نجاة مالك منزل من محاولة اغتيال بالحاج يوسف
الخرطوم: مسرة شبيلي :
نجا مالك عقار من محاولة اغتيال داخل محكمة الحاج يوسف أمس عندما أشهر متهم سكيناً محاولاً طعنه وسط دهشة الحضور حيث تمكنت شرطة المحكمة من القبض على المتهم والسيطرة على الموقف.
وتعود تفاصيل الحادث إلى أن مالك العقار كان قد رفع دعوى قضائية ضد المتهم الذي يستأجر جزء من منزله مطالباً باخلائه منه وعقب خروج الشاكي «مالك عقار» والمتهم «المستاجر» من جلسة أمس نشب نقاش حاد بينهما داخل بأحة المحكمة فاستل المستأجر سكيناً وحاول طعن الشاكي، وقام بمطاردته، وتدخلت الشرطة وألقت القبض على المستأجر ودونت بلاغاً في مواجهته بقسم شرطة الحاج يوسف.
اخر لحظة
شوف صياغة الخبر…..نجاة (مالك عقار) يعني مقصودة ولا جات مع المحررة كدا……..صحافة مهببة
كان يخلوه يطعنه ويريح الحكومة من شره !!!
شرطة طابورخامس !!!
مالك عقار ؟؟!!!
دا بتاع النيل الازرق
متين الحكومة عملت معاهو صلح وادوهو بيت في الحاج يوسف والله كلام عجيب تاني بقوم يقلب عليكم
بيقولو انو السودانيين عندهم سرعة البديهة وبفهوموها وهي طايرة. خليتو مضمون الخبر وطوالي علقتو علي (مالك عقار) خلاص يامحرر ماتكررا مرة ثانية اكتب ليهم (سيد البيت)علي وزن سيد اللبن
مالك عقار يعنى
(مالك المنزل اخوتى ) وليست مالك عقار سيد الاسم
والله في بداية العنوان تلهفت لقراءته وكنت متوقع ان يكون هو مالك عقار الوالي بتاع النيل الازرق وقلت يكون واحد اشتكاهو في سداد الايجار….. لكن بعد قراءة الخبر والتعليقات … ابتسمت لانو تفسير العنوان هو ( نجاة صاحب منزل بالحاج يوسف من محاولة اغتيال)..وضحكت لانو في واحد معلق بيقول ده مش الواس بتاع النيل الازرق الحكومة تاني عملت معاهو صلح وادوهو بيت في الحاج يوسف ..قال تاني حا يتقلب عليكم…. طبعا هو مسطح واتمني ان يقراء تعليقي ده عشان يفهم معني العنوان المثير..واحد تاني بيقول كان يخلوهو يطعنو ويريح الحكومة من شره…ههههههه.. اللهم اهدي عبادك للطريق السوي والمستقيم…………
يا ود كسلا يا ادروب نحن ما مسطحين عارفين وفاهمين لكن دي من باب الطرفة بعدين شكلك جادي انو نحن ما فاهمين ومسطحين الله يديك العافية قول امين