فتيات يقتحمن حفلات فرفور واحمد الصادق وطه سليمان لأغرب الأسباب
في حوادث غريبة ودخيلة ومتفرقة علي المجتمع السوداني وفضائله التي عرف بها صعدت بعض الفتيات حمى إعجابهن بالفنانين الشباب إلي حد أن صارت ظاهرة بعد أن أتين بأفعال وسلوكيات تدخل ضمن قائمة المحظورات الاجتماعية ، وأصبح بعض الفتيات يعبرن علي حبهن للفنانين بالطريقة التي نشاهدها وتتمثل في الدخول في هستريا وأحداث جلبة كبيرة للفت انتباهه والصراخ في وجهه ، بل أنهن تعدينها إلي أكثر من ذلك ففي إحدى الحفلات للفنان فرفور صعدت احدي الفتيات إلي المسرح وحاولت الإتيان بفعل مناف لما ظل السودانيون يتوارثون وهو ذات الأمر الذي انطبق علي الفنان احمد الصادق حينما سعت احدي الفتيات إلي الوصول إلي احمد لصادق في احدي حفلاته إلا أن الحرس الخاص بالمطرب الشاب استطاع الوصول إليها ومنعها من الوصول إلي الفنان ، وذات الموقف دخل فيه المطرب الشاب طه سليمان حينما هرولت إليه إحدى الفتيات بصورة هستيرية بغية الاقتراب منه والإتيان بفعل غريب وغير مألوف إلا أن تدخل المحيطين به منع الفتاة من مقصدها ..
صحيفة فنون
والله ده كلام فارغ ايه احمدالصادق ولافرفور ولا طه ديل كلام ساسي وقال حرس دي لعبه هم بيعملوا فيها عشان الناس يقتكروهم نجوم والله ديل ولاشي وسط النجوم المعروفة ديل ل…………
بنات منحلات وعديمات تربية ……………… والبركة طبعا في الأسر الناااايمة نوم وما جايبة خبر والمصيبة لو بقت الأسر جايبة خبر وما قدرة تعمل حاجة
وما تنسوا كمان شكر الله-ده قالوا بطلع على المسرح الجكس بيغمى عليه عديل كده خليك من واحدة تجي تجري وعايزة تقابض
نسأل الله السلامة الناس الحاضرين الحفلة ديل مافي واحد عندوا ( بسطونة )
لو أعطوها بسطونة كانت فاقت وتابت ورجعت لربها وأستغفرت لذنبها
والله دا الياهو الفضل وزي ما بقولوا الاعمي بضحك علي المكسر وزي ما بقولوا زي الطير في الباقير..ديل بنات ما عندهن موضوع فايقات وبايرات والاخوه المذكورين من الفنانين(ههههه)بلعبوا ساه ما عندهم اي نوع من الفن…ديل بقبقاء وبس بجيدوا التقليد(يحيا عمالقه الحقيبه)
هذا والعياذ بالله من تأثير القنوات الفضائحية وانقلاب المفاهيم الاخلاقية .
قديما كان الامر اهون ويسمى بمرض حامد واظن ان الحادث الآن هو التحول السرطانى لنفس المرض
وين الفنانين وين الكلمات التي تعجب عند فرفور واحمد الصادق وطه سليمان ديل بنات صايعات ساي
اووماال لو كانو عالمين كانو هيعملو شنوو ؟؟
بنات قليلات حياء .. عشنا وشفنا والله السوادنة
ماكنتم كذا زمان دحين جالكم بلاء
دا سببه ضعف الوازع الديني وموت الضمير
وعدم الرقابة الاسرية في عهد الانقاذ
زوجوا بناتكم يا سودانيين ولو بالفاتحة
قبل مايقع الفاس في الراس ;)
من حق البنت أن تعبر عن حبها للفنا ن سواء كانت أنثى أو ذكر
حلاتو ياناس الفنان الفى الصورة ده;)
حسبنا الله ونعم الوكيل قال رسول الله صلى الله عليه وسلم ( تدخل المرأة زوجها وابيها واخيها النار ) البنات ديل ماعندهم اهل اخوان مافي يارب لكن للاسف ظهرت الدياثة والعياذ بالله قالر رسول الله صلى الله عليه وسلم ( الديوث لا يدخل الجنة ولا يشتم رائحتها ) انا لله وانا اليه راجعون
ووووووووووووووووووووووووووووهم
والله ديل لا عندهن والي ولا تالي 00000000000000 هذا جيل المشروع الحضاري دمره الله والقائمين عليه وعلى رأسهم الخبيث وزير الثقافة الجديد الذي اقام مهرجان لفترة اكثر من اسبوعين راينا فيه العجب العجاب 00000000 فنرجو يا السموئل بما انك امام مسجد ان تفتينا بمهرجانك دا والجمع الكريم من المنحلين والمنحلات هل هو حلال ام حرام 0000000 هذا من اكبر المشاريع لاضلال الشباب كرة القدم التي يصرف عليها رؤساء الاندية مبالغ كفيلة بعمل مستشفيات متخصصة في الولايات المنتهية 0000000والله عشنا وياما حنشوف في ظل البشير(يطول لي عمره)
الكلام دا ما بحصل في السودان وإذ حصل هذا بالجد كارثة ومصيبة نسأل الله السلامة
ياجماعة ديل بنات من نفس نوعية الفنانين نفسهم يعني اتلم المتعوس علي خايب الرجاء
طبعا عاوزة تحضنو وتبوسو . ما عادى كل يوم بتشوفوا فى التلفزيون. ولد حليوة وصايع وبحب البنات والبنات بيحبوهو. يعنى تتوقعوا شنو. ما بوس وقلة ادب. احىىى عليك يا انقاذ دايرة تنقذينا سرقتينا وطينتينا. سرقتوا قروشنا واخلاقنا وجيل كامل بقى ما بعرف غير الخوف والغناء والرقيص والجل والسيستم
يوم واحد ما سمعنا أنه في واحدة أو واحد طلع لمحمد الأمين او وردي أو كابلي أو غيرهم من الفنانين الحقيقين الذين فعلاً أدائهم بيطرب، فلماذا تحصل مع الرعاع ديل؟ وهم يرددون أغاني غيرهم ولا توجد لديهم أية مؤهلات تطريب. لكن حسب ما سمعنا أنو الشباب ديل بقوا يتباروا في اختلاق الأشياء الملفتة عشان يوهموا الناس بإنهم فنانين، وسمنا أنهم بيدفعوا قروش للشكش ديل عشان يمثلوا تمثيليات بايخة زي دي
دى افرازات المشروع الحضارى
انتو بتتكلموا عن الفنانين والبنات البعملوا الحاجات الغريبة دي وناسين المشكلة الكبيرة وهي فهم حكومة الانخاز الطوني خربت الفن والرياضة والذوق العام وجونا ناس احمد وطه وشكر الله عملوا فيها نجوم مجتمع وقنوات فساد استضيفوا في الهمول ديل وصور وبوسترات الامبراطور والقيصر والدكتور معقول بس طيب ود الامين ومحمد وردي والكاشف ابقوا شنو وبعدين الانقاذ دايره شباب زي ديل عشان ما اشغولوها بالسكر بقي بكم والعيش بكم وليه انفصل الجنوب والحرب العرقية في دارفور فلازم اكون نوع من الهانص في الدانص وربنا اعين ;( ;(
الفنانين كانوا زمان اما فناني المشروع الحضاري الله يسهل عليهم…… مشاط وكريمات واحمر شفايف ومبروك للفتيات المثيلات للفنانين واانتم مالكم زعلانين من الكلام ده …… البلد بقي في خبر كان الاخلاقيات زيرو والدليل صورة الفنان امامكم والرئيس قال يحكم بالشريعة وهذا الفنان هو مؤتمر وطني فرع الخرطوم فبماذا يحكموا له ؟ ام انه من المؤتمر الوطني فرع جوبا
اللهم استر على ولايانا ….. العيب مافي البنات العيب اهلن اطلقوهم بدون رقيب ويا حليل الابو …. والاخو……… وود الاعم ……. الله يستر والله …….
الاخ هاشم ،انت تستحق جائزة افضل تعليق بكل جداره ، صحيح اتلم التعيس على
خائب الرجاء .
انتوا في ديل ولا قبل كدة لمن عصام محمد نور قال داير اعتزل الغناء في واحدة قالت ح انتحر !
تقول الكلام ده مابحصل في السودان ., بس ده ماالمهم حصل في السودان ولا بره السودان المهم العملت الكلام سودانية وتحمل الجنسية السودانية وتحسب علي الشعب السوداني
واخير تكون عملتو في بلده احسن من تكون عملتو بره البلد ;(
ياجماعة هما حلوين يعني للدرجة؟؟؟؟؟ ولا البنات البعملن كدا شينات !!! قايتو البغنو ديل يا حلوين عديل كدا!!! ولا البنات ديل شينات!!!! لانو البغنو ديل واحد مصلع واحد نخرتو زيي [احمد راتب] وواحد خشمو كلو سنون**** ما عارف حب الناس مذاهب*** والله ما حسدهم*** لكن الثقافة جاتنا من مصر اصلوا ما بجيني منها غير الزواج العرفي والمياعة والخلاعة
للاسف الشديد اصبحنا مجتمع منحل بكل ما تعنيه الكلمة كنا ولعهود قريبة مجتمع فضيلة يشهد لنا الشرق والغرب . كان بالمجتمع مغنيين ولكنهم ملتزمون بحدود ادب واخلاق المجتمع اما الان فقد درجت الدولة للاسف على تربية الشباب من الجنسين على ثقافة الغناء والرقص لدرجة اصبحت البيوت السودانية المحافظة تدفع ببناتها اليافعات ليصبحن مغنيات ومطربات اما الشباب المغنين فى الساحة الان فهم اشباه رجال (مخانيس) مضفرين الشعور ومعلقة السلاسل على رقابهم بل سمتهم الغالبة
الميوعة فلا غرابة ان تقفز البنت الى المسرح وتقوم بتقبيل المغنى بكل جراة ووالديها واخوانها ينظرون لها باعجاب نزعت منهم الغيرة العياذ بالله . ولكن اقولها وانا موقن والله والله الذى لا اله الا هو انه نذير شر وشوم سوف يحل بهذا المجتمع ان لم يفيق ولى امر البلاد من نومه ويوقف هذا الانحلال والاسوا واضل نفس هؤلاء الشباب يقومون بمدح النبى صلى الله عليه وسلم وهو بريىء منهم لان النبى لا يحتاج لان يمدح من امثال هؤلاء يريد شباب يتشبهون به ويطيعونه فرحم الله السودان شعبه واحسن الله العزاء .
هذا نتاج فراغ ديني وقلة تربية المصيبة يكون مع البنت ابوها او العائلة كاملة .
هذه هي الحضارة .
الرجوع للحق والدين وسنة المصطفي عليه الصلاة والسلام التي امر المراءة ان تصلي في بيتها وبل غرفتها .
وامرن بالاقرار في البيوت .
اين نحن ونساءونا بالطرقات بلا رقيب ولاحسيب بسبب وبدون سبب .
وين البنات ؟ دول رجال البنات وصفوا بناتنا بالغورولا
واحد سودانى فى عراق سائق ترلا دهس سيارة ضابط عراقى تابع لصدام والضابط طلع المسدس ضرب السودانى ولكن السودانى محجب متجه لضابط وسط نيرن المسدس واحد عراقى واقف بعيد يقول لضابط اعمل حسابك اوع ياكلك
ياجماعة دي ثقافة مصرية واردة من مصر
ناس تامر حسني وغيرهم من الفنانين
ودا حصل في حفل تامر حسني في دبي ومنشور في اليوتيوب
في واحدة جايه دايرة تقبلوا البودي غارد راحوا حايشنها منه :lool: ;)
بالطبع هذا نتاج المشروع الحضارى بعد فصل الجنوب مباشرة
لو أعطوها بسطونة كانت فاقت وتابت ورجعت لربها وأستغفرت لذنبها
وسلملي على المشروع الحضاري ..