أمام مؤتمر حزبه ..البشير يكشف عن أفكاره من أجل التغلب على الأزمة الاقتصادية الحادة.. البشير : يجب تقليل الضغط على الجنيه السوداني الذي يتهاوى أمام الدولار.

الله غالب بس انا ما شايف حل خالص خالص خالص

عابر طريق
فيصل اسحق
قرأت الكثير من مسخريات ساخرنا المسطول الكبير الفاتح يوسف جبرا لدرجة أنني وبشلاقة غير معهودة قررت ان اصبح مسطولا جديدا يضاف الي ملايين المساطيل الموجودين في بلادي.
ولأنني اعتقد ان ساخرنا الكبير فنان من الطراز الاول فلا بد لي من تقليد فنانياته لان تقليد الفنانين عندنا اصبح شي طبيعي وبزنس من الطراز الاول. وعشان كدة قلت كدي خلينا نقلد ويمكن في لحظة كدة اصبح شبعان قروش وراكب همر في شارع النيل. لانو المعروف ان المبدعين الكبار ما عندهم التكتح بينما المقلدين الصغار شبعانين شرتيت لدرجة انو واحد منهم نزلوه علي خشبة المسرح القومي بي وِنش عديل كدة ودي حقيقة بالمناسبة.
واحد تاني جا خاشي الصالة محمول علي كرسي المانجُلك وكان يحمله اربعة أشخاص. والمابعرف المانجُلك ممكن نشرح ليهو شوية كدة هنا.
المانجُلك دة كان الاسم البِطلِقوهو علي ملوك السلطنة الزرقاء ومعناها حسب أستاذنا الكبير عثمان بك، دمج لكلمة مانجل الا اياك.
المهم الفنان داك قعد في الكرسي دة وقامو شالوه اربعة تنفار وخشو بيهو الصالة.
يعني إتخيّل صاحبنا دا قلد ليك المانجُلك وفاتو زاتو. لانو المانجُلك سلطان السلطنة الزرقاء العاملة شنّة ورنّة ما كان عندو ناس بشيلوهو.
عشان كدة يعني في بلادنا وفي زمن العجايب اصبح التايواني احسن بي كتير من الياباني.
ولكن ماتخاف يا مسطولنا الكبير الفاتح جبرا، يعني لو ربنا فتحا علي كدة وبقيت مرطب، برقعك معاي انشالله بي عربية سوناتا كدة.
وبمناسبة المسطول دي قال ليك أخونا الفاتح جبرا يوم كدة مشي ليك الشغل الصباح ولقي واحد معجب كدة خاتّي ليهو هدية في الريسيبشن بتاع الجريدة. ولامن دخل المكتب وفتح الهدية لقاها كم سجارة كدة ملفوفة ومكفّنة جاهزة.
يعني شوف المعجب دة لانّو متأكد انو الفاتح جبرا دة بركب الفيل، جاب ليهو هديّة من نوع ابوكديس عشان يزيد الإبداع بتاعوا.
المهم صاحبنا جبرا قال انو أخد القصة دي وجري رماها في سلّة النفايات. طبعا لازم يقول كدة لانّو الكلام دة قالو في حوار صحفي.
ولشدة إعجابي بالزول الذي جاب الهديّة واقتناعي بنظريّته بان صاحبنا جبرا كِييف كبير، امضيت عدة ايام وانا ابحث عن الكيف وأخيرا وجدت القليل منه واخدْتّ ليك كم نَفَس كدة وبدأت بالتقليد طوالي.
المهم وبعد ما البتاع بدا يدي ليك مفعول كدة، دخلتا ليك الراكوبة وقعدت اقرا ليك في العناوين الرئيسية. وبالناسبة دي انا ما قاصد ليكم الراكوبة الفي بيتناً، أنا بقصد الركوبة بتاعة العولمة وسبحان الله ماقلنا ليكم دة زمن العجايب، راكوبتنا دخلت ليك الشبكة بتاعت ابونشبش دة وبقت تجيب ليكم اخبار القصور والفلل بتاعت الجماعة الياهُمّ زاتُم.

اها لمن قريت ليك العنوان بتاع فلل وعمارات ضابط الأمن الاِسمو عبدالباسط حمزة وللوهلة الاولي افتكرت إنُّو الراكوبة دي شكلها كدة غَيْرانة ليك من الفلل وكدة. ودخلت ليك جُوّة كدة وطبعا اول حاجة عملتها ليك بعد ما اخدت نفس كدة، وطبعا البتاعة لِسّة ما طفت. لكن السجارة دي شكلها من وادي ازوم في دارفور. لانها سريعة المفعول.
المهم اول حاجة عملتها كشّفت ليك كدة في الصور بتاعة القصور والفلل.
فلل وقصور باللون الأصفر وجميلة جمال ما عادي. وطبعا قبل ما اقرا ليك الخبر بدأت اقرا ليك تعليق الجماعة القُرّاء المحروقين في حشاهم. شوف يعني بديت اقرا ليك من تحت لي فوق. ماقلت ليكم قوية المفعول؟
لقيت ليك الجماعة زعلانين ومنفوخين وبعلِقو ليك علي الخبر. طبعا كل واحد بذكر ليك انو الجماعة ديل كانو وين وهسٌا بقو وين. مغيّر الأحوال من حالٍ الي أحوال. وفي واحد كدة من السعودية كتب ليك : ( يا جماعة الكلام دة لو في السودان ماتشوفو لينا اقامة عشان نرجع)
يعني شوفو نحن وصلنا ليك وين، ود البلد زاتو ما فاهم الشي الحاصل في البلد ومفتكر انو دي بلد محتاجة اقامة وعقد عمل وكدة عشان يمشي يشتغل فيا. لانو بقت فيها قصور احسن من الموجودة في جدة زاتو. تقول لي سعودية؟.
طبعا أخونا دة برضو أكيد يكون انسطل. وبالناسبة ممكن انت برضك تنسطل بدون سجارات. كل ما عليك فعله هو الدخول الي الراكوبة والنظر الي الصور.
تحذير: شوف الصور وبس لو عايز سطلة مجانية وما تقرا الخبر لانّو بِفِك ليك السطلة وكدة تكون طلعت ملوص.
المهم الشي دة كلو بيحصل عندنا وعلي عينك يا تاجر ولا حسيب ولا رقيب والماعاجبو يلحس كوعو وبس. وطبعا وبحمد الله تاني مافي تقطيع أوصال لانُّو صاحبنا البقطع الاوصال الله قال بي قولو وزلاهو فاصبح (مطعطع) الراس لدرجة انو راسو نزل تحت لامن قدر يلحس ركبتو.
اها الجماعة ديل لاحسين ليك البلد ومقدراتا وعلي( مرعي ) من الجميع ولمن نقول الجميع طبعا بِشمل ليك هيئة علماء السودان برضُم.
الجماعة بتاعِن الهيعة ديل وخطباء المساجد زي ما قال أخونا المسطول الكبير جبرا شيّلو ليك ندي القلعة مسئولية بلاوي السودان. ندٌوية الطيبة والعلي نياتا، الدافعت عن الجواز السوداني وقاطعت حفلة عرس ولد ادريس دبي لانّو الجماعة ديلك اهانوها في مطار تشاد وزعلت لامن طللّعت ليها اغنية في الجواز السوداني، اصبحت بين الدُّغُشية وضحاها سبب بلاوي البلد.
ندَّوية دي لو سمعت إنُّو ناس البوليس لِقو تُلتُمِيَّة جواز سوداني في الكٌوشة بتاعت بورسودان، ممكن تعمل ليكم شريط كامل بتاع حسرة وزعل، اصبحت سبب بلاوينا.
يعني زي ما إتساءل المسطول الكبير عن مواصفات العلماء وكدة أكيد في ناس كتيرة مفتكرة انو ابو دِقن البتكلَّم في التلفزيون هو العالِم وبس.
يعني هاك دة (مِسال) ، لو جبتا أخونا المعز عمر بخيت في التلفزيون وقدَّمتُو علي انو عالِم، أكيد في ناس كتيرة حتستغرب وتقول دة عالِم شًنو دة كمان الما عندو دِقن دا. لو قلت ليهم عالِم المُخ والأعصاب، تكون طمبجتا بالمرّة كمان.
عشان كدة احسن تقول البروفيسر وبرضو حتعمل لينا شوشرة في مُخّنا لانّو حنربُطا بي البروفيسر الحِبِر يوسف.
آها أنا هسّا سرحت والبتاعة زاتا سرحت لامن انطفت. لاكن مامشكلة نخُشّ ليك الراكوبة ونكشِّف ليك ليك تاني في صور القصور عشان نواصل ليك الإبداع وكدة.
ناس هيعة العلماء ديل يا سيدي طبعا ما شايفين ولا سامعين بالحاصل في البلد. ديل بشوفو ليك بنطلون لُبني واسكيرت الطفلة الجنوبية سِلفا وحاجات زي دي كدي ولاكن لو قلت ليهم افتونا في مسعلة القصور دي يقولوا ليك رب أنعمت فزد.

نصيحة : ما دام ما صبرنا واحد وعشرين سنة، ممكن تاني نصبر عشر شنواتٍ عجاف وأُخرُ يابسات والناس ديل شكلهم كدة قرّبو يشبعو. يعني خلوهم كدة لامن يشبعو وبعدين ممكن يخلُّ

توسيع قاعدة الضريبة..فضل منو ما دخلتوه جوه القاعدة الضريبية الواسعة جدا…ياخ مين يصدق طلب الفول المزروع هنا ما فى كاليفورنيا بقى بتلاته جنيه….يعنى بعد ده الا تشيلوا ضريبة من الشحادين و ستات العرقى

الركون الى الرأسمالية الفجة مدمرة لدول العالم الفقيرة والتشيع بالاشتراكية الذابلة طاردة للأستثمارات المحلية والاجنبية وما بينهما يحتاج الى مفكرين وخبراء نادرا ما تجود به الدول الفقيرة التي تفتقد الى روح المبادرة الحقيقية بدون النفس الشخصى والطموح الذاتي والكسب من وراء الافكار . الاقتصاد صنيعة بشرية . هل من الممكن المزج بين الاقتصادين ونفخ الروح الاسلامية في ذلك المزج وكيف سيكون الجنين

وقال البشير "هناك عطالة ولا توجد فرص عمل في ذات الوقت الذي نعاني فيه من زيادة العمالة الوافدة والتي تخلف اثارا اقتصادية واجتماعية. هذه من المشاكل التي نريد لها حلا."

بالله ودي اكتشفتها كيف ياعبقرينو من راسك ولا من كراسك ، وان شاء الله انت العاوز تحل مشكلة البلد الاقتصادية بما وهبك الله من رجاحة عقل وذكاء ، قوم لمها

الحمار :
حيوان كريم يعطي اسمه …
للكثير من الناس دون مقابل …

معليش كل شى من غير دراسه من غير جداره ومحسوبيه هذا الذى وصل البلد الا هذا الماذق ناس فى السماء وناس فى الارض كل من يعرض يا وزير يا مستشار الريس البلد مرقت من الايادى عطاله =عماله اجنبيه=فقر=مرض=تدهور وزارت الصحه تدهور وزارت الماليه (واحدمن الحراميه يقترح يرجع القروش السرقو كلهم لكن خايفين من الفغر ام يخافو من زوال السلطه دوام الحال من المحال )