جبرا في لندن (1)
قالت لي إبنتي الصغيرة وهي تمسك بإحدى الصحف :
– صحي يا أبوي إنتا ماشي (لندن) !
– يا بت إنتي جنيتي والله مع الظروف دي الله أعلم أبوك تاني يركب ليهو طيارة
– أهو مكتوب هنا يا أبوي خد أقرأ (وسلمتني الصحيفة)
الخبر عنوانه يقول (قدمها عدد من القراءمن بينهم قراء الراكوبة)
وكاتبه هو الزميل بكري خليفة ، يقول الخبر :
(تفاعل عدد كبير من القراء على مواقع التواصل الاجتماعي وموقع الراكوبة الإلكتروني مع الكاتب الساخر الفاتح جبرا والذي ظل يذيل عموده المقروء ب(أخبار خط هيثرووو شنو وشنوووووو) وقال أحد السودانيين المقيمين ببريطانيا (والله يا جبرة أنت الإبداع ذات نفسه ونحن موجهين ليك دعوة لزيارة بريطانيا عشان تمشي هيثرو وتسأل أهل الخط بنفسك وتسمع بأضانك: منو الباع.. ومنو المشتري.. ومنو السمسار.. وكل واحد قبض كم.. عشان لمن ترجع الخرطوم تكون عرفت الحاصل وتحضر بياناتك معاك من لندن وكل المستندات)
ما أن قرأت الخبر حتى سرحت بخيالي والطائرة تحط عبر عدد من (الكونكشنات) في مطار هيثرو (حليل أيام الدايركت) ، بعد النزول من الطائرة والوصول إلى صالة القادمين ما أن جاء دوري لتقديم جوازي إلى ضابط الجوازات حتى تفرس فيه مليئاً ثم نظر لي قائلاً :
(بالإنجليزية طبعن) :
– إنتا ساخر سبيل .. خط هيثرو أخبارو شنوووووو ؟!!
– معقول يا خواجه تكون القصة دي وصلت ليكم هنا !
– قصة دي يا أستاذ وصلت كوول الدنيا !
وهو يضرب بالختم على الجواز قلت في نفسي والله فعلا الدنيا دي بقت قرية صغيرة خلاس .
بعد أن إستلمت حقيبتي ، وأمام مكان المنتظرين وجدت ثلة من السودانيين يلوحون لي بأياديهم وينادونني :
– يا أستاذ … يا استاذ
وبعد السلام والأحضان والسؤال عن الأهل والخلان ، وبعد أن قدمت لهم الشكر والإمتنان نيابة عن الشعب السوداني (الفضل) لهذه الدعوة الكريمة للبحث عن الخط (الرايح) ليهم كم سنة ، ركبنا في عربة أحدهم ذات الدفع الرباعي :
– يا أستاذ نحنا حاجزين ليك في فندق وسط المدينة !
– فندق شنو … ودوني (القسم) طواااالي
– (قسم) شنو يا أستاذ كدي روق وإستريح من ساعات السفر الطويلة دي !
– أروق شنو يا جماعة ما شفتو الواوات دي حصلت كم ؟ (ثم في إصرار) بالله لو سمحتو بس وصلوني أقرب قسم شرطه لي مطار هيثرو ده وبعدين الفندق والراحة ملحوقة !
تحت إصراري وإلحاحي قام السائق بتغيير مسارة بعد أن قام بإستخدام خرائط قوقل Google Maps بتحديد أقرب قسم شرطة ، وبعد دردشة عن إرتفاع سعر الغاز وغياب البرلمان وتصريح (الصابونة) والمداخلة الشهيرة والشنو ما عارف توقفت العربة :
– أهو ده يا أستاذ أقرب قسم شرطة
– طيب يا جماعة إنتو عارفين إنو الخواجات ديل ما بحبو الزحمة ، خلوني أمشي أفتح البلاغ براي إنتو أمشوا إستريحوا وبعد ساعة كده تعالو ليا ، وللا أقول ليكم عشان ما أتعبكم وروني إسم الفندق وعنوانو أنا بعد ما أخلص بمشي ليهو ، تعالو ليا المساء هناك .
على باب القسم إستوقفني شرطي مدجج بالسلاح وقال لي بإنجليزية رصينة :
– لو سمحت يا سيدي أين أنت ذاهب
– إلى قسم البلاغات
– هل تمت سرقتك !
– سرقتي أنا يا خواجة؟ دي سرقة شعب كااامل .. سرقة أمة (نيشن يا خواجة نيشن) !!
فغر الحارس (الخواجة) فاه (مستغرشاً) وهو يشير لي على مكان كاونتر البلاغات وكأنه كان يقول لنفسه (الزول ده مجنتر أكيد) !
عند كاونتر البلاغات كان هنالك صول ضخم الجثة متورد الجضوم يجلس على كرسي جلدي دوار ويضع أمامه دفتر البلاغات وقفت أمامه وألقيت عليه التحية :
– صباح الخير
– صباح النور … هل من خدمة أؤديها لك !
كسرة :
في حلقة غداً نشوف الحصل شنوووووو … أبقوا معنا … الفاتح جبرا .. من داخل مبني القسم الأوسط … شرطة لندن غرب … العاصمة البريطانية)
كسرة ثابتة (قديمة):
أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+(وووو)+(و+و+و+و)+و+(و)+و+و
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووو) +(وووو)+(و+و+و+و)+و+(و)+و+و
صحيفة أول النهار
[email][email protected][/email]
ابداع والله يا حبيبنا جبرا ما تنسي تزور معاك قصر فكتوريا – تبكي علي الاطلال زمن السودان عزيز والخليفه عبد الله كان بيخاطب الملكه — البشير حرامي باع السودان كلو خليك من هثرو بس
هههههههههههههههههههههههه تصحي يااستاذ فجأة تلقي نفسك في خط بري اللاماب
هههههههههههههههههههه أنا راجيك بفارق الصبر يا،،،،جبره لندن إيمان لندن جات معاك؟
وانت غرقان في هذا الحلم الظريف اوع تجي البت تصحيك من النوم(يابا قوم شوف لي حمار ولا حصان امشي بيه المدرسة لان البترول اتشفت ولحق الغاز) ياجبرا نحن في انوبة الغاز وخط هيثرو جند ليه الواوات بتاعتك دي الوصلت السما ووووووووووووووووووووووووووووووووووو
أدينا رقم حسابك بس وما عليك ياجبرة عشان تمش انشالله لندن وتشوف خط هثرو أخبارو شنوووووو
في انتظار الحلقة الثانية من سرحتك هههههه
اكيد (الصول ضخم الجثة متورم الجضوم) دا قدوقدو بتاع لندن!!..
والله يا ود جبرا هيثرو دا طلع ليك فى راسك. .وبعد شويه الله يستر عليك من طلوع الصينية. .
الخواجات بتاعين مطار هيثرو تفتيحه بشكل وخاصة بتاعين الجوازات ديل لو دكتور يسألون عن أطول عظمه فى جسم الإنسان. .ولو صحفى يسالوك عن التيار واخبار الإضراب عن الطعام..
دي قوية بنقو إنجليزيه ياخي انت حرام تكون في السودان
ما تنسي بيت السودان الباعو الكيزان
وخالد المبارك ال اشتروالكيزان
بالله بعد ما تفضي من فتح البلاغ وكده امشي لناس البرلمان قول ليهم جيبو (بطاح ) شيلو طوب مستشفي الخرطوم البنيتوهو بالطوب السمح داك وبأمانتكم السمحة ديك عشان الجماعة مشمرين للهد
بالمرة شوف لينا معاك أخبار بيت السودان في لندن وأملاك مشروع الجزيرة في لندن ولانكشير ….
إبداع يا أستاذ الفاتح .
شيل معاك فكه عشان ” رسوم فتح بلاغ”.
منتظرين باقي الحلم.
بالله يا يا الفاتح جيب معاك كتاب بيت العنكبوت وانت جاى من القاهرة وما تخاف بديك حقو ومساهمتى فى السفرية وربنا اوفقك واعمل حسابك اوعى اقول ليك من ناسر السفارة فيها واحد اسمو خالد المبارك والله ووالله راعى لى بقراتنا ما اشغلوا لكن قروشنا نخلصهايوم القيامه
دق لجوء سياسي يا عمك…راجع للسخانة والبلد الوسخانة دي شنو!!
بانجليزية رصينة دي مبالغة عديل كه ههههههههه منتظرين باقي الحلقات
يا جبرة الاوسط لندن فيهو تمساح معلق زى الاوسط امدرمان لكن حق لندن لابعضى لاببلع ما تخاف ادخل على طول مكتب الضابط المناوب واخلف رجل فى رجل وكان موضوع البلاغ اتعثر بفعل تدخل السفارة السودانية اسال الضابط قول ليهو جدودكم ديل ليه غادروا السودان سنة1956 والله كان خط هيثرو ده جابو خبر الرقدو بيهو فى دقايق وبينى وبينك ياجبرة ماكان زاتو الحرامية قربو من الخط لان الانجليز ما بعرفو الشغل بتاع ام غمتى وابلع واكسح وامسح وغيرها من طرق الانتهازية والبهلوانية التى شاهدناها فىعهد امير المؤمنين سيدى ود البشير الراقص الاكبر
سرحت بينا ي استاذ
يا أستاذ جبره السلام عليكم ورحمة الله ////
نحنا المغتربين زعلانين جدا جدا جدا جدا منك ,,, يعني معقول ما مرت عليك حالة الإستغراش بتاعتنا والتي سببها شعار ماجد سوار ( أمي مريضة وأبوي مريض)؟ والزعل لأنك ما علقت عليها بمقال وبعدين مش زعلانين منك إنت وبس زعلانين كمان من جارك البقعد معاك كل يوم ويطق معاك الحنك والأخبار لأنه جارك ده مفروض ينبهك لشعار ( أمي مريضة وأبوي مريض)!!
تجى لندن وما نشوفك يا حبيب
على باب القسم إستوقفني شرطي مدجج بالسلاح وقال لي بإنجليزية رصينة :
– لو سمحت يا سيدي أين أنت ذاهب
بس استاذنا جبرة عشرين سنة في لندن ماشفنا شرطي انجليزى مدجج بالسلاح .. الجندى الانجليزى هو الوحيد في العالم مابشيل سلاح….
لكن يا أستاذ جبرة ما بالغت كان تسوق معاك ايمان لندن عشان تتم الناقصه..!!
هي سرقة أمة بلا شك لكني أخشى أن يكون الإنجليز نفسهم مشتركين في السرقة بتغاضيهم عن مهازل البشير وعصابته – المهازل التي شملت قتل المتظاهرين العزل
الاستاذ الفاتح جبرة ،، لك التحية .
أولاً الرجاء الاعتزار للشرطة البريطانية لانهم لا يحملون السلاح ،، وثانيا ما تنسي تجيب معاك كمية من التمباك قالوا معدوم اليومين دي والرطل ب 30£ ،،، يعني خط هيثرووووووووو ده مكسب كبيييير.
كدي اخد ليك نومه اول حاجه من الهضربه دي.وكمان لو جيتنا بي جاي هنا في بون …زولك بتاع طريق الإنقاذ الغربي قاعد سمين وامين ،وكمان عامل بزنس مشغل كل اهله..حتي الآولاد الجو المانيا عشان الدراسة..سابو الدراسة وشغالين معاهو. دا كلام واقعي وحقيقة هنا بون.
هههههههههههههههههههه أنا راجيك بفارق الصبر يا،،،،جبره لندن إيمان لندن جات معاك؟
وانت غرقان في هذا الحلم الظريف اوع تجي البت تصحيك من النوم(يابا قوم شوف لي حمار ولا حصان امشي بيه المدرسة لان البترول اتشفت ولحق الغاز) ياجبرا نحن في انوبة الغاز وخط هيثرو جند ليه الواوات بتاعتك دي الوصلت السما ووووووووووووووووووووووووووووووووووو
أدينا رقم حسابك بس وما عليك ياجبرة عشان تمش انشالله لندن وتشوف خط هثرو أخبارو شنوووووو
في انتظار الحلقة الثانية من سرحتك هههههه
اكيد (الصول ضخم الجثة متورم الجضوم) دا قدوقدو بتاع لندن!!..
والله يا ود جبرا هيثرو دا طلع ليك فى راسك. .وبعد شويه الله يستر عليك من طلوع الصينية. .
الخواجات بتاعين مطار هيثرو تفتيحه بشكل وخاصة بتاعين الجوازات ديل لو دكتور يسألون عن أطول عظمه فى جسم الإنسان. .ولو صحفى يسالوك عن التيار واخبار الإضراب عن الطعام..
دي قوية بنقو إنجليزيه ياخي انت حرام تكون في السودان
ما تنسي بيت السودان الباعو الكيزان
وخالد المبارك ال اشتروالكيزان
بالله بعد ما تفضي من فتح البلاغ وكده امشي لناس البرلمان قول ليهم جيبو (بطاح ) شيلو طوب مستشفي الخرطوم البنيتوهو بالطوب السمح داك وبأمانتكم السمحة ديك عشان الجماعة مشمرين للهد
بالمرة شوف لينا معاك أخبار بيت السودان في لندن وأملاك مشروع الجزيرة في لندن ولانكشير ….
إبداع يا أستاذ الفاتح .
شيل معاك فكه عشان ” رسوم فتح بلاغ”.
منتظرين باقي الحلم.
بالله يا يا الفاتح جيب معاك كتاب بيت العنكبوت وانت جاى من القاهرة وما تخاف بديك حقو ومساهمتى فى السفرية وربنا اوفقك واعمل حسابك اوعى اقول ليك من ناسر السفارة فيها واحد اسمو خالد المبارك والله ووالله راعى لى بقراتنا ما اشغلوا لكن قروشنا نخلصهايوم القيامه
دق لجوء سياسي يا عمك…راجع للسخانة والبلد الوسخانة دي شنو!!
بانجليزية رصينة دي مبالغة عديل كه ههههههههه منتظرين باقي الحلقات
يا جبرة الاوسط لندن فيهو تمساح معلق زى الاوسط امدرمان لكن حق لندن لابعضى لاببلع ما تخاف ادخل على طول مكتب الضابط المناوب واخلف رجل فى رجل وكان موضوع البلاغ اتعثر بفعل تدخل السفارة السودانية اسال الضابط قول ليهو جدودكم ديل ليه غادروا السودان سنة1956 والله كان خط هيثرو ده جابو خبر الرقدو بيهو فى دقايق وبينى وبينك ياجبرة ماكان زاتو الحرامية قربو من الخط لان الانجليز ما بعرفو الشغل بتاع ام غمتى وابلع واكسح وامسح وغيرها من طرق الانتهازية والبهلوانية التى شاهدناها فىعهد امير المؤمنين سيدى ود البشير الراقص الاكبر
سرحت بينا ي استاذ
يا أستاذ جبره السلام عليكم ورحمة الله ////
نحنا المغتربين زعلانين جدا جدا جدا جدا منك ,,, يعني معقول ما مرت عليك حالة الإستغراش بتاعتنا والتي سببها شعار ماجد سوار ( أمي مريضة وأبوي مريض)؟ والزعل لأنك ما علقت عليها بمقال وبعدين مش زعلانين منك إنت وبس زعلانين كمان من جارك البقعد معاك كل يوم ويطق معاك الحنك والأخبار لأنه جارك ده مفروض ينبهك لشعار ( أمي مريضة وأبوي مريض)!!
تجى لندن وما نشوفك يا حبيب
على باب القسم إستوقفني شرطي مدجج بالسلاح وقال لي بإنجليزية رصينة :
– لو سمحت يا سيدي أين أنت ذاهب
بس استاذنا جبرة عشرين سنة في لندن ماشفنا شرطي انجليزى مدجج بالسلاح .. الجندى الانجليزى هو الوحيد في العالم مابشيل سلاح….
لكن يا أستاذ جبرة ما بالغت كان تسوق معاك ايمان لندن عشان تتم الناقصه..!!
هي سرقة أمة بلا شك لكني أخشى أن يكون الإنجليز نفسهم مشتركين في السرقة بتغاضيهم عن مهازل البشير وعصابته – المهازل التي شملت قتل المتظاهرين العزل
الاستاذ الفاتح جبرة ،، لك التحية .
أولاً الرجاء الاعتزار للشرطة البريطانية لانهم لا يحملون السلاح ،، وثانيا ما تنسي تجيب معاك كمية من التمباك قالوا معدوم اليومين دي والرطل ب 30£ ،،، يعني خط هيثرووووووووو ده مكسب كبيييير.
كدي اخد ليك نومه اول حاجه من الهضربه دي.وكمان لو جيتنا بي جاي هنا في بون …زولك بتاع طريق الإنقاذ الغربي قاعد سمين وامين ،وكمان عامل بزنس مشغل كل اهله..حتي الآولاد الجو المانيا عشان الدراسة..سابو الدراسة وشغالين معاهو. دا كلام واقعي وحقيقة هنا بون.