حظر التدخين بالأماكن العامة و بلاغات ضد ألف شخص
الخرطوم:حميدة عبدالغني: كشفت وزارة الصحة بولاية الخرطوم عن ضبط موقع لتعاطي الشيشة بأحد الاندية بمحلية الخرطوم، حيث تمت مصادرة 153 شيشة وكمية كبيرة من المعسل ضبطت بالتعاون مع شرطة ونيابة حماية المستهلك، واعلنت عن فتح بلاغ ضد ادارة النادي وصاحب المحل .
وقال مدير ادارة الامراض السارية بوزارة الصحة الولائية، الدكتور نادر بدر التمام ، في تصريحات صحافية امس ،ان الوزارة شرعت في انفاذ قانون مكافحة التبغ في الاماكن العامة ،مشيرا الى ان اول تطبيق للقانون تم بفتح بلاغ الخميس المنصرم باقتياد الف شخص ، منوها الى ان العقوبات تتراوح بين السجن لمدة 3 الى 5 أشهر او غرامة في حدها الادنى 300 جنيه اوالعقوبتين معا، مؤكدا تواصل الحملات في المحليات السبع ،مشددا على ان القانون يمنع ادارة محلات الشيشة، ويحمل المسؤولين في الاماكن العامة مسؤولية المعتادين على تعاطي السجائر والشيشة ومنع الترخيص.
الصحافة
ههههههههههههههههه يعنى سجارتنا دى تانى نشربه وين وقت بقت صعبه كده نبطل الحمراء ونقلب الخضراء سجن سجن غرامه غرامه واسى هو فرحان قدر ده قابض ليه الف نفر فى سجاير وشيشه والله الشعب ده معاكم مفروض يشم هيروين عشان ينسى البلوه الهو فيه
قبضو الف أي واحد يدفع غرامة 300 جنيه
يعني بي 3000000 ياربي دى بتمشي لي وزارة
الصحة ولا الداخلية ولا وين ….
وبعدين تعالو هنا دى سجارة شنو البي 300 وسجن
5 شهور (البنقو بقي أرخص من الأحمر فى الحكم….
عليك الله أحسن يقبضو الناس البدخنو ولا يقبضو الجراد دة….
بعد كدة اي واحد زهجان من البيت والمصاريف الكتيرة
يولع ليهو سجارة في مستشفى ولا اي مصلحة حكومية
ويسجنوه تلاتة شهور ماكل ونائم بالمجان ….
وناس البشكير وبكرى حسن صالح وعبدالرحيم ابوريالةالقاعدين يضربوا الخضراء جوه القصر الجمهورى ديل
الله يلعن ابو دى بلد كرهتونا فى اى حاجة فيها هو العلاج مجانا يا حرامية يا لصوص عشان تقولوا لينا المدخنيين بيكلفوا الدولة واقول ليكم حاجة وزير الصحة مامون حميدة ولده الاسموا محمد على مدمن شيشة وساكن فى محلات الشيشة وكمان المتمد السابق البرير ولده سبب منع الشيشة لانه خلى كل شئ واصبح مدمن ديل ناس ما عندهم شغلة فالحين فى المساكين واتحداهم انوا يقفلوا مصنع السجائر ويمنعوا الاستيراد الله يلعنهم ويلعن اليوم المسكوا فيه الحكم
القانون السودانى مثل خيوط العنكبوت تصطاد الحشرات الصغيرة وتخترقها الكبيرة يلقون القبض على المدخنين ويسجنوهم ويغرموهم ومصانع التبغ ومحلات بيع المعسل والزجاج تعمل ليل نهار مادام الزكاة والجمارك الضرائب ماشة مع العلم ان معظم هذه المحلات تتبع للكلاب
منوها الى ان العقوبات تتراوح بين السجن لمدة 3 الى 5 أشهر او غرامة في حدها الادنى 300 جنيه اوالعقوبتين معا
****رسوم تدخين
اغرب تشريعات حمورابي الانقاذ *** غريبة جداً ان تسقط عقوبة الجلد ولا افهم معني السجن ** وتم عميها بالعفوبتين معا (رسوم تدخين) وهو لا في قانون الشرع والعرف *** كيف يسجن شخص لمده تتراوح بين 3الي 5 لماذا لا تكون تلك الفترة لبرامج علاج من الادمان بدلا عن تعريض اسرهم للضرر احتمال يكون رب عوائل وهل السيد حمورابي السوداني يسن تلك القوانين من بنات افكارة بحكم انة لا يدخن *** يوجد مدمني سجائر عمرهم اكثر من عمر مهرجي الانقاذ الحقودين واين كان نائم هذا القانون طيلة تلك المده وفجاة تم ايقاظة وهل لزيادة الدخل لوزارة المالية ام قضاء البزنس من لحم وحليب وشقق تم اضافة رسوم تدخين وهي لا غرامة بل اسم الدلع
قرار سليم وكفاية مرض واصلو العندو حق السجاير ما افضل ليهو يشترى حاجة لاولاده او لنفسو بدل يحرقا فى دخان لا يسمن ولا يغنى من جوع
حرام عليكم أكل مافي و كمان تمنعونا السجاير طيب نعمل شنو
اول حاجة السجن دا كلام ساكت و ما عندها تطبيق الكل يعلم
قولو الغرامة بالواضح كدا لأنكم بتموتو في القروش