لحس الكوع و قد قال أحدهم و الذي أُتي من علم الكتاب و شوية ضمير (( يا ناس أنتم ما بتعرفو الدين؟؟؟ اليوم جمعة و هي عيد المسلمين فالحسنات و الصدقات و الإطعام إجورها تتضاعف فما بال السيآت و إيذاء المسلم للمسلم و من يخرج من المسجد بالتأكيد مسلم فكيف تريدون منا أن نتصدي له و الله حرام حرام حرام ،،، أما الخطيب فكان يحاول الإقناع بأن هذه أوامر أمير المسلمين حين قال سوف يجلب المجاهدين لإيقاف المتظاهرين عند حدهم لا حول و لا قوة إلأ بالله كيف يحورون الكلم عن مواضعه كيف يقحمون الدين في كل شئ و السيد المشير يُورط و يُورط و هو يرقص و لا يدري بأن الكلمة التي تفوه بها أصبحت سبباً لأن يهوي في نار جهنم سبعين خريفاً .
رسالتنا الي كل القوات النظامية و الشرطية و المليشات و أهلوهم و أبنائهم لا تتعرضوا للمتظاهرين فاليوم جمعة و له حرمته كما لا طاعة لمخلوق في معصية الخالق ،،، كما نصيحتنا للمتظاهرين أن يأكلوا و لو القليل قبل الذهاب للصلاة نظام سندة و بالله التوفيق.

(أنهى الرئيس خدمة 54خبيرا ومتعاقدا)
شوفتو كيف خبراء الهناء وبطانة السوء وأهل التمكين وصلونا وبكره فى مناصب تانيه أرفع واستمر الفشل والتدهور ،يا اخوانا ربيع معاهم الخبير الوطنى

عندما كنت طالبااحتج الطلبه على الغاء السكن والاعاشة وفى الجامعة رايت حصار سريع وخانق بالاحتياطى المركزى وشهدت العصى تنهال طلبه طالبات ومنذ ذلك اليوم عرفت أن هناك فرق بين وطن وسلطه بعدها (قنعت )وسديت دى بطينه ودى بعجينه لاى نداء ممن الهبو ظهورنا يوما ما..كيف تنادينا للاستنفار يوم كريهة

اللهم أني أسألك بأسمك العظيم الأعظم الذى سميت به نفسك أو ذكرته فى كتابك أو إستأثرت به فى علم الغيب عندك أن تنصر الثورة اليوم فى سوداننا الحبيب وان تكون عونآ للثوار اليوم وتأخذ بأيديهم وتنصرهم على الظلم والطغيان وعلى حكومة الكيزان آمييييييييين …………. يارب العاملين.

هي جمعه واحده مافي غيرها
67

ليها الشعب السودانى الصابر على الغم والفساد والتسلط لنجعلها هذة الجمعة (جمعة الخلاص الوطنى) ، لنجعلهم يلحسون كوعهم اليوم ونخرج باجمعنا لندك حصون الطغيان والفساد والاستبداد ، ليخرج اهل السودان فى كل المدن والقرى والارياف ليهتفوا الشعب يريد اسقاط الكلاب ، ياخرطوم ثورى ثورى لن يحكمنا لص كافورى ، مادايرين تجار الدين ، هذا هو يوم الخلاص من هذا الطاغوت ، لتخرج احياء امدرمان بأكملها من الثورات بكل حاراتها وامبدات بكل حاراتها والفتيحاب ، لتخرج الخرطوم بكل احيائها الصحافات والديوم الشرقية والكلاكلات والازهرى وسوبا ، كذلك لتخرج الخرطوم بحرى بكل احيائها ، لقد بدات الانتفاضة الشعبية الشاملة وانطلقت صافرتها لنجعلها ختاما لحكم الكيزان وحكم السرطان الذى نهش ونهب وقمع كل المكونات الاجتماعية والاقتصادية والسياسية لبلادنا

اليوم جمعة لحس الكوع والكل سيكون هناك من أجل الإنعتاق من زمرة الشر المؤتمر الوطني. عليهم الرحيل فقد إنتهت صلاحيّتهمووندعو كل من تبقّت فيهم ذرة حياء ألا يتعرّض للشرفاء بل عليه الإنضمام إلى مواكب الحرية والعزّة تكفيراَ عن ماضى غير مشرّف.

حلفنا نسير ما نضوق الراحة
تعل نعلن عصيانّا الدنيّ.

الله أكبر الله أكبر على الكيزان والنظام الظالم الفاسد المجرم
اليوم يوم السودانيين الشرفاء فلنخرج جميعاوفي كل المدن والقرى
وليقرأ كل منا (يس) ويتوسل إلى الله تعالى بالدعاء بالنصر على هذه الشرذمة الظالمة
وأكثروا من الصلاة على الحبيب المصطفى صلى الله عليه وسلم في هذا اليوم المبارك

الحمدلله ان عجل لنا هذا اليوم العظيم هذا اليوم الذي سيدك اركان النظام و اذياله ايما دك و الايام دولا يا الديكتاتوري اليوم سنري كيف لك ان تتصدي و كيف لك ان تسكت الحريه كلنا اليوم علي كفه الميزان السودان بارضه و شعبه البطل المغوار وانت و اذيالك في كفه وسيشهد العالم تارجحك الي مزبله التاريخ و سنقتص منك حتما و لزاما

أرجوا من كل المشاركين في الخروج أن يكون أيمانهم قوي بالله و قوي بعدالة مطالبهم و أن يتذكروا قوله تعالى :

{الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ (173)
فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ وَاللَّهُ ذُو فَضْلٍ عَظِيمٍ (174)
إِنَّمَا ذَلِكُمُ الشَّيْطَانُ يُخَوِّفُ أَوْلِيَاءَهُ فَلا تَخَافُوهُمْ وَخَافُونِ إِنْ كُنْتُمْ مُؤْمِنِينَ (175)}

الله أكبر و العزة للسودان … الله أكبر و النصر للثوار .

عفارم تمام .. صاح الكلام .. كده يا شباب
كتمت خلاص بلغ النصاب
نفد الصبر والجو كتم.
وجيبك نضف
وطنك نشف
كتمت سخانة الف الف
اغضب وثور
قوم وانتفض
قف وانتصب ..
لا تستكين ..أو تستخف
للحالة والعيشة القرف
نفد الصبر والجو كتم ..
جيبك نضف
وطنك نشف
لو بكرة عن وطنك سئلت
امام عيالك تنكسف
مهما تبرر او تقول .. ومهما تصف
حتنكشف
لا تنحبس للحسرة والالم المرير لا ترتجف
فك البلف
كتــــــــاحة تكتـح
ما تخلـــي تك تح
غبارها يلفـــــــح
تكشف وتفـــضح
للدمعة تمــــــسح
للظلم تكــــــــشح
حرية تشطـــــــح
في وطن مشــلح ? حضن العذاب
عفارم تمام ? صاح الكلام كده يا شباب
كتمت خلاص بلغ النصاب
*******
كتاحة كتاحة
اعصار ودوامة
طلاب شيوخ ورجال
نسوان بنات اطفال
الناس هناك لآمة
ام در وارض القاش
جرافا ديامة
كتاحة قبلية تبرق أمل وشعاع
تحمل صراخ الجاع
تهتف بصوت مسموع .. عن ظلم ساد أنواع
تبكي الصرير المر.. من شدة الأوجاع
كتاحة تلغي فساد .. وتقلع قلع من باع
تنقذ بلد قد ضاع . .. من خائنا جعجاع
كتاحة غربية ? ومرات جنوبية
وفجأة شرقية ?.. تقلب شمالية
شايلة البرق والرعد
شايلة الأمـل والوعد
تحمل دعاش وعبيـر
لثورة التغير ..كتاحة للتغير
كتاحة تحت وفوق .. تكسر قـيود الطوق
تقذف يمين وشمال? تنسج خيوط الفال
كتاحة للتعبير عن ثورة التغير
الحكم ما هو خلـود
بكرة الظلم حيفوت
الكبت والجــبروت
لو كان دوام لســـواك
ما كان بترجع ليك !!
والله أحسن ليك ? فالنفس لوامة
حسرة وأسف وندامة
والحالة مش دوامــة
كتاحة كتاحة? إعصار ودوامــة
طلاب شيوخ ورجال
نسوان بنات وأطفال
ام در وارض القاش
ساحات هناك لأمـــة
جرافا ديامة .. الكل نزل وأجاب
عفارم تمام ?صاح الكلام ? كده يا شباب
كتمت خلاص بلغ النصاب
*************
كتاحة كتاحة ? جوة البلد لافة
يا العسكري السراق
مين فينا شاذ آفاق !!
ياالكاذب الافاك .. لا خلقة لا أخلاق
مين الاباد شعــــبو ؟؟
مين الخســر ربــو ؟؟
مين الكــلام كذبــو ؟؟
مين الخلف وعدو ؟؟
مين البخون للـعهد .. للكلـمة والميـثاق؟؟
مين فينا شاذ افاق !!مين الكلامو نفاق ؟؟
ياالكاذب النقناق .. لا خلقة لا أخلاق
قول ياا
اسم مكتوب .. في المحكمة العلياا
يا متهم مطلوب?? لعدالة دولياا
يا هاربــا شــارد .. في هذه الدنياا
وينك تمش حتروح ؟؟
من رب عوضيــــاا ؟؟
انت الشذوذ نفسو لو تم وصفك بيه
اتبرا منك وزاق !!
مين فينا شاذ آفاق!!!
والكل منك ضاق
طبعك كضب ونفاق ..اصلو الطبع غلاب
عفارم تمام ..صاح الكلام ..كده يا شباب
كتمت خلاص بلغ النصاب.
قرفان خالص

اليوم جمعة لحس الكوع…………يامن لحستم الشعب حتي الضلوع
اايوم جمعة لحس الكوع …………يامن ركئتم شعبا كريما عظيما وضروع
اليوم جعة لحس كوع……………..يامن اضعتم هويتنا و سمش حريتها قبل الطلوع
اايوم جمعة لحس كوع……………… يا سفاحيين المجد من ايدي الفقراء وجوع

فى مثل هذا ندعوا الله ان ينصر ابناء شعبنا المغلوب على امره ويغشع عنه حكومة الظلم والهوان بعد عذبته وهو حيا ندعوا جميع الشباب شباب التغيير بان لا يفوتهم شرف الثورة وتسجيل اسماءهم ضمن قائمة الشرف فى سجل التاريخ. واقترح ان يفتح صندوق تبرع بالمال لدعم الثورة لكل العاملين بالخارج و بنوكة دم للتبرع بالدم بالداخل حتى يتثنى لشبابنا انجاز مرحلة الثورة من اجل بناء وطن شاسع يسع الجميع عيشا كريما.ونحن خارج وطننا الحبيب لن يفوتنا شرف الثورة نمد ايدينا بكل ما نملك وبكل ما هو ممكن.نسال الله ان ينصر شعبنا الهم انصرهم اللهم انصرهم امين يارب العالمين.

عاش كفاح الشعب السودانى … تحية لجماهير الشعب السودانى
ثورة ثورة حتى النصر ..

مظاهرات شنو وكلام فارغ شنو انا شاااايف بشابيشو وهو لافي بعربيتو ( كمان مكشوفه) وما لقي ناس(لحس الكوع) وين ناس ( لحس الكوع)

أتمنى من هذا الشعب الذي عاش لأكثر من أربعين سنة في غيبوبه ومسكنة وذل وفقر
آن الأوان ليقل كفاية,كفاية من أجل الوطن هي ثورة من أجل ماتبقى من الوطن
ثورة من أجل أن يحكم الشعب,أكثر من عشرين سنه المواطن هو المقوم الوحيييد!! لأقتصاد الوطن
تحمل الجوع وحارب ودفع من جيبه الملايين فدى للوطن عشان يشوف وطنه رائد بين الأمم بتنوع ثرواته وثقافته,,اما آن الاوان لذلك

وقفنا مع هذا النظام 22سنه ودفعنا أرواح ثمنها غالي وقوفا معه في التسعينات
والأن يأتي هذا السفيه الذي لا أعلم اذا كان رئيسا أم….!!!يعلن الجهاد عل شعبه
دي ماحصلت
وللأسف البحكمونا مجرد تجار سايكوباتك معظمهم,يدعون الذكاء وهم اذكى أغبى نظام
ويمكن ان يسقط بين ليلة وضحاها لأنه ليس نظام للأسف بل مجرد مافيا تتاجر بالدين.

أتمنى من الثوار وضحح خطط والتنسيق جيدا لأسقاط هؤلاء فكلهم جبناء
وأتمنى من المعارضة المدعية ان يدركوا أنهم في القرن ال22

(قطع النت,نخويف,ترهيب,تهوين,تخوين,أخيرا قتل) دي كلها لعب سياسيه كلاسيكية قدييييييمة
محاولات لاستباق الأخداث لقتل الهمة في الشعب

اتنفس ياشعب الوطن وطنك أمانة في عنقك