سودانى بالقاهرة : رفضت عرضًا ببيع كليتى بـ8 آلاف دولار
أكد محمد عادل سوداني الجنسية، أنه وقع ضحية لمافيا سرقات الكلى، ولفت إلى أنه ترك أسرته ووطنه وحضر إلى القاهرة في زيارة عائلية لأقاربه، ليقع ضحية ضمن عشرات المجني عليهم لكن الظروف أنقذتنى من مخالب تلك العصابة.
يقول محمد عادل: الحمد لله القدر أنقذني في آخر لحظة من إجراء العملية بعد قمت بعمل كافة التحاليل الطبية داخل المستشفيات، وقبل العملية بيومين ألقي القبض على أفراد العصابة.
وأضاف أنه تعرف على أحد الأشخاص بالقاهرة وعرض عليه بيع كليته مقابل 8 آلاف دولار، وتعرفت على المتهم “أبوإسكندر”، وطلب منى إجراء التحاليل لتحديد فصيلتي، ولكن الحمد لله.
وطالب المجني عليه الشباب بالابتعاد عن المغريات المالية مهما كانت فالصحة كنز لا يعرفه إلا المرضى.
وأضاف أنه عقب انتهاء التحقيقات معه سوف يتوجه إلى السودان مباشرة ولن يعود إلى القاهرة مرة أخرى.
صدى البلد
اولا انت ماشي زيارة ولا ماشى تتاجر باعضائك.ثانيا انت عملت كل الفحوصات يعني كنت راضي.ثالثا واحد اسمو اكسندر يعني مامسلم ماذا تتوقع منه.رابعا ولدي الضغير(حفظه الله)عارف الصحة كنز يعني انت بعد مامشيت للعصابة وعملت التحاليل عرفت (الصحة كنز)هاك الكنز ده(8)الف دولار…….
للأسف معظم سماسرة الأعضاء البشرية في مصر هم سودانيون, وهم يفضلون اصطياد السودانيين بسبب فقرهم ويأسهم من الحياة واستهتارهم بقيمتها. هناك تجمعات بعشرات الآلاف من السودانيين في القاهرة من المتورطين في الجرائم والذين يعيشون حياة عربدة ومجون واستهتار ويأس
الحادثة حصلت لي جدي عمل عملية في القاهرة واكتشف السرقة بعد خمسة وعشرون سنة من العملية وتم عرض الموضوع في الصحافة السودنية قبل كم سنة ؟؟ عليه نامل من جميع اخواني السودانين الحيطة والحزر من اولاد بمبا…
شكرا ليك اخت فاطمة.بس انا اقصد قبل مايقدم علي خطوة زي دي المفروض يشوف بدائل اخري لفك الضائقة بتاعتو وخصوصا عند اهلو واهلنا الطيبين في السودان.علي العموم نتمني الصحة والعافية للجميع وربنا مايحوج حد لحد.ونسأل الله الستر في الدنيا والاخرة…
يا اخوانى اعملوا حسابكم وفتحوا عيونكم عند الذهاب للعلاج فى مصر إبنة خالتى ذهبت للعلاج فى مصر فى أثناء إجراء عمليه جراحية لها تمت سرقة كليتها و إكتشفت السرقه بعد اربعه شهور بعد رجوعها الى السودان عندما بدأت تعانى من إلتهاب فى الكليه الوحيده المتبقيه لها .
أول حاجة يامحمد عادل نقول ليك حمد الله على السلامة!
تانيا ياخى انت تاعب نفسك لى وماشى لحدى مصر عشان تبيع كليتك!يعنى خسران تذاكر واقامة وأكل وشراب ..وبعد ده كلو كلية كاملة 8ألف دولار بس!!!!
انت أهلك فى السودان ماسمعو بالسعودى اللى عمل لقريبته زراعة كلى فى مستشفى الزيتونة بتاع وزير الصحة الولائى…والمتبرع كان ود شاب زيك كده وطالب وظروفو صعبة عايز يدفع رسوم الجامعة..وعايز يدفع ايجار البيت بعد ما أبوه شالوهو للصالح العام وعايز يعرس لاختو…كل مشاكلو دى ناس الزيتونة كتر خيرهم وبارك الله فيهم تموها ليهو بعد ما اتبرع للسعودية بكليته..حتى السعودى من كرمه اداهو شقة قريبة من الجامعة…ناس بتعرف الاصول…يعنى الدكتور العمل العملية ذاتو السعودى بسطه فوق للقروش القبضها رسوم للعملية بالريال…والمستشفى نغنغت اخر نغنغة وبرضو الدفع بالعملة الصعبة…شفت ليك زول سأل المستشفى ولللا الدكتور رغم انو الجرايد تشيل وتكتب..يازول بلدنا دى أمان…لابيسالوك الداير تتبرع ليهو ده بتعرفو من وين..ولا بيقرب ليك شنو..ولاالدكتور ولا المستشفى بتسألك..أهم شى النكتوت..فى قروش..فى زراعة..حتى لو كان المتبرع عندو كلية واحدة شغالة برضو مامشكلة..لأنو اذا انت المتبرع راضى تتبرع حتى لو عندك كلية واحدة وح تموت مادام انت راضى انك تبيع..خلاص..المستشفى دخلها شنو…الوزير سيد المستشفى..يعنى عندو حصانة دستورية تغطيك انت والقطرى اللى ح تتبرع ليهو والدكتور اللى عمل العملية..وبعدين فى واحد يبيع كلية كاملة الدسم ب8ألف دولار بس!!!انت بس أصل الزيتونة واسأل ح يوروك الولد اللى اتبرع للسعودى أخد كم!!!ولمعلوميتك السودان هو الدولة العربية الوحيدة باستثناء الصومال اللى مافيهو قانون ينظم نقل وزراعة الأعضاء..فى قانون قديم فى السبعينات وهو خاص بزراعة القرنية وسقط بلأقدمية..فيا أخوى بلدنا أمان..وانت ماسامع بالتمويل ألأصغر أكيد سمعت بيهو..أها..موضوع بيع الأعضاء ح يسموهو التمويل الأكبر…يعنى…لا اغتراب لابهدلة..وبالنسبة لل ح يبيع ما ح يشعر ب أى حاجة..يعنى ناس دى شغلهم..بس انت عليك تصلهم
وبعدين مصر فيها القانون ده وأجيز من مجلس الوزراء فى شهر 6سنة2011..بس فى قانونهم..ممنوع تبرع من مصرى لأجنبى الا اذاكان أحد الزوجين أجنبى ومضى على زواجهم أكثر من ثلاث سنوات وبعقد شرعى..وعندهم ممنوع البيع..وعندهم ممنوع التبرع للمصريين الا للأقارب من الدرجة الأولى أو التانية…و..و..و..مش قلت ليك بلدنا رحمة..بيع ولا يهمك…
وانت عملت فحوصات ليه طالما ان الموضوع كان واضح؟؟ واذا انت مشيت زيارة ونقاهة يعنى مش محتاج.. فى حلقة مفقودة
الوداك القاهرة شنو نفس السعر دا يمكن تاخدو وانت وسط احبابك واهلك . اذا كنت مصر على البيع اذهب الى مستشفى الزيتونة فقط ودع الباقي لهم . ضمان على امهر اطباء الكلى بالسودان . امان وزير الصحة بل كل وزارة الصحة تحت تصرفك وحمايتك . وملعون ابوك دي ظروف .
اريتو لو شالوا كليتك الاثنين , وريحوك وأدوك الدولارات , عشان تجى تتأسف طول حياتك ,, إنت الوداع تعرض كليتك للبيع شنو ؟؟؟ وإنت فاكر الناس كلها هبله زيك كده ,, خلى الشلاقه تنفعك !!
بعد ما البيعة ضربت عاوز تورينا انك ما انسان مادي!!! طيب رايك شنو تتبرع بيها مجانا لانسان محتاج ليها و اثبت شهامتك باعلانك التبرع لمن يحتاج