ضابط نظامي ينهال بالضرب على عاملين بصيدلية
كوستي
انهال ضابط – في إحدى القوات النظامية – ضرباً على عاملين في صيدلية بمدينة كوستي بولاية النيل الأبيض، حتى تسبب في جرح بعضهم، وذلك – حسب مصدر – انتقاماً من فتاة تعمل بالصيدلية رفضت الزواج منه.
وأبلغ مصدر موثوق – أن النظامي تقدم للزواج من الفتاة التي تعمل بالصيدلية، وعندما رفضته جاء إلى الصيدلية هائجاً، وانهال ضرباً على كل العاملين الذين دونوا ضده بلاغات لدى الشرطة تحت طائلة المادة (139) من القانون الجنائي (الأذى الجسيم)، وتم توقيفه وتسليمه للمستشار القانوني للجهة التي يتبع لها.
المجهر
هذا زمانك يا مهازل فمرحي دا استغلال للسلطة مافي كبير علي القانون ماتفو حقكم للكلب دا
هل سيحاكم ام ستدفن القضية لو طلع عنده ظهر
العرس بالرجالة كدا يا عبيط
ليها الحق ترفضك اذا كان دا سلوكك
الآن يوجد في السودان القانون مع الانسان القوي وليس مع الضعيف
ما ذنب العاملين بالصيدلية ؟ … و هل بنات حواء عدم ؟ … لماذا نشكو من إرتفاع معدلات العنوسة لدى النساء ، ثم يأتينا من يتصرف كأنما من رفضته عملة نادرة لا سبيل إلى غيرها ؟!
يا جماعة النظامين ديل خلقوا لينا حالة الانظام كل يوم جريمة طرفها نظامى نظامى اعملوا ليهم زواج جماعى و لا شوف ليهم مصحة نفسية والله كرهتونا يا النظاميين
نظام ازوج بقوة اليد شرع جديد 00 الله يهون علينا00
دا عبيط ..والله دا اصلا ما ضابط دخل بي واسطة …دا هسي تعامل ..دا انشروا إسموا عشان ما في واحدة تعرسوا …يعرس ركبينك..
المشكلة تكن في القانون عندنا الي يمنح مايسمى بالحصانة للنظامين عندنا ولا ادري ماهو المقصود منها هي بكل تاكيد اعملوا مابدى لكم واحد ينشر صور زوجته السابقة واحد يتعدى على المواطنين وكثيرون يتعاملون بطريقة سيئة مع المواطنين والله الشرطة بس في السودان الحكومة والناس عملين ليهم حجم اكبر من حجمهم وياما في بلاوي باسم القانون ولكن مين يسمع العمال ديل مساكين والله المعبود بالحق ادخل معاه في زجاجة ولو بقى مشير واخذ حقي بي يدي منه واعلا مافي خيله وخيل الحكومة البتعين مثل هذا النوع يركبوه عالم وهم وزبالة كمان
يكون واحد عاجباهو روحو زي المثلي عز الدين
مع هذا الصنف من الناس لاينفع معه الا التعامل بالمثل ولو كل زول كان بياخد حقو بيدوا مع النظاميين كان اتادبوا و ناس الانقاذ ديل بتفننوا في اذلال المواطن السوداني وبالاخص الشرفاء منهم كانهم عندهم ثار معاهم
يا جماعة ما تظلموا الراجل دا بكون قايل البت الفي الصيدلية جكس طبي ( حسب كلام الشماسة )
العنف هو الحل .. نظامي واهم نفسو .. ويكون اعتده علي الشباب .. بالبس الرسمي .. مريض نفسي .. احنا امه مسلوبه ارادتنا .. ونفوسنا ما صافيه ولا احترام لبعضنا البعض .. لذالك هذا هو الاستمرار في الطريق المظلم الابدي ..
يا أخوانا النظاميين ديل الحصل ليهم شنو
ما في أي إنضباط
منشرين في الناس من غير واعظ
وبعدين سوا ليهم حب وسبسبة وقعاد جامعات
بطلوا شغلهم .. وباروا الهوى
ده كله جابته الهيافة ،،،مطاردة ستات الشاي ،،وبيوت الزار ،، والحلاقة
وكشات الخندريس
وقديما قال الحكماء:
إتبشتنت أمة ولت أمرها العسكر
دا ما عندوا اخلاق وإن شاء الله ما يلقى واحده بتعرسه لانه إشتهر من الواقعه دي باخلاقه القبيحه ، حسي عمال الصيدليه زنبهم شنوا ، والله كان دا انا اقيف معاك رأس ب رأس والقانون ياخذ مجراه دا اذا في قانون .
ربما يكونوا حالوا بينها وبينه كان يقولوا له ما موجوده حسب طلبها او خرجت وهو لديه شك انها موجوده او اخذه الشك ان طبيب اخر حرضهم على ذلك وربما كثير هناك امور ربما لا نعرفها الامر غامض وبنات حواء فيهم من تبتذ وتاكل حتى تشبع وتنسحب تاركه الثور للالوان ا لحمراءوها هى النتيجه
الشاكوش حار
داير يفش مغصتة فى اى زول دا كان لقى ابوة كان شاتة
الواحد كان مابقدر يضبط نفسة كيف اشتغل ضابط
صاحبنا هرش …..اتذكر جريمه العسكرى زملية بتاع الجامعة
تانى الواحد يعاين للقدرو مافى داعى للشلاقة بنت ما بتقدر عليها
فك دربها من الاول