إدارة الثراء الحرام والمشبوه : إقرارات الذمة شملت قادة العمل العام وكبار الضباط
SMC الخرطوم
أكدت إدارة الثراء الحرام والمشبوه التابعة لوزارة العدل أن العام الحالي مميز لإقرارت الذمة لدى الدستوريين وشاغلي المناصب الدستورية وقادة العمل العام، بالإضافة إلى كبار الضباط.
وأوضح مولانا مبارك محمود وكيل نيابة الثراء الحرام في تصريح لـ(smc) أن النيابة فرغت من إجراءات إقرار الذمة للفئات المستهدفة، مبيناً أنها قطعت شوطاً كبيراً في العمل بالولايات، مبيناً أن قد النيابة حددت شخصيات عامة وقيادات خضعوا لفحص إقرار الذمة، وأن هناك حوالي ثلاثة أنواع من إقرارات الذمة تم تقديمها للدستوريين وشاغلي المناصب الدستورية، مضيفاً أن النيابة قامت ببرنامج تدريبي وتعريفي بإقرارات الذمة بالوزارات المختلفة، مشيراً الى تكوين لجان بدأت في التعريف والتدريب في كافة الولايات خاصة وسط دارفور وكسلا، لتنوير القيادات العامة في الوزارات.
وأكد مولانا محمود إن وزير العدل كان قد أصدر قراراً بمراجعة قانون الثراء الحرام، مبيناً أنهم شكلوا لجاناً لمراقبة القانون، وأنهم قطعوا حوالي 85% من مراجعة القانون.
خلونا من كلامكم الفارغ دة أهو دى حالة حارة أمامكم بطلها وزير المالية السابق أبقوا رجال وأفتحوها للشعب.
85% من مراجعة القانون
مرارتى
وديل ان شاء الله في الابتدائي وله الروضه يراجعوا في قانون سنه…والقانون ذ اتو لزوم شنو..طالما في تحلل يهبر هبرة ويشقلها عشره سنه وبعدين يرجع رأس المال ويكون تحلل
هههههههههههه
إدارة الثراء لمن يتعدى الحدود من العصابة أما الحرام فمافى داعى لإستخدام بمفردات ديننا فى شؤون دينكم
اقرارات الذمة دى بتكتبوها فى ورق ,…. لو كانت فى ورق .. السلام على طه , يعنى تقولو ليهو يا سيادتك ورينا عندك كم بيت وكم مليون دولار ؟؟ مولانا بينك وبين نفسك خلينا نحن الشعب التعبان الجعان دا , نحنا ما بنستاهل تقول لينا الحقيقة , انت بتقدر تمشى تسئل ليك كوز .. كوز بدرجة تركيز 80 – 90 % تقول ليهو عندك كم بيت وعندك كم مليار سودانى وكم مليون دولار ؟؟ يعنى مثلأ زى (ابراهيم حنطور) دا بتقدر تمشى تقول ليهو كلام زى دا . ؟؟
كلامك كالاتى:-
والله الموضوع ما بستاهل سيادتك ونحنا والله والعياذ بالله ما عندنا شك فى نزاهتك وفى تضحيتك للبلد دى وانا والله هسى خجلان من نفسى اجى لحدى عندك واقول ليك الكلام الفارغ دا , اقرار ذمة دا يا سيادتك موضوع فارغ وعاملين لينا بيهو دوشة ساكت , وانا والله من ما قالو لى جيب لينا اقرار من سيادتك طوالى مليت ليك الاوراق ومررتها وانتهى موضوع الاقرار دا , وقلت للسيد وكيل الوزارة , يا اخوانا سيادتو دا والله ما فاضى والله مشغول شغلة لا يعلمها الا الله , …… كيف الصحة والاخبار انشا الله كويسين كيف الاولاد والسيدة المدام انشا الله كلهم كويسين .. طبعأ جاتنا فى الوزارة هناك قبل كم شهر وقالت لى سيادتك بتسلم عليتا وطبعأ حملناهاالسلام ليك وقلنا ليها والله الواحد فينا لمن ما يلاقى سيادتك زى الناقصة ليهو حاجة .. والله مشتاقين لونستك الجميلة ديك , طبعأ موضوع المدام بسيط وحليناهو ليها تانى يوم طوالى .. والله قالت طبعأ عندها واحد من قرايبا عندو قضية بسيطة بتاعت اظنه مليار ولا مليار ونص كدة ورافعين عليهو قضية , وطبعأ انا ضربت تلفون للقاضى الماسك القضية وقلت ليهو الزول يطلع برأة فورأ , القاضى من زملاءنا الصغار ديل والله ما برد لينا طلب … غايتو الحمد لله الموضوع انتهى .
يرد سيادته والله جزاك الله خير .. الولد هو ود اخت المدام طوالى .. المدام خالتو .. ولد طايش ساكت وطبعأ خالتو ما بترضى فيهو ,,وقالت الولد صغير يدخل حراسات وقضايا وكلام زى دا يمكن يؤثر على نفسياتو .. وبعدين الموضوع ما بستاهل كلها مليار ولا مليار ونص ما عارف عاملين بيها زيطة وزمبليطة فى الفاضى .. الحمد لله الولد ذاتو هسى فى لندن خالتو قالت لازم يسافر وياخد ليهو كم شهر هناك .. عشان نفسياتو تتصلح شوية .
يرد وكيل وكيل نيابة الثراء الحرام والمشبوه : اى والله الموضوع بسيط .. والله نحن
نتمنى نخدمكم.. والله سيادتك كان عندى موضوع صغير كدة .. وكنت عايز اجيك بخصوصه ولكن طبعأ مشغولياتك كتيرة وقلت خليهو لى وقت تانى ..
يقول سيادته : قول .. مافى مشكلة انشاء الله الموضوع محلول ..
وكيل لحرام والمشبوه : والله طبعأ جماعتنا ديل كان ادوهم قطع اراضى كدة وانا من ضمنهم ولكن القطعة والله يا سيادتك عاجبانى .. هى درجة اولى وكل حاجة لكن المدام والاولاد مصرين على مساحة كبيرة فى شرق الخرطوم ويعنى المنشية, الرياض
سيادته : قطعتك وين الادوك ليا دى ..
وكيل الحرام : والله فى المجاهدين و750 متر بس .
سيادتو: خلاص مافى مشكلة.. فى كم قطعة كدة فى المنشية تعال بكرة لمدير مكتبى يوريك الخرطة واختار ليك واحدة لو عايز تسجل طوالى اديهو 20 مليون( بالقديم , يعنى 20 الف بالجديد) وحا يسلمك شهادة البحث بعد يومين او تلاتة , مافى مشكلة انتا زول هميم ونشيط وتستاهل , انا هسى بضرب ليهو تلفون وبكلمه ليك .
وكيل الحرام : شكرأ كتير وكتر خيرك وجزاك الله خير .. انشا الله ربنا يديك قطعة فى الجنة …… وكركع بعدها وكيل الحرام كباية العصير رغم ان السكرى مرتفع ليهو تلاتة يوم ماعايز ينزل… وهو فى قمة النشوة والفرح .. كيف لا وثمن القطعة مليارات
كيف لمن بينهم منافع مشتركة ان يجرموا بعض , الوكيل ارسل الرسالة الذكية ( يعنى نحنا ما عايزين نفتش ونبحث وراك عارفين كل شى بدون اقرارات وعارفين النهب والسرقة ) وفهم سيادتو الرسالة الذكية (انتا لازم يجدعو ليك حاجة عشان تقفل بيها خشمك ) …
وزارة العدل تسخر من ذاكرتنا لذا يُكرر نفس الكلام وبذات المحتوى والوجهة سنوياً-2011 -2012- 2013 والأن 2014 يكرره كل ما برزت من بين جبال الفساد قمة ذات دخان.
أولاً وقبل أن يفعل القانون أين ومتى ومن عوقب بتهمة التقصير في أخذ أقرارات الذمة وتنفيذ القانون حتى بات يحتاج للتفعيل فقانون الثراء الحرام موجود من سنة 1989م وقبلها كان يوجد قانون 1983 وقبله 1966م. فمن فرط في تنفيذ القانون.
http://publicofficialsfinancialdisclosure.worldbank.org/sites/fdl/files/assets/law-library-files/Sudan_Law%20on%20Fighting%20Illicit%20Wealth_1989_ar.pdf
الأستاذ نبيل أديب في مقال بعنوان -قراءة قانونية لأحداث مكتب الوالي هيبة الدولة وسطوة الحكام- أثبت أن القانون نفسه معيب ويشجع على الفساد، ولكن رغم عيوبه لم ينفذ.
والعتب ليس على الوزارة بل الأمر أمر نظام كامل يزكم الأنوف ولا يستطيع أن يشم رأئحة نفسه.
سؤال كم عدد لجان مراقبة ومراجعة القانون؟؟ وما هي مسمياتها.. إلا إن كانت سرية أنها شأن إقرارات الذمة االتي هي فاقدة أصلاً لمعناها طالما ظلت سرية.
نيابة محاربة “الثراء الحرام” التي كانت قائمة بذاتها… اصبحت ادارة!!
هو الناس القبضوهم بالثابتة عملوا ليهم شنو ؟
ديل ذمتهم زي …….هم !
ياجماعه الناس دي سكتوها
ياخ الهطو حتي اموال الزكاه بس اسكتو اسكتو يعني تاكلو مال الناس و تجيبو ليهم الطغط و السكر كلامك دا لو قلتو في امريكا كان ضحكو عليك طيب شوفو لينا الناس التي ظهرت اخبارها في الصحف فقط و وضحو للناس انو دا كلام جرائد بس
بلا ي00000
يجب نشر هذه الأقرارات فى الصحف ليكون الشعب رقيبا عليها والا ما فائدتها اذا لم تنشر فى الصحف ؟ فى فرنسا بمجرد تشكيل اى حكومة يتم نشر اقرارات الذمة فى الصحف اليومية . فهل انتم فاعلون ام هو ضحك على الذقون ؟ العبوا غيرها فالشعب ليس مغفلأ اذا كنتم تعتقدون ذلك ؟
يا جماعة على حسب فهمي المتواضع جدا: انو اقرار الذمة دا مفروض يكون أول خطوة يبدأ بها المسئول قبل استلام مهامه, بمعنى أن يقر ويعترف بكل ممتلكاته قبل استلام موقعه الجديد ليكون الشعب على بينة, وبعد توليه للمنصب وعند تنحيه منه أو اقالته أو عند تغيير الحكومة: يمكن بكل سهولة معرفة حقه مما هو استحوذ عليه دون وجه حق, والا فليس ما يقومون به لما يسمى باقرار الذمة أنه الحق… والله أعلم
بعد خراب سوبا ( السودان )
يامولانا انت موهوم اقرارات شنو جايين تعملوها بعد ربع قرن من الزمان انت بتضحك على منو ؟ناس قاعدين ليهم خمسة وعشرين سنة ينهبوا في اموال الشعب الان تعملوا اقرارات وانت عارف ان معظمهم بسجل الممتلكات باسم زوجاتهم وابنائهم ومعظمهم حاملين جنسيات دول اوربية وانا شخصيا بعرف كوز معفن حرامي كبير يملك عشرات العقارات كلها مسجلها باسم الاولاد والبنات وعندهم جنيسات دولة اوربية يعني باختصار شديد انت بتضحك على نفسك بلا اقرارات بلا وهم معاك
أقرار ذمة بتاع شنو فاكرننا حيوانات وحمير يا قول المثل (صاحب القلم ما بكتب علي نفسو شقي)
عايزين قانون من أين لك هذا ولماذا؟ حتي نستطيع الوصول لأقارب وشركاء ومعارف وأصدقاء المسؤولين وأملاكهم وتجارتهم وحساباتهم الخارجية.
قال أقرار ذمة قال العبوا غيرا يأخوان الشيطان.
ذر الرماد فوق العيون ..
كل ما تكتشف بلوى جديدة تسارع ادارة الثراء الحرام بمثل هذا التصريح …
ما بصدقكم .. ما بصدقكم .. بلاويكم بتهد صروح
قهقهقهقهقهق، بعد شنو بعد خراب سوبا هذا أشبه بواحد أشتغل في الحرام حتى إغتنى من الحرام وبعدين قام تاب ولكنه إستثمر أموال الحرام وهو يعيش من إستثمار مال الحرام
هو وعائلته. ده كان زمان يا أخوان الشيطان..
ما الهدف يامولانا من تصريحكم بابراء الذمة الآن.طبعا كل ماظهر فساد فى العلن وتناولته القلام صمت الحمار الكبير عمر البشير ورفعت نيابة الثراء الحرام عقيرتها بأن كل شىء تمام فالمسئولون الدستوريون وغير الدستوريون من بنى كلب(كوز) كلهم عال العال ومافيش واحد حرامى لأن أقرارت الذمة التى لاترى بالعين ولا بالمايكروسكوب قد أوضحت جليا بأن المتوضؤن الأطهار مظلومون من الشعب بهذه التهم.كفاية كذب يا نيابة الثراء الحرام فأنت حرامية كولاء نعمتكم والحرامى لايمكن أن يسجدل فى دفاتركم أنه حرامى بل شريف يقدل وسط الشعب ويتبجح ويلعن سنسفيل كل من يشير لكلمة حرامى من بعيد أوقريب. لاداعى لنيابتكم التى عملت من أجل تعمية الأبصار.
سبحان اللله
خير تعليق هو صورة النساء الثلاثة المرفقة مع الموضوع
هؤلاءلا يمنعهم قسم ولااقرار لو اردتم اقناع الشعب يجب تقديم السارقين للمحاكم
اول مرة اسمع باقرار الذمة بعد النهب و اللهط يعنى اللبع و البلع المن 89 ده حيكون مسجل ملك حر فى الاقرار ؟ وما بعد ذلك يحاسب عليه . ولا كيف ؟؟؟؟هو اصلا فى حاجة تانى عشان يعملوا ليها اقرار ذمة . اطلع منها يا مدير ادارة الثراء و اللهط
هو وينو العدل… عشان تقولوا وزارة العدل
هو وينو الحلال … عشان تقولوا إدارة الثراء الحرام
ابو عشرة اسطر ونص كل ما بهمنا حتي لو استلمت اقرار واحد كان عليك نشره في الصحف اليومية والاجهزة المشاهده مثلما تنشر قضايا الطلاق والخلع واوامر القبض والمثال وزير القصر ابو 2مليون دولار وكمان نطالب ب ادخال وزن جثثهم النتنة وطولها القول المختصر المفيد انشر انشر وفي حين اني لا اؤمن بحكاية اقرار الزمة لانهم عديمي الزمة ممكن اكتب لك عندي كده وكده في حتة كدة علي الورق مثل الفواتير ال3 التي يطالب بها المراجع في حين صاحب المحل ممكن يمنحك الف فاتوره وممكن اخرج بعد الاقالة اقول والله انا مسكين ماعندي مثلما يقول اخوكم في الله محمود النمر المهم هل انت مرتاح لهذه الوظيفة وضميرك لا يؤنبك لن راتبها حرام مهما لقبوك بمولانا ولا ي شيخ
وأين الموظفين الذى إمتلكوا العمارات والبيوت الفارهات من إقرار السجم ده
وأكد مولانا محمود أن وزير العدل قد أصدر قرارا بمراجعة قانون الثراء الحرام مبينا أنهم شكلوا لجانا لمراقبة القانون وأنهم قطعوا حوالى 85% لمراجعة القانون هىهىهىهى ها ها ها ها هى البلد دى فيها قوانبن ز