وزير السياحة يتوقع استقبال مليون سائح بالسودان
توقع وزير السياحة والآثار والحياة البرية في السودان م. محمد عبدالكريم الهد، أن يرتفع عدد السياح الذين تستقبلهم بلاده إلى مليون سائح خلال العام الجاري 2014، مؤكداً افتتاح بعض المنشآت قريباً ضمن البرنامج القطري لترميم الآثار.
ونفى الوزير في تصريحات نشرتها يوم الأربعاء وكالة السودان للأنباء ما تداولته وسائل إعلام عن دور سلبي للجارة مصر يهدف إلى عرقلة مشروع تأهيل الآثار السودانية الذي تتبناه دولة قطر.
وكان عالم آثار مصري اعتبر في تصريحات نشرتها وسائل إعلام مصرية أخيراً، أن قطر بتقديمها عرضاً للسودان لإدارة آثاره محاولة لضرب السياحة المصرية بطريقة غير مباشرة.
وقال الهد إن ما تردد حول هذا الأمر عار من الصحة، وإن العلاقات بين الخرطوم والقاهرة تسير بصورة ممتازة.
تنمية الآثار
وأضاف وزير السياحة والآثار والحياة البرية قائلاً “إن مصر لم تتدخل بصورة سلبية للتأثير على مشروع تنمية الآثار في السودان”.
وأشار إلى أن هنالك تعاوناً تاماً بين مختلف الأجهزة بين البلدين في مختلف مجالات التدريب في المجال.
وأوضح الهد أن المشروع القطري السوداني للآثار يسير بصورة ممتازة بولايتي نهر النيل والشمالية شمالي العاصمة الخرطوم، مؤكداً أن افتتاح بعض المنشآت سيتم خلال العام الحالي، معتبراً أن المشروع حقق أهدافه الكلية.
ولفت الوزير إلى أن مهرجان السياحة والتسوق الثاني الذي أقامته بلاده أخيراً شاركت فيه عشر دول وحقق كثيراً من الإنجازات للسودان لأنه يمثل جاذباً سياحياً بموارده المختلفة المتجددة بالإضافة إلى الترويج للسياحة عبر الشركات الراعية.
شبكة الشروق
لقد ذكر ان السواح قد قالو له ان زيارتنا للسودان هى اجازة من شرب الخمر , اين هى مقومات السياحة فى السودان وبعد ان يذهب الفوج السياحى للبركل ويعودفى اليوم التالى ماذا سيفعلون بعدها , هل سيذهبون لزيارة سد مروى ؟ اعجوبة الزمان السودانية .
اين هى الفنادق والمنتجعات السياحية التى سيقضى فيها هؤلا المليون سائح الليل , ام سيصدر توجيه بفتح المساجد وتنظيم حلقات التلاوة الليلية , لماذا لا تاخذونهم الى الشيخ دفع الله حسب الرسول ليروا واحد من عجائب هذا الزمان ( رجل من العصور الوسطى يعيش فى القرن الحادى والعشرون) اليس هذا بالله عليك مورد سياحى مهم ويمكن ان يدر عليكم عملة الكفار( الدولار) , لماذا لا تاخذونهم لشيخ الكارورى ليعطيهم دروس فى علاقةالفيزيا وعلم الذرة بالاسلام , زيارة السودان بصورة عامة ستكون تجربة للخواخات لا يمكن ان تتكرر ? فلياتو الى السودان ليروا بام اعينهم دولة يحكمها مهوسيين ودراويش فى خلطة مع لصوص وجهلة,
ولكن الذى غاب غلى الوزير الشيخ ان فرق سعر الدولار فى السوق الاسود كبير جدأ جدأ مع السعر الرسمى فكيف يستطيع الوزير الشيخ ان يحصل على دولاراتهم بالسعر الرسمى .
مليون سائح , انت بتحلم ,الغريبه دي صورتك شكلك ماسياحي كيف تكون وزير سياحه,شكلك قريب من رجال طالبان ده راي
اجزم ان سعادة الوزير يعتقد أن المليون يتكون من 3 أصفار فقط
النبي نوح صلى الله عليه وسلم لو كان حي لا يجوز دعاءه كيف وهو ميت
**الزول الفي الصورة ده وزير سياحة !!!!
** مليون سائح .هيع هيع هااااع قول مليون جنجويد اليومين دي..
عندما تنظر لهذا المحيا “المتوضيء” تتوقع أن تنهال علينا أفواج السياح من قندهار ولاهور وصحاري مالي وغابات شمال نيجريا فمرحبا بالسياح من طالبان وقاعدة شمال أفريقيا وبوكو حرام.
يا جماعة مستغربين ليه الزول دة قبل كدة قال على السواح أن يمتنعوا عن شرب الخمر عند زيارتهم للسودان ويمكنهم بدلا عن ذلك شرب لبن الأبل،، أى والله،،
ومرة تانى قال إنه لم يدخل المتحف القومى إلا بعد أن صار وزيرا للسياحة،، يعنى هو أساسا وكأنصارى سنة لا يؤمن بالآثار،، أها ليه هو طيب مهتم اليومين دول بالمنحة القطرية وتنمية الآثار فى الشمال؟؟ المسألة واضحة يتمثل فى الدولار الما خمج،،
الزول دة مرات بتكلم سايت وكأنه واقع من جمل.
ممكن واحد يكلم الوزير ده انه آلاف الجنوبيين و الإثيوبيين الموجودون حالياً في السودان و الذين سيأتون من نفس المناطق هم ليسو بسواح بل لاجئين و ما يحسبهم ضمن المليون سائح.
يا النبي داووود
السيد وزير السياحة ذكر أنهم يرقبون زيارة مليون سائح للسودان خلال عام 2014 … المليون سائح ديل من طالبان ومن مجاهدي (دولة العراق والشـام) … أخجل … موية ما عندكم … وبعدين السـواح ديل عاوزين بيرة ووسكي عديل … كمان فنادق راقية … وبأسعار معقولة … يا أخي الهد … اليهد حيلك … أولاً أحلق دقنك الشينة … خليك وزير سياحة بمعني الكلمة (قيافة + وجيه)… مش (ســروال أبو تكه وعراقي) دي ملابس خاصة بالبيت والحلة … ما ممكن تمشي للوزارة (أي المكتب) بالملابس بتاعت البيت إلي العمل… وبعدين شوف الســواح بيجيوا كيف….
احلى تعليق النبى نوح عليه السلام مليون حته واحدة كتر الكسرة وام بق بق
يا جماعة ديل مش مليون سائح ديل مليون من جماعة الأخوان المسلمين من مصر ، سوريا ، ليبيا ، مالى ، أفريقيا الوسطى ، الجزائر ، اليمن ودول الخليج ( قطر ) سيتم ترحيلهم حسب إتفاقية بين تميم والنظام تم على أثرها تسليمهم ( وديعة المليار دولار ) وستتم حملة تعطيش لسكان ولاية الخرطوم شديدة بغرض التطفيش عشان تفسحوا للضيوف الجدد فى مجالس ولاية الخرطوم
طبعا السياحة دى لها مقومات وهى
الطقس ، بيئة سياسية مسجلة ومعتمدة رسميا لدى اليونسكو ، بنية سياحية تحتية من قاطرات ومركبات وطائرات ومترو أنفاق وطرق مسفلته توصل الزول مقصده ما توديه لقبره ، فنادق 5 الى 7 نجوم مزودة بأحواض سباحة وملاعب تنس وغيرها ومسحات خضراء للجولف وبارات مزودة بكل أنواع الخمور الأجنبية والماكولات العالمية من جميع انواع المطاعم الصينية والفرنسية والأسبانية والإيطالية ويشرف على إدارة كل ذلك طاقم سياحى مقتدر من شباب وشابات وإنتو عارفين لمان يقولوا سياح نحن لا نعنى سياحة ناس ايلا فى بورتسودان دى مو سياحة دى صياعة أمحمد عاطل فى عطبرة وجيبه فاضى يقوم يسطح فى القطر وينزل فى بورتسودان عند ود عمته ابراهيم فى ترب هدل ويمشى يصطف مع عشرات الألوف البشبهوهو فى حفل غنائى فى إستاد بورتسودان يشرفه السيد الوالى دكتور محمد طاهر ايليا – أمحمد وعشرات الألوف من أمحمدات الجات لبورتسودان لو جمعتهم كلهم على بعض فى جيوبهم مافى 200 جنيه – يجى ايلا يقول لك الموسم السياحى كان ناجح
السياحة الحقيقة لو ماعارفها يا الهد تقيف باخرة فى ميناء بورتسودان على ظهرها 5 ألف سائح ألمانى وفرنسى وبريطانى ينزلوا فى شيراتون بورتسودان يطلعوا فى سفارى بالنهار وبالليل يعودوا للفنادق والمراقص والأكل والشرب والسهر ومكنات الكاشير تسجل – والحسابة بتحسب – تهبط 5 طائرات جامبو فى مطار كبوشية الدولى لسياح أمريكان وفرنسيين وروس ويابانين وصينين يتوزعوا على فنادق كبوشية حياة ريجينسي وكبوشية مريديان وشىء فى منتجع كبوشية وشىء فى سفارى لاهرامات كبوشية والحسابة بتحسب
نجى اخر السنة وزير المالية يقول عائدات السياحة لهذا العام بلغت 8 مليارات دولار – دى سياحة
لكن سياحة ناس أمحمد ود خديجة مسطح فوق ضهر قطر تذكرة ما دفعها عشان يحضر حفل لفرفور ونانسى عجاج دى مو سياحة – دى صياعة وخراب بيوت
بالله عليكم عاينو لى شكل الوزير دى معقول دا وزير سياحة والله انا قايله وزير الأوقاف والشئون الدينية
يا الهد نسألك بالله العلى العظيم هل تسمح لوزارتك عشان تستورد ويسكى وشمبانيا وكورفوازير وبيره
الإجابة قطعا حتكون لا
يا الهد نسألك بالله العلى العظيم هل تسمح للفنادق تستخدم فتيات سودانيات أو أجنبيات جميلات تخدم على الضيوف فى الغرف زى اللى بنشوفه فى بحر دار وأديس ومدن عالمية كثيرة تقدم تنازالات لإنعاش السياحة ومنها الجارة مصر والغردقة وما أدراك ما الغردقة
الإجابة قطعا حتكون لا وما دام إجابتك بلا تأكد أن
النتيجة لسياحتك دى بلها واشرب مويتها
بلدك لا طقس جميل لا بنات جميلات داخل الفندق لا خمور لا أحواض سباحة الجابر الألمانى والطليانى والأمريكانى يجوا لبلدك شنو خاصة وأنت تعلم أن بلدك يعج بعشرات الألوف من الأرهابين ما يصدقوا يلقوا تجمع لأمركان حتى يقولوا لك خلينا ندخل الجنة بقتلهم – يا الهد هل حقيقة أنت وزير سياحة ولك وزارة لها عائدات أم أن وزارة السياحة تصرف عليها وزارة المالية – كدى أقرأ كلامى دا ورد علي
وأنا شخصيا كسودانى لو عندى قروش ما بمشى أتفسح فى السودان وممكن حتى لو عاوز بلد مسلم ممكن أمشى إستبول أو الإسكندرية
فى تقديرى يا الهد وزارة السياحة دى تفككوها والمبانى تعملوها شقق مفروشة لحل ازمة السكن
************** هع هع هع المليون سائح ديل ******* الا يكونوا ناس سائحون و معاهم ناس غازي ***** بعدين يا “الهد” الاثار دي مش اصنام و اوثان و رجس من عمل الشيطان ****** و فرعون كان ملعون ******** و السياح “الخواجات” كفار و مشركين و فاسقين البجوا ولا رايك ثنو ؟؟؟ **********
مليون سائح والسائح نقول حيدخل بالميت كدة خمسمائة دولار يعني نتوقع نص مليار دولار من السياحة في السنة !!! كان ممكن الكلام ده يحصل لو علاقاتنا الدولية كويسة ولو عندنا بنية تحتية من مواصلات وفنادق وشقق سياحية تستوعب العدد ده وكان ممكن لو كان منطقة زي جبل مرة فيها منتجعات بدل الجنجويد وناس الحركات المسلحة وقبل كل ده كان ممكن لو ما كان حاكمننا ناس زي ديل …
بالمناسبة انجح وزير في انقاذ الشوم حيث يظهر مهنية عالية ولن تجده قائما باعمال وزير الخارجية كعادة كل وزراء الانقاذ اتوقع ان يفاجئنا والمصريين بمهنيته في مجال السياحة
الزول دا قاصد مليون صائع انتو قريتوها غلط بس
اكيد سياحة ارهابية من شاكلة المرشذ وبوكو حلاام وطالبان وانصار السنة وناس حشي بطني بالفتة السياحة علم وصنعة انت مواسيرك بتشخر بعدين خلقتك ما سياحية الخواجات الا يكونو غاوين فقر عندك شنو اللوب والنبق القنقليز الاسواق والشوارع المعفنه المتربة عندك ابراج ابراج الحمام في البيوت عدمت اصلكم ي انصار اسنة مشهورين بالكضب الخواجة عاوز خمور ما مريسة جن واين كرفوازير سايدر بلاك اند هوايت مش عرقي وما تنسي شراب العتالة الكنجي مورو والعسلية وام بقو
جيش الامم المتحده والمنظمات الانسانيه العامله في بلادي المنكوبه
في المليون ولا خارج المليون اذا داخلين الحساب يبقي كلامك مظبوط
اما اذا خارج العدديبقي خاطب ناس غيرنا بهذا الكلام
مش عيب الواحد يقول اى كلام وعندو لحيه وعلامه صلاه فى جبينو
انت لا عندك كهربا
لا عندك مويه………مقطوعه من الخرطوم ياكافى البلا
لا عندك طرق ولا قطارات
اكتر من نص البلاد لا يوجد فيها امن
الخرطوم نفسها محاصره من جنود لا نعرف هويتهم ولا انتمائهم
لا عندك فنادق
الجو حار طول السنه
الاسعار فى السودان من اغلى الاسعار
لا عندك صحه ولا مستشفيات يمكن الاعتماد عليها ..وده معروف لدى شركات التاميين العالميه وفى سجلاتهم ام السودان الرعايه الصحيه فيو رديئه لضعف الامكانيات .
بعد ده كلو البجيك منو ..انت قايلها كدا بالبركه ..دى صناعه وتحتاج الكثير من المصداقيه ..لانو مافى زول بجيب سياح ويجدعهم فى بلاد الله كدا من غير توفر الحاجات الفوق دى …
نحيا ونشوف …………
وهو فى زول مغفل اجى سياحة فى بلد درجة حرارة 60درجة
بلد عاصمتها اوسخ عاصمة فى العالم وعطشانة ……….
بلد فيها امن المجتمع وناس حميدتى سياحة شنو …..
………اصلا ما فى داعى للوزارة زاتها
دا وزير السياحة,,, بسيح في شنو ؟؟
الوزير قادى رياضيات
أخي كاتب الموضوع وفقه الله لكل خير.
تصديرك الموضوع بالاستغاثة بنبي الله نوح عليه السلام غير سديد. فالاستغاثة بغير الله لا تجوز سواء كانت بنبي مرسل أو ملك مقرب أو ولي أو غيرهم من دون الله. وهذا من الشرك الأكبر المبطل للأيمان والعمل. واقرأ معي قول الله تعالى:( أَمَّنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَٰهٌ مَعَ اللَّهِ قَلِيلًا مَا تَذَكَّرُونَ)
وقوله تعالى : (وَلَا تَدْعُ مِنْ دُون اللَّه مَا لَا يَنْفَعك وَلَا يَضُرّك فَإِنْ فَعَلْت فَإِنَّك إِذًا مِنْ الظَّالِمِين)
والأيات في معنى هذا كثيرة جداً.
أما بقية الموضوع فلا تعليق لي عليه.
وشكراً
يا سعادة الوزير كدي بالاول امشي شوف ليه مهندس الاثار والمرمم الوحيد تم التخلص منه بعمليه قذرة مع دخول القرض القطري وهو المهندس الوحيد في السودان الذي نال دورات خارجيه في ايطاليا وفرنسا ومصر وكينيا والولايات المتحدة الامريكيه والمرمم الوحيد المعتمد من اليونسكو انه المهندس خالد بابكر عوض الكريم تم التخلص منه لانه لا يتبع الكيزان وانسان دوغري وحيقيف شوكة حوت للقرض القطري من السرقه هل تعلم هذا الشخص بكل تلك الخبرات التراكميه يقود الان حافله ليسترزق منها نرجو ان تولي الامر عنايتك وبعدين شوف درب المليون سائح
سياحة اي سياحة !!!!
هذا هذيان
من ياتي السودان للسياحة فقط يقوم بقتل الحياة بوحشية وابادة واخص بذلك الغزلان ويحملون كونتينرات مبردة اما حرس الصيد الذين يتبعونهم لهؤلاء السواح فانهم يعملون لديهم طباخين وقهوجية وسلاخين ويقبضون بالدولار
الم نقل لكم ان الفساد في السودان يمارس ليل ونهار وفي كل مكان
الفساد اصبح الوعاء العام وكل يمارسه في موقعه
ويرج علينا مولانا هذا ويتكلم عن السياخة
مازلت مندهشا
قال سياحة ولا حاجة تانية اظنني مخطئ
اقتباس )ونفى الوزير في تصريحات نشرتها يوم الأربعاء وكالة السودان للأنباء ما تداولته وسائل إعلام عن دور سلبي للجارة مصر يهدف إلى عرقلة مشروع تأهيل الآثار السودانية الذي تتبناه دولة قطر.
لعلمك يا سعادة الوزير الدور السلبي بدا باعفاء المهندس الوحيد المتخصص في ترميم الاثار مع دخول المنحه القطريه اسال عن المهندس خالد بابكر عوضالكريم هل تصدق خبير معتمد من اليونسكو في ترميم الاثار يقود حافله ولكن ما ذا نقول لاصحاب اللحي الزائفه
سجمى سجمى ده وزير السياحة السوداني ولا ده وزير أوقاف طالبانى ؟؟ يا مصيبتى أوع يكون مندوب بكوحرامى ؟؟؟
يلا جهز ليهم الاباريق قال مليون يااخى من الخرطوم الى حظيرة الدندر مافى ولا حمام تشيل ابريقك وتكسح الخلاء يااخى السودان للا ن عايش حياة اجدادنا القدماء بس الفرق الوحيد منهم ملابسنا من القطن وهم كانوا من الجلود خطوة مابطالة قال سياحة قال
دة الا كان سياحة دينية ابتدعتها ايران ليكم لنشر مذهبها البغيض سياحة شنو في السودان هي السياحة دة ساي ما عندها مقومات يعني من شواطىء الباما العندكم ولا فنادق الخمس نجوم ولا ……….وبعدين سياحة في الصيف ما هذا الخبل الفيكم شغلو عقولكم شوية
مليون سائح وتفاصيلهم كالتالى :
500 الف حبشية (نصهم مرضان)
250 الف متشرد من حرب الجنوب
100 ألف نازح من سنار هاربين من الجرب وجرب البقر والامراض والقمل ….. الخ
50 الف نازح من الاقليم (يتموا الناقصة فى الخرطوم)
50 الف نازح من مختلف بقاع السودان جماة هاربين من الحروب وجماعة هاربين من ظلم الجماعات
المكونة منهم وليهم.
50 الف سياح (مروجى مخدات وحاملى امراض وحاجات تانية).
المجموعة مليون الف سايح
النتيجة الشعب السودان ضاااااااااااااااااااااااااااااايع وسط الامراض ووسط الغلاء ووسط البلاوى المتلتة التى حيفرزها هؤلاء الحيسيحوا عين ام السودان ويسيحوا زيته بالمرة كمان ..
سياحة .. ولبن ابل ..
الجواب بيتعرف من عنوانه بالله عليكم ده وزير سياحة ولادرويش حولية سياح شنو البيجبيها الشكل ده وزراء السياحة في الدول الآخري هم المدخل الناجح لجذب السياح وليس طردهم …. وطبعاً تعيين الوزراء في الإنقاذ هي نوع من الترضيات وليس الكفاءة وجودة الأداء .
سياحة شنو فى بلدنصف أهلها هاجروا خلوها والنصف الآخر فى إنتظار فرصتهم عشان يتخارجوا منها؟؟ما قلت ليكم ناس الإنقاذ ديل مواهيم وببيعوا الوهم للناس !!!!
نحن لا ننكر أن فى سياح سفارى خليجيين وديل مش بتاعين مواقع سياحية ولا بناعين فنادق ولا دايرين سكر ولا ويسكى ولا بيرة ديل ناس صيد وقنيص عندهم محلات معينة فى الشمالية ونهر النيل وكردفان وزمان ايام البلد كانت أمان بيصلوا لى حظيرة الدندر – دى مجموعات صغيرة وبيجوا بكامل مونتهم من أرز وداجاج دو الفرنسى المجمد من المنجم ومعاهم مولدات الكهرباء وتانكرات الموية وطباخينهم وديل الدولة مابتستفيد من سياحتهم غلآ القليل والشركات السودانية التى تنظم لهم القنيص معظمها فى شارع كتارينا بتستفيد أكثر من الدولة
بعدين لمان وزير السياحة المصرى يقول العام دا سيصل حوالى 4 مليون سائح دى عنده له مؤشرات مسبقة من حجوزات الطيران وحجوزات الفنادق فى مصر
انت يا الهد عرفت المليون ديل من أى مؤشر – ماتقول لى الهد بيعلم الغيب – لا عندك حجوزات طيران لا حجوزرات سفن سياحية لا حجوزات فنادق عرفتها كيف مليون يمكن 4 مليون
والله وزير مسخرة آل سياحة آل
يا الهد البشير عارف السياحة مافيها لا سياح لا قروش عشان كده اداها أنصار السنة
وعارف التجارة فى السودان منتهية عشان كده اداها نا سيدى محمد عثمان
وعارف البلد مافيها صحة عشان كده اداها نا ابوقرده والسيسى
كدى خلوه يديكم المالية محل قروش الضرائب والجمارك والمال المجنب
البلد مافيها غير ضرائب وجمارك
بصفتي خبير سياحي يا سعادة وزير السياحة حسب خبرتنا في السياحة وجدنا ان السياحة بتعتمد على اماكن الترفيه التي بها الخضرة والجمال والشلالات والجبال والدسكوهات والبربور البارد والاوساك والوجه الحسن اما انت حسب معاينتي لوجهك وبصفتي خبير سياحي وجدت انه من تقاطيع وجهك فانك تصلح بان تكون متعهد لجلب ابرايق ولوازمها من مساويك ورملة للنخامة للقرف الجاى سياحة في السودان
و الله تصدقوا يا جماعة الراجل ده اول مرة أعرف أنه وزير سياحة اسمه ذاتو ما بعرف انطقه و الله من شكله افتكرته مقدم برنامج الفتاوي و كان بالغلط ركب حافلة سياح الجماعة ينزلوا و يصيحوbomb bomb.
و بعدين سياحة شنو في بلد ما فيها جاذب للسياحة … لكن السياح الأجانب خليهم يشوفوا قصوركم و الفلل الرئاسية. و مزارعكم و خليهم يتعجبوا و يقولوا سبحان العاطي الوهاب بالانجليزي ……
ههههههه
قال سياحة قال…
هيييييي يكا…
وينو الويسكي بتاعك…
ووينو كافيارك مع الرجال…
ووينا الشمبانيا…
ووين البنات الحلوات المتسدحات على الشواطئ
بالبكيني (أبو خيط).
وبعدين وينا متاحفك الفنية الجاذبة…
والاندر قراوند…
والفعاليات الثقافية المختلفة من مسارح
وحفلات غنائية يحييها مشاهير المطربين في العالم…
وفوق كل ذلك طقسك المنعش…
شوف ليك طريقة ثبت بيها الكتاحة…
والقضاء على موية الفول والدكوة…
بعدين فكر في السياحة…
الله لا درسكم يا متخلفين يا حوش…
دمرتوا السودان… بجهلكم وغبائكم
بحجة الدين…
كان من المفترض يكون عندنا قولدن كوست
وشاطي يبز شاطئ هونولولو…
ورفيرا وشوارع شانزليزيه?
وضواحي سوهو?
إذا كان الله قد من علينا بعقليات واعية
تستطيع أن تترجم ثراء البلد الطبيعي
وتحيله إلى ثراء حقيقي ورفاهية للشعب.
يبدو أن السيد/ وزير السياحة في سياحة ذهنية!!