حميدتي : الوثيقة الدستورية نصت على تشكيل حكومة كفاءات مستقلة و ماف زول شغال بيها

انت نسيت ولا متناسي ولا ما عارف العملتوا في جوبا – اختطفتوا انتوا العسكرين ملف السلام من الحكومة ليس حرصا منكم علي السلام بل لتكبير كومكم وخلقتوا مسارات ما انزل الله عليها من سلطان لنفس السبب – مسارات علي راسها اشخاص غير مفوضين وبدون قواعد جماهرية اتخذوا المسارات حصان طروادة لدخول الحكومة تحت سمعكم وبصركم وعملتوا اتفاقية سلام في جوبا ضمنت في الوثيقة الدستورية العايز تتباكي عليها الان والتي نصت علي المحاصصات – بناء عليها اعيد تشكيل الحكومة الحالية. كل المشاكل الحاصلة في شرق السودان الان بسسبكم نتوا العسكرين – خلقتوا المشكلة ولمان الفاس وقع في الراس بدل تعدلوا المسار قعدتوا تتفرجوا في الحاصل وبل اعطيتوا ضمانات للمعترضين علي المسار لكي يعطلوا مصالح البلاد والعباد لانكم عايزين تحرجوا الحكومة وتلوا ضراعها عشان تتديكم تفويض بعود بالناس لهعود الكبت والقهر- وليس في ذهنكم سوي الثوار ومتاريسهم ولكن شتان بين من يقفل شارع الستين والذي يحرم العباد من الوقود والقمح والتنقل بين المدن – من المنافق ؟ – ترك صرح بملئ فمه انه يقطع الطرق تحت حمياتكم – من المنافق؟ . اتفاقية جوبا خلقت حكومة تضم كل الوان الطيف السياسي والجهوي في السودان – من ناحية سياسية هي حكومة كل الناس ما عدا اقصي اليسار- دي محمدة – لكن حتي المحمدة الوحيدة نكرتوها انت والبرهان وفاعين تتكلوا عن حكومة افلية ؟ الا اذا في ذهنكم معادله حسين خوجلي 2% للشعب و 98% للفلول. في طفولة سياسية حاصلة وضعف للذاكرة واستخفاق بالعقول لا تؤدي لاي نتايج جيدة. انتو ما جزء من الحكومة ؟ انتوا ما عارفين البير وغطاه ؟ انت ما قلت بعظمة لسانك تعبنا من الشحدة ! بلد مفلسة وخرجت من حكم 30 عاما بدون احتياطي نقدي ولا بنية اساسية و مقطوعه من العالم و مؤسساته المالية عايز الحكومة تبني من وين ؟ دا غير دس المحافير الحقيقي في الشركات العسكرية

وهل نصت الوثيقة الدستورية على منصب التائب الأول لرئيس مجلس السيادة؟
تكلم حتى أراك
كل ما يتكلم يعمل بلنتيات
كل يوم مخاطبة ذكرتنا الأيام التي تلت فض الإعتصام
بكرة يبدأ يلم عواطلجية ومرتزقة الإدارة الأهلية

يا اخونا حميدتي الشعب اتفاءل بيك خير بعد انحيازك للثورة واعتقد الناس انك إنسان صادق ضللوك الكيزان لكن صحيت، ولكن بعد ارتكابكم لمجزرة فض الإعتصام البشعة وما تلاها من إنتهاكات لم تراعي لا دين ولا خلق ولا نخوة ولا شرف ولا شهامة والتناقضات الكثيرة في الكلام والمواقف، سقطت الصورة وانكشف المستور، وهسي انت ماشي في نفس الدرب. نصيحة اخوية مني ليك أبعد نفسك من الكيزان ومن والاهم حتى لو كانوا من العسكر، لا تكذب، أعمل لأجل الوطن والمواطن، لا تنتظر مكافأة أو رد جميل، فهذا واجبك الذي تتقاضى عليه اجرا من ضهر المواطن الغلبان، وعسى الله أن يبدل الصورة.