حزب البشير : الإعلام يصوّر رفع الأسعار بـ(الكارثة)

طبعاً ناس المؤتمر الوثني تعودوا على المكابرة ومخاطة الواقع ، وهم في هذه أسوء بكثير من بني إسرائيل . لكن نقول معاهم حق في هذا العناد والمكابرة ، لأننا ببساطة طولنا لهم حبل الصبر أكثر من اللازم . بمعني أن صبر الشعب عليهم فاق صبر أيوب بمراحل كثيرة الأمر الذي جعلهم أكثر اطمئناناً بأن رفع الدعم غير الموجود أصلاً لن يحرك فينا شيئاً تجاههم. ونتمنى أن يبقوا على عنادهم وأوهامهم حتى يكون ذلك سبباً في كنسهم 9595

السيول والأمطار وإزهاق الأرواح في نظر الحكومة ما كارثة رفع الدعم عن المحروقات ما كارثة ياربي تعريف الكارثة في مصطلح الحكومة شنو أن لم تكن هذه الحكومة هي عين الكارثة

حزب البشير : الإعلام يصوّر رفع الأسعار بـ(الكارثة)!!!

ــــــــ
الإعلام ما ليو حق والله.. دي خطوة لذيذة ياخخ .. ما تشتغلو بالإعلام ديل ناس حاسدين ساي.. واصلوا طوالي.. انتو الزيكم منو؟ في حاجة زغمبروووووووووتة كدا تذكروها.. حاولوا بس أعرفوا ح تقابلوا الله متين بس عشان يمكن يكون في سؤال أو استفسار أو محاسبة كدا وللا كدا.. أما إحنا ديل فأمرنا ساهل وهين ومقدور علينا وأديكم قاعدين ربع قرن مافي زول فينا عمل ليكم أي ضيق أو تهديد.. خليكم تفاتيح… (العصرة) بفتح العين وتسكين الصاد بعديييييييييييييييين ما هسع

ارفعوا الدعم عشان توفروا مال كافي لمخصصات الدستوريين و الزلنطحية و لشراء الذمم … زمان ناس قريعتي راحت قالوا انفصال الجنوب سيؤثر على الاقتصاد ، قلتو لا ما حيؤثر ، أها عرفتو متأخرين زي حكاية الحمار يفهم النكتة بعد سنة …. قال إيه : و اتخذنا الإجراءات السليمة في وقتها، لم نكن نحتاج لمواجهة الفجوة التي نعيشها الآن، سيما وأن كل إيراداتنا من النقد الأجنبي لا تصل إلى أربعة مليارات في الميزان الخارجي”……هههههها

قال حسن طه ( ان حدوث الازمة الاقتصادية العالمية في مرحلتها الثانية في اوربا و غيرها اثرت في الاقتصاد السوداني )
السودان تدهور الانتاج فيه بصورة مريعة مثال :
القطن تقلصت المساحة المزروعة من 800 الف فدان عام 1989 الي 38 الف فدان عام 2013 –
علي ذلك قس بقية المنتوجات الزراعية و الحيوانية .
يعني السودان لم يعرض منتوجاته في السوق العالمي و لم يجد مشتري او كانت الاسعار متدنية مشكلة السودان الحقيقة لا توجد به منتوجات اصلا .

الكارثة الحقيقية هي المؤتمر الوطني نفسه! ما سيقوم به المؤتمر الوطني هو زيادة أسعار المحروقات فقط أما سوى ذلك، تخفيض الإنفاق الحكومي، مثلاً، فلن يتم تنفيذ حرف منه! المؤتمر الوطني يريد زيادة الأسعار ليحافظ على الرفاهية التي يتمرغ فيها بمشقتنا نحن، فكيف يخفض النفقات؟ عندما يفكر وزير المالية في رفع الدعم فإنه يفكر قبل كل شيء في توفير الأموال لدفع مخصصات ورواتب وحوافز الدستوريين- وهو منهم. إنه لا يفكر قط في كيف سيعيش الناس الذين لا يملكون ما يكفيهم لشراء ما يحتاجونه من أساسيات. وهكذا يفكر البشير، وأعضاء البرلمان بل وجميع الدستوريين. وفي ظل نظام ظالم، فاسد باطش كنظام البشير هذا، والذي لا يبطش إلا بالمظلومين الذين يحتجون على سياساته، ليس أمامنا إلا الدعاء: اللهم إنك سلطت علينا بذنوبنا من لا يخافك ولا يرحمنا، فسلط عليهم بذنوبهم من لا يخافك ولا يرحمهم

لا لا ياخ كارثة شنو؟ ما كارثة ولا حاجة …
ناس الاعلام ديل ما ليهم حق كلو .. كلو
بالغو وشذو لكن ..
الزيادات ورفع الدعم .. اختارو اي اسم سيادتكم عايزنو .. دي حاجات عادية ياخ ..
القروش راااااااااقدة والمواصلات فاضية والاسعار رخيصة والعيش كبييييييير ..
والشعب كل يوم يفك من الحزام درجة لما الحزام اتقطع من التخمة ..
.
.
ياخ عليكم الله في كارثة في البلد المنكوب ده غيركم؟
بلا يخمكم انتو والمعارضة الخايبة دي في يوم واحد ..

الامر لا يتعلق بالاعلام مطلقا
لايقاف الانهيار الاقتصادي الحاصل لابد من فطم المؤتمر الوطني من مال الدولة فقد رضع المؤتمر الوطني كل الحليب الموجود بثدي الدولة بل واكل اللحم والان بقرقش العظام بشراهة غير مسبوقة
ولن يتم الفطم الا ب………………………..