السودان يعلن عن إنشاء أكبر مطار بأفريقيا

السودان سيبني اكبر مطار في افرقيا وليس له طائرة واحدة . دولة ناشئة لها مطار وطائرات تجوب معظم الدول .

و هل الحلم حرام ؟

كضــــابين ، ولا بعد 100 سنة ، مشروع مأكلة وبس ، انتو دمرتو مشروع الجزيرة والسكة حديد والنقل البحري والنهري والخطوط الجوية السودانية والمصانع والمستشفيات والمدارس ودمرتو حتى الإنسان السوداني قتلتم وحرقتم وشردتم واعتصبتم ونهبنم وسرقتم وأكلتم الأخضر واليابس ، وعايزين تنفذو مشروع المطار ، مشروع المطار دا لينا 20سنة بنسمع عنوا وما حصل أي حاجة ، وين مشروع المدينة الرياضية ، وهل تفتكروا الخليجيين ديل ناس مغفلين علشان يكبوا قروشهم في بير ما ليها قرار بير النهب المصلح زي قال كبيركم الذي علمكم السحر .. قالت أيه.. قالت أكبر مطار في إفريقيا ، ما كنتو أكبر دولة في إفريقيا ، عملتو ليها شنو قطعتوها وخليتوها ذي شطر البقرة ..

أهو كلام ..من قبل 5 سنوات سمعنا إنو المطار الجديد ح يتم إنجازه فى خلال 6 سنوات، الآن أضافوا 4 سنوات جديدة !!

أها وحيكون وين المطار دا ان شاءالله … لسة فى الصالحة ولا غيروهو كمان … ترانا مستنين …

المرة المضت الحقير الوضيع البشير سرق ١٥ عمود إناره من المطار الجديد وركبهم فى مزرعته
الموجوده فى السليت ياربى المره دى ناوى يسرق شنو?

المطار اخو المدينة الرياضية هههههههههههه
يا خليجيين ويا صينيين ويا بعاعيتيين ادونا قروض قروش مفلسين

فى حاجة بس ممخولة لى راسى من الكيزان ديل جو البلد … قضية التضخيم .. اكبر فى افريقيا واﻻول فى افريقيا والوطن العربى وﻻول مرة فى افريقيا .. انتو افريقيا دى شايفنها بياتو عين يا سجم الرماد ؟ الجامعات والمدارس اسمائها كلها هلامية وضخمة والشركات … لو ما طلعتوا من العقدة دى حتظلوا كضابين ونفاخين فى قربة مقدودة الى ما شاء الله .

وهل هناك حاجة أصلا لمطار جديد – هاهو مطار مروى مطار بكل المقاييس الدولية – و لكن لم يستقبل و لاطيارة واحدة – لأن أصلا كل شركات الطيران الدولية أوقفت رحلاتها للسودان و شركات الطيران المحلية أقفلت و أوقفت نشاطها – يعنى مافى طيارة طايرة فى سماء السودان أذن لزوم المطار الجديد شنو ؟؟ فشخرة على الفاضى بس و دول ناس عاوزة ليها أى مشروع و همى علشان ينهبوه – اللهم ألعن الكيزان لعنا كبيرا .

وفاطمة عبدالله دى مينو؟؟ هل واحدة كتكوتة من كتاكيت المؤتمر المؤتمر الوطنى؟؟

(قروض ميسرة من الصين)

ماكفاية قروض تبلعوا فيها ويدفوا المواطنين الغلابه وبعدين مطار شنو وانتوا ماعندكم ناقل جوى وطنى بعتوا الطائرات وخط هثروا جوا كروشكم وشركات الطيران العالميه كلها قنعت واوقفت طيرانها وشمعت مكاتبها الهفوا ساااااكت بس ماتبيعونا بالقروض للصين ولا غيرها خلوا حاجة للجايين

والمرحله الاولى الشايفاها عيني دي كلفت كم يا ترى؟

ستتوقف رحلات الطيران الي ومن السودان بالكامل قبل نهاية العام الحالي.. حكومة المؤتمر الوطني تبني ميزانيتها على نفط تمتلكه دولة اخرى لا حاجة لها لتدفق النفط ولا سياسة لها لاستغلاله بما يخدم شعبها اذن والحال هكذا لن تتورع الحكومة عن تسيير ميزانيتها ولو بالقفز الى جدران المنازل وسرقة الدكاكين ناهيك عن فرض رسوم علي جهة ما .. وما اسهل التحصيل في شريعة الانقاذ.. الاجانب جاؤا ليخدموا ويفيدوا ويستفيدوا لا ليتم استعباد ارباحهم وعرق جبينهم.. الاتراك المرشحون للبقاء فترة اطول ما يلبثوا ان يغادروا فهم ليسوا اخوان مصر ليصبروا علي حماقات الانقاذ غالية الثمن تركيا دولة اوروييةزعلمانية مصلحتها فوق اي اعتبار وهمي لا يستند الي منطق.. هذا هو السيناريو ما لم يتوحد الشعب السوداني في ازالة الطغمة الجشعة والغبية..

يا ناس تفائلو خير الحكومة دي بتمشي وتجي حكومة جديديمكن أن تكون حكومة وطنية والناس في السودان يعيشوا أحسن من الآن السودان خيراته كثيرة بس سوء إدارة و سوء تخطيط ما شفت حتي الآن زول بيقول السودان أولاً وإدني منصب وحاسبوني عليه لو سرقة مليم من مال الدولة لو كل أنسان إدي ما عليه بضمير سوف نصل الي مبتقانا أنا بعرف ناس كانو فى مناصب كبيرة في الحكومةبدرجة وزير كانو بتوصلهم سيارات الحكومة الصباح وترجعهم الى منازلهم عند أنتهاء العمل وبيقولو للسائق أرجع العربة الى الوزارة وبيذهبو بالمواصلات لمشاويرهم الخاصة هل يوجد رجل رشيد يفعل هذا اليوم من أفراد الحكومة؟ هؤلاء هم الذين بيرفعو البلد وبيخافو الله ما زي الناس في هذا الزمن يجعلون الله خلفهم ويتصرفون بعد ذلك لنقل لهم أتقو يوماً ترجعون فيه الى الله يوم يكون فيه الحساب لو أنهم يفتدو بكل ما في الدنيا حتي ينجو والشعب السوداني يشكو بأسه الى الله والله المنتقم