خلافات بالجزيرة حول التشكيل الوزاري ورفض تقسيم المناقل لمحليتين
ودمدني: عمران الجميعابي
تصاعدت الخلافات دخل أحزاب حكومة الوحدة الوطنية بولاية الجزيرة عقب إعلان التشكيل الجديد لحكومة الولاية، في وقت أعلنت جميع القطاعات ومواطنو 4 وحدات إدارية رفضهم الانضمام إلى محلية القرشي الحديثة.
وقال القيادي بوحدة الماطوري ورئيس اللجنة المالية بتشريعي محلية المناقل السابق محمد الحسن الحسين إن قرار تقسيم المحلية إلى اثنين تم دون استشارة القواعد والجماهير ودون رغبتهم، وكشف عن اجتماع عقد أمس، بالوحدة الإدارية لقيادات الماطوري أعلنوا فيه رفضهم تقسيم المحلية إلى اثنين وضمهم إلى القرشي، مبيناً أن القيادات أعدت مذكرة سيتم رفعها لرئيس المؤتمر الوطني بالولاية تطالب فيها بإنشاء محلية الماطوري، وهدد في حال عدم الاستجابة برفع مذكرة للمركز تتطالب فيها الانضمام إلى ولاية النيل الأبيض الدويم .
السوداني
يجب علي مدينة ودمدني اعلان الجهاد ضد الوالي المتخلف يعني الجزيرة لم تلد غير يوسف الزبير تاريخه الأخلاقي ملطخ بالعفن
احسن حاجه كل قريه تبقى محليه ويكون عندكم كم الف معتمد وكل محلية تنضم للولاية البتريحها يعنى ناس ابوقوته ممكن انضمو لولاية سنار وناس معتوق لولاية كسلا ما بفرق بعد المسافه والموقع الجغرافى الوالى ذاتو ممكن انضم لدوله تانيه ماهو والى لكن بلقى ليهو دوله تقبل بيهو امكن عسى ولعل
وبعدين ناس القرشى يقفلو موية الكنار والترع الماشه معتوق لانو معتوق تابعه لى كسلا وناس جلوكه تابعين للوحده الاداريه بتاعت البعاشيم يدفعو رسوم عبور لناس الحفائر التابعه لمحليه الفخاخير عشان ناس الماطورى يزرعو فول ويحصدوهو سمسم فى امشديده لانها تابعة لولاية القضارف
والله لا انا فاهم حاجه ولا انتو فاهمين حاجه بس الوالى واطرافه فاهمين كل حاجه طيب اعملو اى حاجه فى اى حاجه عشان نحن نفهم حاجه
بالله البفهم حاجه يفهمنا حاجه
انهارت الجزيرة المشروع الزراعى
وانهار قبلها المشروع الحضارى
وجاءت ثالثة الاثافي الجزيرة الولاية
الوالى فى وادى والمواطن فى وادى اخر
اللهم انا لا نسالك رد القضاء ولكن اللطف فيه