الامم المتحدة: قصف مخيم لاجئين في جنوب السودان يمكن ان يعتبر جريمة دولية..بريطانيا تدين الهجمات الجوية على الحدود بين السودان وجنوب السودان

دى ونسة من الخواجات , لو كان لبنان أو ليبيا أو أى دوله أخرى كان بعملو أكتر من كدة , أما السودان كلام ساكت

لازم الشعب ينسى حاجة أسمها المجتمع الدولى أو الامم المتحده ويطلع للشارع

السوريين والليبيين واليمنيين والمصريين والتونسيين ما أحسن مننا فى شئ

أزاله نظام الجبهة (وطنى و شعبى) من السلطه واجب وطنى

يا حكومة الانقاذ اذا فعلا ينطبق عليها كلمة حكومة لا تسرحوا وتمرحوا كتير في الجزء الجنوبي والجنوبي الشرقي من الجزء الفضل من السودان لانو الجنوب الفعلي سلمتوه للجنوبين زمن تسرحوا وتضربو لحدى نمولي دا زمن عفي عنه الدهر الآن الجنوب دولة ذات سيادة وليها علمها وعملتها وجوازاها يعني طلقة واحدة داخل هذه الحدود توديكم في داهية الآن الجنوب ما صار دولة للجنوبيين بل متكأ وارف الظلال للغرب يعني كان زول من حكومة الانقاذ قال احم داخل الحمام يقولوا ليه عملت كدا ليه تزعج بيها حكومة الجنوب ديل حا يقلقوا منامكم زى ما قلقتوا منام الشعب السوداني طيب وبعدين حا يحصل شنو حا يكون في تعليق اني اراه قريبا عنوانه مواطني دولة سنار والرصيرص وسنجه يعانون من تدخل حكومة الانقاذ في الشئون الخاصة لسيادة الدولة وامريكا تتدخل وتحذر وليس لكم خيار غير انكم تجو زاحين لجوه شويه يعني نفس الموال يكون كالاتي التدخل السافر في الشئون الداخليه لدولة البطانه من عصابة الانقاذ ودا سببو الحنين الي العرضه في ارض البطانه وخريفها السمح من رئيسنا العراض ونحن نقول حليل زمن البطانة والقنيص يعني ياجماعة تجي لحظة نلقي كل انقاذى حاكم ليه قصريه وقاعد فيها
فالمسالة كالاتي حررت الكرمك ما حررتها بكره الشرق جاى ودارفور باتت قاب قوسين او ادني يعني تلم الجماعة ديل وتجي حوش بانقا بس شندى ما عندك فيها طريقة لانو مواطنيها وصل بيهم الحد وفاض الكيل استلمت البلد نص الليل ومساحتها واحد مليون ميل مربع ختنا معاك في الصوره مع العلم انو الجواب مفهوم لينا لكن عاوزين نسمع منك انت حا تسلمنا ليها كم متر مربع مش كم كيلو كم متر يعني انا ما غلطان وهل ياترى بنلقي لينا قبر بس عشان نندفن فيه بالمناسبة ياجماعة الآن في زول عاقل يقولوا ليه تعال امسك السلطة اقصد الجيفة دى واقصد الجيفة لانو لها رائحة اما الجثة فما تزال برائحة البشر يعني لم تتحلل بعد برضي عشان يمسكها الدول الربيعية لم تعرف معني الانتفاضة بقدر ما يعرفها رجل وابن وام واخت الشارع السوداني ولا توجد دولة في العالم في خلال ربع قرن من الزمان فعلت مافعله الشعب السوداني الموت العزيز ليه شرف والشهادة الفعلية لها شرف وليست شهادة النفاق وجراكانة الزيت وشوال السكر وظرف فيه مائة جنيه وهي لله هي لله موت الكرام وموت الرجال هو موت الشعب السوداني لكي لا تموت جوعا وبالمرض وبالحسره وانت علي علي فراش الموت تقول يا ريت لو مت موت الرجال والله العظيم لها نكه ولها متعة ولها تاريخ وبعدك كل اهلك واقرانك تكون مدار حديثهم عندما مات القرشي والذى نحضره كان حديث الامة السودانية واى سخص تسالوا انت من وين يقول ليك اسم القرية وعندما تقول لم اعرفها دى وين يقول ليك دى قرية القرشي اول شهيد في جامعة الخرطوم اى شرف هذا واى عظمة هذه شخص يعرفوا بيه قريته عاوزن من كل جامعة معرف لقريته وما اجبن الانقاذيين وكل انقاذى في اتحاد طلبه او في جامعة ارجعو الي تاريخه سوف تجدوا ما لا يسر ولا يرفع الراس تاريخ مظلم وقزر وهم اجبن ما يكون من كل شخص رضع لبن امه عشان كدا يحملون الحقد في نفوسهم تجاه كل ما يشعرون به تجاه الرجال رجال الحارة رجال الثوره رجال الانتفاضة ودماء الشهداء الطاهرة الذكية في سبيل الخلاص دمتم ايها الاحرار

ان كان القصف صحيحا او مجرد اعلام
فهو لايبين قوة الحكومه ومقدرتها واستباقها
بل يبين انها تتوقع ان ما يمكن ان يفعله الجنوب او الغرب
مقابل ماتم سيصب في رؤوس المواطن وسيتجاوزهم كشخصيات وحكام
علي امل واعتقاد راسخ بمدافعة مصر وقطر عنهم (ليه يا ربي)
اتعلم ايها الشعب ان هناك طائرات اباتشى سنقصف بها من اسرائيل
نيابة عن الجنوب
اتعلم ان الحكومه هي من توجت اعمال القله من الجنوبيين بانفصال كان كاحلي
هديه لاعداء الوطن الام بشماله وجنوبه
اتعلم انه لولا تلك العصابه لما كان هناك وطنان ابدا ابدا
بل وطن واحد بجنوبه وشماله وغربه وشرقه
وبرضاء كل المواطنين وحتي العالم الخارجي
فلتصمت ايها الشعب حتي تباع كل ارضك لكل الاعداء ثم تباع انت لاقرب عدو
وانت بتلك المواصفات يا شعب مهترئ من تراه سيقبل بك ولو فوق البيعه

الجزيرة الإنجليزية أوردت صورة آثار القصف، وحكومة البشير تنفي!!!!
http://www.youtube.com/watch?feature=player_profilepage&v=gQFzO1sDQag

بريطانيا دى ما شايفة قصف اسرائيل لمخيمات القلسطينين ولا ما شايفة القمع الحاصل فى اليمن وسوريا بس حقارة فى البلد الما عندو وحيع