السلطات تلغي حفلاً خاص بالرقص النسائي بعد اعتراضات من متشددين(صورة)
قامت سلطات ولاية البحر بالغاء حفل مخصص للنساء لممارسة الرقص النسائي (الزومبا)، وذلك بعدما ابدت تيارات دينية متشددة بمدينة بورتسودان اعتراضاً كبيرا على اقامة الحفل واعتبرته دعوة للمجون والتفسُّخ.
وكانت الشركة المنظمة قد اعلنت عن قيام حفل ساهر بصالة هيئة الموانئ، يوم الاثنين الموافق 20 مارس الجاري، وقالت انه خاص بالنساء فقط، لممارسة الرقص المعروف بالـ (زومبا). واشارت الى ان رقص (الزومبا) يساعد على إخراج الطاقة السلبية، والتخسيس وإنقاص الوزن.
وتشير (الراكوبة) الى ان السلطات ظلت تستجيب لطلبات الجماعات المتشددة بالغاء عدد من الفعاليات الفنية، ابرزها حفل المطربة المصرية شيرين.
ومؤخرا قامت جماعة سلفية باطلاق عبوات الغاز المسيل للدموع على حفل المطربة ندى القلعة بمدينة حلفا، بغية تفريق الحضور والغاء الحفل.
وين محقق حقوق الانسان الاممى من تسلط وعبث الدواعش هذا!!
هو في متفسخ، اكثر من المتكسبين بالدين؟ وبعدين لو في حكومة بتحمي حقوق المواطنين في ممارسة حرياتهم، ما كان وجد مثل هؤلاء المنافقين من يستمع اليهم اساسا، لانه الحكومة والناس الفي السلطة هم من نفس النوعية النتنة.
تحلف من الهبل الحاقدين الطلبواالغاء الحفل وتخلف مركب من السلطه الاستجابت ده ارهاب واستجابه للارهاب
شنو يعني بنات عملوا حفلة ورقصوا, بس دا الفالحين فيهو دعات الدين المراة المراة المراة.لو رجال أمشوا حاولو أوقفوا حرامية الحكومة من السرقة والكذب.
نقول الذين يسعون لقمع الحريات الشخصية بدعوي التشدد الديني لماذا لم نسمع صوتكم عندما تم قتل أطفال المسلمون في دارفور و النيل الأزرق وجبال النوبة ونضيف لمتشددي بورتسودان لماذا لا تذهبون لتحرير حلايب فالنساء السودانيات يتم تمصيرهن و تشبيههن بهيفاء وهبي !!!!
كل متشدد وراءه قصة صادمة في طفولته ويحاول التغطية عليها بالتشدد الذي ليس من الدين في شئ … الترابي مثالاً .
يعني نفهم انو اي زول نهى عن الفحشاء والمنكر خلاص ده نقول عليهو متشدد واصولي ووووووو دى ولايتهم وهم مخيرين بها
هوس ونفاق باسم الدين حتي الترفيه عايزين تحرموهن منه الله لاكسبكم خير قال ليكم حفل للنساء اين العله
الله ليك يا حواء السودان
أيلا لو كان لسه في بورتسودان كان قهم القرود ديل.
فقر ماديو فقر فكري ثم فقر فني!
مفروض الكوشة الإسمها السودان يسلموها للطير الإسمهم هيئة علماء المسلمين
عشان بي دورهم بتموا الباقي و يسلموها لي داعش :(