تطورات جديدة في منزل «الكنز» بحلفا الجديدة

كل السودان، شرقا وغربا، شمالا وجنوبا حلول للاقتصاد وموارده الطبيعية كفيله بجعله من اقوي الاقتصادات في المنطقة، لكن من يفكر؟ ومن يحل مشكلة الفساد؟ ومن يترك المواطن في حاله او يوظف طاقاته بالشكل السليم، بدلا من استخدامه “كفقاسة” فكة او بمعني اصح “نقاطة” للحكومة.

الموضوع غريب والواضح ان فيه “انه”، ربما الذهب موجود اصلا لكن من مصدر مثير للمشاكل، قد يكون الذهب الليبي الذي كان بحوزة خليل عند اغتياله… وهناك محاولة لاختراع مصدر. بالتوفيق علي كل حال، نحن يهمنا السودان والخير للسودان.

يا خسارة خلاص بقينا نخطرف ونصدق( يايولي وفكي واهل الزار) اي كنز تتحدثون عنه معقول انيار كامل لاقتصاد دولة بتتحل بكنزك الاصلا ما اتعرف حجر ولادهب حتي الان بالغت يا بتاع اللجنة الشعبي (فكاه ولا يخاف عقباه) والله الاحد بقيي يشك في نفسه المجنون انا ولا ناس ,,,,,

لله فى خلقة شئون

من يعتقد ان الاف الاطنان من الذهب ستحل مشاكل السودان فهو واهم مشاكل السودان غى التعصب الدينى والعرقى واستحقار الاخرين وتجاهلهم — الناس لو جابت قطن ونظفت اضانها كويس واستمعت لبعض احسن لينا من الذهب

مسكاقنو

السلام عليكم ورحمة الله
حكى ليكم قصة موضوع الكنز المذكور بصفتى من ابناء المنطقه المذكوره
بداية القصه كانت قبل اكثر من 15 سنه , اصلا المنزل المذكور مخصص لشرطى القريه 22 المسئول من حراسة القريه , ذكر احد اقارب زوجة الشرطى فى ذلك الوقت وهو ( فكى ) على حسب ما يسمونه اغلب الناس او رجل ( دجل وشعوذه) على حسب راى باقى الناس ذكر بان هنالك كنز مدفون فى باطن الارض داخل المنزل المذكور ويحرسه جان وانه قادر على استخراجه والخبر وصل للمدعو حسن عمر العوض محافظ حلفا الجديده فى ذلك الوقت بدوره ذهب الى القريه ومعه بعض افراد من الشرطه ومعدات للحفر وباشروا فى الحفر داخل البيت عدة ايام ولم يجدوا شيئا وذهبوا وانتهى الفصل الاول من القصه , وبدا الفصل الثانى قبل اكثر من شهر عندما حضر المدعو حسن عمر العوض ومعه نفس الفكى صاحب رواية الكنز ومعه ايضا عدد من افراد الشرطه والة حفر ويريد ان يبدا مجددا فى الحفر لاستخراج الكنز ولكن هذه المره تصدى لهم ابناء المنطقه وكادوا ان يشتبكوا معهم لولا تدخل بعض الاشخاص , بعدها تقدم ابناء المنطقه بشكوى الى معتمد حلفا الجديده وكانوا يريدون ان يوصلوا الموضوع الى اعلى الجهات ولكن تدخل المعتمد واقنعهم بان يتركوهم يحفروا واذا خرج الكنز يكون نصيب القريه النص وحرروا اتفاق على ذلك بشهادة المعتمد الحالى وبمعرفة الشرطه وجهاز الامن فى حلفا الجديده, اها من ديك والجماعه شغالين حفر فى البيت لقايت ما هدوا البيت اخيرا والناس مستنيه وقاعده وانا بستغرب كيف يصدقون كلام دجل وشعوذه اهو مستنين الايام القادمه ماذا سوف يحدث

حلفا محتاج للإصلاح زراعى هههههههههه من الكنز ياجماع نتمنا توزع 21 طن من ذهب على هذا الإصلاح ولا على المسئولين كمان

لى متين الكيزان يعيشوكم فى الوهم دا …..ان شاء الله يطلع قصدير حلاوة… لانه ونحن فى الأولية عند ترحيل اخوانا الحلفاويين … عندما مر القطر بكسلا …. طلعونا من المدرسة وأعطونا صناديق حلاوة … اذكر فيها صورة عبود….ان شاء الله يطلع قصدير حلاوتنا 

هههههه الجن بداوي الا كعبة الاندراوة يا ناس اتقوا الله معقول الازمة الاقتصادية وصلت الناس الدرجة دي لو الكلام ده صحيح كان زمان القرية دي باعوها لقطر و الجماعة قبضوا الكوميشن و حولوه ماليزيا كمان

تعرف ياابن دغيم يامنافق يادجال انت لو طلع الذهب انا حااجى اطلع لك عيونك ديل اصلك بعين واحده نجى نتمها لك مره واحه عشان تكون شاهد ماشفش حاجه

21 طن بس حتحل مشاكل السودان وههههههههههههههههه…ديل عالم معاتيه ومخابيل ومجانين

كنز شنو دة كلو دجل وشعوذة وكم من الخليجيين تم عليهم النصب بهذه الطريقة وذهبت اموالهم في ايادي الدجاليين والغريب في الامر ان التشاديين والنيجريين يمتهنون النصب والدجل في دول الخليج باسم السودانيين

والله هذه حكايه تضحك الغنمايه ,, ناس الحكومه زتهم جارين وراء الخزعبلات ,, طيب المواطن الغلبان يعمل شنو ؟؟؟؟؟

سيد الرايحة بفتح خشم البقرة

اسمعوا يا جماعة لو الدهب دا طلع صحيح واذا كان فى صفائح طحنية ومقفولة . بقول ليكم دا ذهب جدى حاج قرشى من الحلاوين دفنو من فتره طويلة زمن كان الحج بالجمال وطلع من الحلاوين قاصد مكة للحج وهو فى الطريق دفن كل الذهب بتاعو فى المنطقة ما بين مدنى وكسلا يعنى اى ذهب تلقوهو فى صفائح ومدفون فى الارض دا حقنا نحنا والبلقاهو نحنا بنديهو عشره فى المية حقو القانونى ولو الحكومه اخدتو بنشتكيها للامم المتحده وتجيب لينا حقنا .الكلام دا حقيقه وانا ما بهرج ولو المعتمد اتصرف ولا الوالى او اى واحد من ناس الحكومة نحنا ناس الحلاوين مستعدين نشيل السلاح وندافع عن حقنا والله والله طريق مدنى الخرطوم الراجل يمشى فيهو بنقفلوا لحد ما ناخد حقنا .والله من وراء القصد
ونحنا ما عندنا مشكلة لو الذهب اتوزع بين ناس المنطقة .لكن لو الحكومة شالتو نحنا عندنا كلام تانى.

ابو العفــــــــــــين والمصـــــــــباح الســــحرى
اقوى الا فلام الهندية ممنوع الدخول للبدون قنابير والصحفيين
والوطنيين والبوزعوا البتاعات والبتاع
كتب السيناريو : عبد الرحيم حمدي
بطولة : النائبة المخضرمة فلانة كابور
والفنان المحبوب خالس : كيسرا وزيري
ونخبة ممتازة من تماسيح بني كوزية
الدعوة عامة والدخول مجانا و بعد ذلك التامل في الخروج
يحتمل بي اورنيك 15 ( خارج الرحم ) – الرحم ده ما عندو
علاقة بالبتاعات والبتاع بعاليه

سال من شعرها الذهب وطبعا لمن يسيل بيتجمع فى حفره ولمن محمد على باشا رسل جيشه لاحضار الذهب من السودان اهلنا حرقو الجيش وضربو البطانه وبالتحديد فى حلفا الجديده الزمن داك ما معروفه لكن الخرائط تشير لمكان المنزل ولمن جابو الاجهزه قعدت نكورك ولانها اجهزة انجليزبه بتاعه فتنه اتجمعوا الحلاويين والجعليين والحلفاويين وطلعوا السيوف وننتظر دار فور جديده من اجل الثروه وحدثنى احد الاشخاص بان الذهب بيرفعوا فيه بالبلدوزر لمنزل احد المسئولين

اهلنا فى حلفا الجديدة ناس بسطاء جدا جدا معقول فية دهب بهذة الكمية والناس والحكومة نايمة هذة اضحوكة لهم علشان يعيشوافىى الوهم زى مارحلوا من وادى حلفا ايام عبود وسيرحلوا من القرية بدون دهب ياناس كونوا عاقلين وافهموا اللعبة كويس وسلام يا اهل جبر ياحلفاوين ياطيبن لكم الفاتحة بالصلاح.

اذا كان ناس الحكومه وناس اللجنه صدقوا كلام العراف فقد دخلوا في حديث الرسول صلي الله عليه وسلم حيث قال الرسول صلي الله عليه وسلم (من أتى عرافافصدقه بما يقول فقد كفر بما انزل علي محمد)