أول مذيعة سودانية في قناة الجزيرة ..ميادة عبده : أنا سودانية.. ولم أزر بلادي إلا مرة واحدة

مبرووووك السقوط …شي لا يشرفني انا كسوداني مثل هذا الخبر ..نحن ناقصين تبرج وفساد ..الله يهديكم ..الناس ما لاقية حق الاكل والشراب والعلاج وتشغلونا بي خبر زي دا ..قال ميادة قال ما تشتغل في الجزيرة او في اي مصيبة نحن نستفيد شنووو من خبر زي دا

ما لها بقت شو ما هي زاتا خلاص تطلعت في الجزيرة خلاص تحررت من شيطان الانقاذ؟

الجزيرة قناة والعربية هما قناة عنصرية لا تتحدث عن دارفور ولا مناطق السودان المهمشة لكن لو قتل طفل او انجرح شاب فى فلسطين تكرر النشرة مليار مرة

عينوكى فى الجزيرة كويس ما بطال .. بس نصيحة ليكى من أخ لأخته أولا ما تتجلبطى كتير بكريمات تفتيح البشرة عشان تبقى زيهم وبقول ليكى دا خوفا على صحتك .. وأوعى تقبلى يجيبوكى فى الأوقات الميتة فى الصباح بدرى ونص الليل بعد ما الناس تنوم زي ما كان بيعملوا مع الزبير فى بداياتو ودى كمان لو طلعوكى على الهوا وأكيد بعد شوية حيودوكى فى قسم التقارير المرفقة مع نشرة الأخبار صوت فقط بدون صورة برضو دى عملوها مع جميع المذيعين السودانيين بدون فرز وأخيرا اتحشمى كويس يا حرمة.. ونتمنى لكى حظا أوفر مع جزيرة الاتجاه المعاكس

الزبير نايل ارتكب خطأ مهني لا يقع فيه مذيع مبتدئ
عندما كان في زيارة للسودان طلب منه تقديم نشرة الاخبار، نظام قشرة وكده
عندما عاد لقطر تمت مسألته مذيع محترف في قناة كيف يقوم بتقديم نشرة اخبار وهو مرتبط بعقد مع قناة اخرى.

بعض المذيعين السودانيين يملكون حناجر ذهبية وصوت رجالي مميز مثال العم العزيز ايوب صديق، لكن رهبة الشاشة تجعلهم يفضلون الاذاعة على التلفاز.
كل التوفيق للمذيعة ميادة ، فقناة الجزيرة الاخبارية هي القناة العربية الوحيدة التي تستطيع مشاهدتها في كل قارات العالم.

مع مودتي

هو لسه فى قناة اسمها الجزيرة

شكلها مززززززة خالص واكيد بالص

مبروك و اتمنى لها التقدم ولا يهم انها لاتظهر فى اوقات الذروة الآن فالمهم انها وجدت الفرصة لتثبت قدراتها و اتمنى ان تكون فخرا للسودانيين كزينب بدوي في ل بس بي سي و نعمة الباقر في الس إن إن

لعلكم جميعا نسيتم برنامج “الحريق” الذي قدمه اسلام صالح فى العام 2003 عن دارفور وبعده اشتعلت الحرائق في دارفور ولم تهدأ ابداً ؟؟؟
اين اسلام صالح ذلك ليته يتحدث بعد عقد من الزمان ويفتو لينا زي مافتاه بخيت لي بتو ؟؟؟

انا شاكك انه دارفور دي كلها مدبرة زي حكاية داعش دي …

وانا مالي ؟؟؟

مبرووووك…لكن يا بنتي لو مشيتي لناس اسكاي نيوز عربية ما كان أحسن؟؟؟؟؟ أنحن مكجنين الجزيرة دي طبعا…

يا إخوانا نحن في السودان تعليمنا قائم على التلقين وينقصنا التدريب الجاد والتأهيل مثلا : الزبير نايل عندما غادر التلفزيون السوداني كانوا يقرأون الأخبار مطالعة ليس فيها حوار مباشر خد وهات وهذه مهارة مكتسبة وليست مكتوبة تقرأ ولذلك فشل ، كذلك هيمنة عرب شمال أفريقيا والشام على القناه موجودة، كذلك تجارب المذيعين العرب مع كثير من وسائل الإعلام العالميةالمتميزة مثال BBC وغيرها جعلتهم أكثر تميزاً وحضوراً ، أما تقديمها لنشرة السادسة صباحاً فهى مقصودة لذاتها لأن هذه الفترة الأقل من حيث عدد المشاهدين ، حتى تثبت جدارتها ، أما سياسة قناة الجزيرة الإخبارية فقد إنحرفت بمقدار 180 درجة فهى صارت إخوانيه أكثر من الإخوان أنفسهم ولذلك إنفض المشاهدون منها على الأقل السودانيون لأنها منحازه للحكومة وتداري سوءآتها لدرجة (القرف)

قناة (المديدة ) بتاعة التنظيم العالمي للكيزان (الحمساوية) بات لا يشاهدها الآن الناس دعك من السودانيين
فالمصريين يقاطعون هذه القناة الغير محايدة طبعاً ده حال الخليجيين منذ أمد بعد إنكشاف دورها ومن يديرونها
ومن يتحكمون في برامجها .

السلام يا شباب اول حاجه أحب ابارك لبنتنا مياده وأقول ليها الف مبروك ولقدام انشاء الله
تانيا المسأله بتاعة قناة الجزيره بتدعم النظام السوداني فدي عندي عليها ملاحظات منها عمرهم ما جابوا سيره لانه السودانيين اول من ثار في المنطقه العربيه أبداً ما جابوا ليها سيره حتى لما بدا الربيع العربي عملوا تقرير عن الثورات في العالم كله من الفرنسيه للرومانيه للثورات الملونه في دول الاتحاد السوفياتي أبدا ما جابوا سيره للسودانيين لا اربعه و ستين ولا خمسه وتمانين وانا كنت باتابع قناة الجزيره مخصوص اشوف هل بيجيبوا لينا سيره ولا لأ لحدي ما جابوا ليها سيره في واحده من النشرات ولما جات النشره الجايه غيروا التقرير و جابوه بدون ذكر الثورات السودانيه مع انه الأخبار حقت اليوم بتقعد يوم كامل و اكتر شي آلمني انه ألكان بيذيع الزبير نايل ، لما حصلت الاحتجاجات في الخرطوم والمظاهرات طوالي جابوا في برنامج تحت المجهر حلقه عن الثوره السودانيه اسمها ( ضد العسكر ضد عبود ) وفي الأسبوع البعده طوالي جابوا حلقه تانيه من برنامج تحت المجهر بعنوان ( ضد العسكر ضد النميري ) سبحان الله حلقتين في أسبوعين ورا بعض ؟؟
قناة الجزيره ما أظن والله اعلم انها مع النظام لكنها بس ( احرف ) من باقي القنوات بتجيبها بالبارد مازي ألعربيه شغاله بنظام ( البيرقص ما بيغطي دقنه )
أكرر التهنئه لبنتنا مياده و نتمنى ليها التوفيق وأنها تمثلنا تمثيل جميل .

و المستشارة القانونية المتميزة إيثار ابوطه إبنة مدينة الدويم بالنيل الأبيض منارة العلم فى السودان التى تحتضن معهد بخت الرضا و الذى أمتد الآن ليحوى جامعة بخت الرضا و هو أقدم و أعرق معهد تربوى بالسودان و القارة الأفريقية و للمنطقة العربية، إيثار قانونية فذة عملت لفترة بالولايات المتحدة الأمريكية و منطقة الخليج و السودان و هى خريجة كلية القانون جامعة الخرطوم و التى نالت شهاداتها العليا فى القانون من الولايات المتحدة الأمريكية…