الخرطوم: الراكوبة
أمهلت النيابة القيادي والوزير السابق في النظام البائد عبد الحليم المتعافي، فترة أسبوع لتسليم نفسه للسلطات، وإلا ستضطر لإتخاذ إجراءات قانونية أخرى في مواجهته.
وأصدر وكيل أعلي نيابة الأموال العامة فرح إدريس يوم الثلاثاء، أمراً بالقبض على المتهم الهارب عبد الحليم إسماعيل المتعافي والي الخرطوم الأسبق.
وأكدت النيابة هروبه من السلطات، وقالت أن المتعافي مطلوب في بلاغ جنائي بمخالفة المواد 21/ 177 / 2 من القانون الجنائي المتعلقة بخيانة الأمانة و الإشتراك الجنائي.
وطلب وكيل النيابة من المواطنين المساعدة في القبض على المتهم وتسليمه لشرطة الأموال العامة.
كلام مضحك, قبل كم شهر عرض علي سمسار عمارة من عمارات المتعافي للبيع في الخرطوم والدفع بالدولار في دبي.
من جرائم هذا الفاسد ضرب خادمته الفلبينية بالإشتراك مع زوجته في منزلهما في المنشية، و هذا بشهادة جاره الخواجة و الذي كانت تعمل معه خادمة فلبينية صديقة لخادمة الفاسد و زوجته.
ده يعتبر فشل ذريع لحكومة قحت ………
الان لكم في الحكم سنه وكبار الفاسدين من الكيزان يادوب دايرين تمسكوهم !!!!!!!!!!!!!
الكلام ده كان من اول يوم مسكتوا الحكومه يتم اعتقالهم طارق حمزة والمتعافي واسامه عبدالله ديل كلهم حايمين احرار لغاية الان والله دي مصيبه ………
قبل يومين قبضوا اسامه عبدالله في مطار الخرطوم داير يهرب ..
وامس يادوب قبضوا طارق حمزه ….
واليوم يفتشوا في المتعافي عشان يعتقلوه والمضحك يقولوا ليهو سلم نفسك !!!!!!!!!
في مجرم بسلم نفسوا .؟؟؟؟؟؟؟؟؟؟؟؟؟؟؟
كلامك أبوأحمد في محلو الجماعة ديل فرطو في قبضهم من قولة تيت .المتعافي بمرق من ديل ناسي إنو من الله ما بمرق ، والرجالة ياجماعة خشم بيوت الداق الكونديشن بوالف عليه ، والبظلم رب العباد موجود .بليلة الانتقالية لسة ما استوت . ياالمتعافي ابق راجل ، وبيض وجوه أهلك أمك وأبوك ، سلم قبال ما تستلم وما تكون كريمة في حقك تقول وتتنبر وتتلبد تحت البنبر . العود كان مافيه شق ما بقول طق . الدنيا دبنقا درقدقي اسلولي . عشان ما تلولي .
فعلا …بحبوا الجرجرة…وبيماطلوا كتيير:)
المتعافى ما كيشة عشان يسلم نفسه يا خيش ….فعلا بلد هاملة لسة فى كيزان كبار لافين على كيفهم.
الحرامي ده بكون شتت من زمان، أكان قريب بكون هسه مسترخي فى تركيا أو فى الدوحة، حكاية أنو يسلم نفسو دى حلوة خالص.
المعفن دا فتشوه في الجزارات يكون متنكر في هيئة بائع طايوق أو كرتة كما كان يفعل في صغره!!! بلاي سنة كاملة مخلينه لافي وهسع جايين تفتشو عليه؟ إيه المهازل دي! طيب وباقي الحرامية الكيزان هل قبضتوهم ولا لسع؟ لم تسقط بعد والله
Turn yourself in mr.,is he still at large?,why…he should be locked up from the day one.the guy has committed so much ,,,do not wait for him to turn himself in,,,go get him ASAP.
DO NOT GIVE HIM THE CHANCE TO BE A HERO.
ياود الامين المانع شنو انك تتكلم أو تكتب بالعربي؟انت التخاطب مين يا اخ؟
الدليل احتار
ياود الامين المانع شنو انك تتكلم أو تكتب بالعربي؟انت التخاطب مين يا اخ؟
علي الشعب والشباب ان يفكو غبينتهم لو وجدوهو و القبض عليه وجلده في الشارع العام هذا الفاسد اللص باع كل الخرطوم ووزعه لاهله دا فرصة للشعب طالما استنجد النائب العام بالمواطن؟ امسكوهو ولفو بيه سوق سوق بحري-الخرطوم–امدرمان كما كان يلف بالاسواق ولا يعمل شئ . هذا ماجنيته.مفروض اي كوز هارب مفروض يقبض من طرف المواطن كما حدث في ليبيا وتونس. بس ناس ليبيا قبضوهم وبلوهم حالا؟؟؟
الاخ الكرام المعلقين انا ارى ان التقاعس والسلحفائية فى” بل” كبار مجرمى ولصوص الكيزان المسؤولية عنه لاتوجه فقط للمكون المدنى بمجلس الخساسة ..بل يرد ذلك لشلة برهان الكيزان والجانجويد ولاننسى ان الاخيرين جزء اجرامى تنفيذى اساسى من التنظيم الشيطانى الآفل الى يوم الدين باذن الله…